အာဂျင်တီးနားနဲ့ ကစားရမယ့် ကမ္ဘာ့ဖလား ခြေစစ်ပွဲ မတိုင်ခင်မှာ ဥရုဂွေး နည်းပြ မာဆယ်လို ဘီယဲလ်ဆာက အခုလိုပဲ ပြောခဲ့ပါတယ်။
“ မက်ဆီကို ဟန့်တားဖို့ အတွက် ဆိုပြီး ဘာနည်းလမ်းတွေ ရှိမလဲ လိုက်ရှာနေတာက အပိုပါပဲ၊ ဘာနည်းလမ်းမှ မရှိပါဘူး၊ ဘောလုံးလောကက ဒီလိုကစားသမားတွေ တောက်ပလာဖို့ စောင့်မျှော်နေတာပါ၊ သူတို့ကို ဟန့်တားဖို့ အတွက် ခင်ဗျားက ဖော်မြူလာ ရှာနေလည်း တွေ့မှာ မဟုတ်ဘူး၊ ရှိမှမရှိတာပဲ၊ ဒိလိုကစားသမားတွေကြောင့်ပဲ ဘောလုံးက ဆက်လက် ရှင်သန်နေတာပါ၊ မက်ဆီက ကျနော့် အတွက်တော့ အကောင်းဆုံး ကစားသမားပဲ၊ ဒါ ဘာသံသယမှ ဖြစ်စရာ မရှိပါဘူး”
ဘောလုံးလောကရဲ့ နည်းစနစ် ဂုရု အဖြစ် သတ်မှတ်ခံထားရသူ ကိုယ်တိုင်က ပြောဆိုခဲ့တာလည်း ဖြစ်ပါတယ်။ သူ့စကားမှာတော့ အမှန်တရားတွေ ပါပါတယ်။ မက်ဆီကို ဒီနေ့ ဒီအချိန်ထိ ရပ်တန့်လို့ မရအောင်ကို ဖြစ်နေခဲ့ပြီး တကယ်ပဲ ဖော်မြူလာမရှိခဲ့၊ နည်းလမ်းမရှိခဲ့ဘူး ဆိုတာ လက်ခံရမယ့် အရာပါပဲ။
လီယွန်နယ် မက်ဆီ အပြင် ခရစ္စတီယာနို ရော်နယ်ဒို၊ ရော်နယ်ဒင်ဟို၊ ရော်နယ်ဒိုကြီး တို့လို နာမည်ကျော်တွေ ကိုလည်း ဟန့်တားနိုင်တာမျိုးက ရှားပါးခဲ့ပါတယ်။ ဘောလုံးလောကမှာ ဒီလိုမျိုး ဝိသေသ ထူးခြားတဲ့ ကစားသမားတွေ အတွက် ဖြေရှင်းနိုင်စရာ နည်းလမ်း တကယ်ပဲ မရှိခဲ့တာ သေချာပါတယ်။ တစ်ဦးတယောက်တည်းတင် မဟုတ်ဘဲ ဒိတ်ဒိတ်ကြဲ ကစားသမား အားလုံးနီးပါးကို ဟန့်တားနိုင်တာမျိုး မရှိခဲ့တာကို ကျနော်တို့ အားလုံး မြင်တွေ့ခဲ့ရတာ အမှန်ပါပဲ။
ပြိုင်ဘက် အသင်းကစားသမားကို ပွဲကြိုသတင်းစာရှင်းလင်းပွဲမှာ ချီးကျူးတာလည်း ဖြစ်ကောင်း ဖြစ်နိုင်တယ်လို့ ပြောနိုင်ပါတယ်။ ဒါပေမယ့် သူ အပိုစာသားတွေ မပြောသွားဘဲ လက်တွေ့ကျကျ ပြောသွားခဲ့တာပါ။ မက်ဆီက အခုထိ တကယ်လည်း ရပ်တန့်မရတဲ့ ကစားသမားပါ။ ဒါကို ငြင်းဝံ့တဲ့သူ ဘယ်သူမှ မရှိပါဘူး။ ဒါကိုကပဲ ဘောလုံးလောကရဲ့ ထူးခြားချက် ဖြစ်ပြီး ဒီလိုမျိုး ထူးခြားပြောင်မြောက်တဲ့ ကစားသမားတွေကြောင့်ပဲ ဘောလုံးက ပိုပိုပြီး စိတ်ဝင်စားဖို့ ကောင်းနေခဲ့တာပါ။
