ဒီဇင်ဘာ ၁၉ ရက်နေ့ ညနေပိုင်းမှာ ရရှိထားတဲ့ စိတ်ဝင်စားစရာ ကမ္ဘာ့ဖလား သတင်းတွေကို ဆက်လက် ဖော်ပြပေးသွားမှာ ဖြစ်ပါတယ်။
ကမ္ဘာ့ဖလား ဗိုလ်လုပွဲမှာ ဟက်ထရစ် သွင်းခဲ့တဲ့ အမ်ဘာပေးကို အင်္ဂလန် ဂန္တဝင် ချီးကျူး
ဒီပွဲမှာ အာဂျင်တီးနားနဲ့ ပြင်သစ် တို့ဟာ သာမန် ပွဲချိန် အတွင်း သုံးဂိုးစီ သရေကျခဲ့ပြီး ပင်နယ်တီ အဆုံးအဖြတ် ခံယူခဲ့ရတဲ့နောက် အာဂျင်တီးနားက ၄-၂ နဲ့ အနိုင်ရခဲ့တာကြောင့် ကမ္ဘာ့ဖလား ချန်ပီယံ ဖြစ်ခဲ့ပါတယ်။ ဒီပွဲမှာ ပြင်သစ်တို့ ရရှိခဲ့တဲ့ သွင်းဂိုး ၃ ဂိုးစလုံးကို အမ်ဘာပေက သွင်းယူခဲ့ပြီး (၁၉၆၆) ကမ္ဘာ့ဖလား နောက်ပိုင်း ဗိုလ်လုပွဲမှာ ဟက်ထရစ် သွင်းနိုင်ခဲ့တဲ့ ကစားသမားလည်း ဖြစ်လာခဲ့ပါတယ်။
အဲ့ဒါကြောင့်လည်း ၁၉၆၆ ဗိုလ်လုပွဲ မှာ ဟက်ထရစ် သွင်းခဲ့ဖူးတဲ့ ကစားသမားကြီး ဂျော့ချ် ဟာ့စ်က အမ်ဘာပေး အတွက် အရမ်းကို ဂုဏ်ယူမိကြောင်းနဲ့ ကျွန်တော့်ရဲ့ စံချိန်လည်း အချိန်အကြာကြီး ဖြတ်သန်းနိုင်ခဲ့ကြောင်း တွစ်တာ ပေါ်မှာ ချီးကျူး ဂုဏ်ပြုခဲ့တာ ဖြစ်ပါတယ်။
ပြင်သစ်ကြောင့် သောကရောက်ရဦးမယ့် ယူနိုက်တက်
မနေ့ညက ကစားခဲ့တဲ့ အာဂျင်တီးနားနဲ့ ပြင်သစ် တို့ရဲ့ ကမ္ဘာ့ဖလား ဗိုလ်လုပွဲမှာ မန်ချက်စတာယူနိုက်တက် အသင်းရဲ့ နောက်ခံလူ ရာဖေးလ် ဗာရန်း တစ်ယောက် ဒဏ်ရာရရှိခဲ့ပါတယ်။
အဆိုပါ ဗဟိုနောက်ခံလူဟာ ဒုတိယပိုင်း ပွဲကစားချိန် အတွင်း ဒဏ်ရာရရှိခဲ့တာ ဖြစ်ပြီး ကမ္ဘာ့ဖလား နောက်ပိုင်း ယူနိုက်တက်ရဲ့ ပွဲစဥ်တွေကို လွဲချော်နိုင်ဖွယ် ရှိနေတယ်လို့ သိရပါတယ်။ ဗာရန်းဟာ ကမ္ဘာ့ဖလား မတိုင်ခင် ကလည်း တံကောက်ကြော ဒဏ်ရာရရှိခဲ့သလို ကမ္ဘာ့ဖလား ဗိုလ်လုပွဲ မတိုင်ခင်မှာလည်း ဖျားနာခဲ့ပါသေးတယ်။
အခု ကမ္ဘာ့ဖလား ဗိုလ်လုပွဲမှာ ရရှိခဲ့တဲ့ ဒဏ်ရာနဲ့ ပတ်သက်လို့တော့ ယူနိုက်တက် စိုးရိမ်နေရပြီး တစ်ဖက် မှာလည်း ယူနိုက်တက်ရဲ့ နောက်ထပ် အဓိက နောက်ခံလူ တစ်ဦး ဖြစ်တဲ့ လီဆန်ဒရို မာတီနက်ဇ်ကလည်း အာဂျင်တီးနားနဲ့ အတူ ဗိုလ်လုပွဲအထိ တက်ရောက်နိုင်ခဲ့တာကြောင့် ယူနိုက်တက်တို့ အနားပေးရဖွယ် ရှိနေပါတယ်။ ဒီအခြေအနေတွေကြောင့် နည်းပြ တန်ဟက်ဂ် တစ်ယောက် ဘယ်ကစားသမားကို အသုံးပြုရမလဲ ဆိုတာ ခေါင်းစားရတော့မှာလည်း ဖြစ်ပါတယ်။
ဗိုင်းရပ်စ်ကြောင့် ပြင်သစ် ကစားသမားတွေ ခြေစွမ်းမပြနိုင်တာလို့ ဆင်ခြေပေးခဲ့တဲ့ ဒက်စ်ရွှမ့်
ပြင်သစ် လက်ရွေးစင် အသင်း နည်းပြ ဒီဒီယာ ဒက်စ်ရွှမ့်စ်က အာဂျင်တီးနားနဲ့ ကမ္ဘာ့ဖလား ဗိုလ်လုပွဲ ပထမပိုင်းမှာ ပြင်သစ် ကစားသမားတွေဟာ ဗိုင်းရပ်စ်ကြောင့် ပုံစံကောင်း မပြသနိုင်ခဲ့ကြောင်း ဖွင့်ဟခဲ့ပါတယ်။
ပွဲအပြီး မှာတော့ ဒက်စ်ရွှမ့်စ်က ပထမပိုင်းမှာ အသင်းရဲ့ ကစားပုံက ဆိုးရွားခဲ့ကြောင်း၊ မှန်ကန်တဲ့ ခံယူချက်နဲ့ တုံ့ပြန်မှု မရှိခဲ့ကြောင်းနဲ့ ပြန်လာနိုင်ဖို့ အတွက် စိုးရိမ်ခဲ့ရကြောင်း၊ ဗိုင်းရပ်စ် ကူးစက်ခံထားရတာကြောင့် ဖြစ်ကြောင်း ပြောကြားသွားခဲ့တာ ဖြစ်ပါတယ်။
ဒက်စ်ရွှမ့်စ် အနေနဲ့ ပထမပိုင်း မပြီးခင်မှာတင် တိုက်စစ်ပိုင်းက အိုလီဗီယာ ဂျရူးနဲ့ တောင်ပံကစားသမား အူစမန်နီ ဒမ်ဘီလီ တို့ကို လူစားလဲခဲ့ရပြီး ဂျရူး ကလည်း လူစားလဲခံခဲ့ရတဲ့ အတွက် အရန်ခုံတန်းမှာ ဒေါသပေါက်ကွဲခဲ့ပါတယ်။ ဗိုလ်လုပွဲ မတိုင်ခင် ပြင်သစ် ကစားသမားတွေဟာ သူတို့ တည်းခိုတဲ့ ဟိုတယ်မှာ ဗိုင်းရပ်စ် ကူးစက်ခံရတယ်လို့လည်း သတင်းတွေ ထွက်ပေါ်ခဲ့ပါသေးတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