ဘီယဲလ်ဆာ ကိုယ်တိုင်က အာဂျင်တီးနားသား ဖြစ်ပြီး နည်းပြဘ၀မှာ နာမည်ကောင်းတွေ ပိုင်ဆိုင်ခဲ့သူပါ။ လိဒ်စ်ယူနိုက်တက်နဲ့ အတူ သူ့ကို တွဲမြင်ခဲ့ကြပြီး သူ ကိုင်တွယ်ခဲ့တဲ့ အသင်းတွေကို အဆင့်တစ်ခုဆီ ရောက်အောင် ပို့ပေးနိုင်ခဲ့သူလည်း ဖြစ်ပါတယ်။ ဒီလို နည်းပြမျိုးက ပြောဆိုတာ ဖြစ်လို့ ပိုပြီးတော့ လေးနက်ပါတယ်။ မက်ဆီလို၊ ရော်နယ်ဒိုလို၊ ဒင်ဟိုလို ကစားသမားတွေကို ဟန့်တားနိုင်မယ့် နည်းဗျူဟာသက်သက်၊ ဖော်မြူလာသက်သက် ဆိုပြီး မထွက်ပေါ်ခဲ့တာ ကလည်း သူ့စကားကို ထောက်ခရမလိုပါပဲ။ တကယ်ရှိနေခဲ့ရင် ဒီကစားသမားတွေဟာ နှစ်ပေါင်းများစွာ ဘောလုံးကို မင်းမူနိုင်ခဲ့မှာ မဟုတ်ပါဘူး။ ဒါက ရိုးရိုးလေးပါပဲ။
နောက်ထပ် ထူးခြားပြောင်မြောက်တဲ့ ကစားသမားတွေ ထွက်ပေါ်လာရင်လည်း ဒီအတိုင်းပဲ ရှိနေဦးမှာပါ။ သူတို့ ကိုယ်တိုင်ကိုက ရပ်တန့်လို့ မရတဲ့ ကစားသမားတွေ အဖြစ်နဲ့ ရှင်သန်လာခဲ့တာကြောင့် ဖြစ်ပြီး စိတ်အနှောင့်အယှက် ဖြစ်ရုံလောက်က လွဲရင် ကျန်တာ ဘာမှလုပ်လို့ရမှာ မဟုတ်ပါဘူး။
ဒါပေမယ့် အဲ့ဒီ ကမ္ဘာ့ဖလား ခြေစစ်ပွဲ မှာတော့ ဥရုဂွေးက အာဂျင်တီးနားကို အဝေးကွင်းမှာ အကောင်းဆုံး ဒုက္ခပေးနိုင်ခဲ့သလို ၀-၂ ဆိုတဲ့ ရလဒ်နဲ့လည်း အနိုင်ရသွားခဲ့ပါတယ်။ ဒါကြောင့်လည်း အာဂျင်တီးနားတို့ တောက်လျောက် နိုင်ပွဲဆက်နေမှု ရပ်တန့်သွားခဲ့ရပါတယ်။ ပွဲချိန် အတွင်းမှာ မက်ဆီရဲ့ ပရိုမဆန်တဲ့ လုပ်ရပ်မျိုးလည်း မြင်တွေ့ခဲ့ရပြီး ပြိုင်ဘက် ကစားသမားရဲ့ လည်ပင်းကို ညှစ်ခဲ့တာ ဖြစ်ပါတယ်။ ဘာပဲပြောပြော ဘီယဲလ်ဆာ ကတော့ ပြိုင်ဘက် ကစားသမားကို ပွဲမတိုင်ခင် ချီးကျူးပြီး တကယ်တမ်း ကန်တဲ့ အချိန်မှာတော့ အနိုင်ယူပြသွားခဲ့တာ ဖြစ်ပါတယ်။
ပွဲအပြီးမှာ အာဂျင်တီးနားတို့ ကမ္ဘာ့ဖလား ခြေစစ်ပွဲ တောင်အမေရိကဇုန် အုပ်စု ထိပ်ဆုံးမှာ ဆက်လက် ရပ်တည်နေခဲ့ပြီးတော့ ဥရုဂွေး ကတော့ အဆင့် ၂ နေရာ ကနေ ဆက်လက် ဖိအားပေးနိုင်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
