မက်ဆီ ငိုရမယ် ပြောခဲ့လို့ လှောင်ခံနေရတဲ့ မော်ဂန်၊ အဂွဲရိုးကို နောက်ပြောင်ခဲ့တဲ့ တယ်ရီ (ကမ္ဘာ့ဖလား – နောက်ဆုံးရ သတင်းများ)

ဒီဇင်ဘာ ၁၉ ရက်နေ့ အတွက် ကမ္ဘာ့ဖလားနဲ့ ပတ်သတ်တဲ့ စိတ်ဝင်စားစရာ သတင်းတွေကို ဆက်လက် ဖော်ပြပေးသွားမှာ ဖြစ်ပါတယ်။

မက်ဆီ ငိုရမယ်လို့ ဟောကိန်းထုတ်ခဲ့တဲ့ ရော်နယ်ဒိုရဲ့ အမာခံ ပရိသတ် လှောင်ပြောင်ခံနေရ

ခရစ္စတီယာနို ရော်နယ်ဒိုရဲ့ အမာခံ ပရိသတ် တစ်ယောက် ဖြစ်တဲ့ ပီယာ့စ် မော်ဂန်ဟာ ကမ္ဘာ့ဖလား ဗိုလ်လုပွဲ မတိုင်ခင်က မက်ဆီ တစ်ယောက် ငိုကြွေးရမှာ ဖြစ်ပြီး အမ်ဘာပေးက နှစ်ဂိုး၊ ဂရစ်ဇ်မန်းက တစ်ဂိုး သွင်းကာ ပြင်သစ်တို့ ၃-၁ ရလဒ်နဲ့ နိုင်မယ်လို့ ဟောကိန်းထုတ်ခဲ့ပါတယ်။

ဒါပေမယ့် တကယ်တမ်း ပွဲကစားချိန် မှာတော့ မက်ဆီက နှစ်ဂိုး သွင်းယူခဲ့ကာ အာဂျင်တီးနား ကလည်း ပင်နယ်တီ အဆုံးအဖြတ်နဲ့ ကမ္ဘာ့ဖလား ချန်ပီယံ ဖြစ်ခဲ့ပါတယ်။ အဆိုပါ ပွဲအပြီး မှာတော့ နာမည်ကျော် တင်းနစ် ကစားသမား အန်ဒီ မာရေးက ဒီနှစ် ကမ္ဘာ့ဖလား ပြိုင်ပွဲထက် ပိုမိုဆိုးရွားတဲ့ အရာ ပီယာ့စ်မော်ဂန်မှာ မရှိတော့ဘူးလို့ လှောင်ပြောင်ခဲ့ပါတယ်။

ဒါ့အပြင် ပရိသတ် တစ်ဦး ကလည်း နောက်ဆုံးတော့ မက်ဆီ ကမ္ဘာ့ဖလားရခဲ့ပြီ ဖြစ်ကြောင်း၊ ရော်နယ်ဒို အပါအဝင် သူ့အစ်မတွေ၊ ပီယာ့စ် မော်ဂန်နဲ့ သူ့ပရိသတ်တွေ အတွက် ဝမ်းနည်းကြောင်း လှောင်ပြောင်သွားခဲ့ပါတယ်။

အာဂျင်တီးနား အသင်းသားတွေနဲ့ အောင်ပွဲခံခဲ့တဲ့ အဂွဲရိုးကို တယ်ရီ နောက်ပြောင်

ချဲလ်ဆီးရဲ့ ဂန္တဝင်နောက်ခံလူဟောင်း ဂျွန်တယ်ရီက ဆာဂျီယို အဂွေရို အနေနဲ့ မနေ့ညက ကမ္ဘာ့ဖလား ချန်ပီယံ ဖြစ်ခဲ့တဲ့ အာဂျင်တီးနား အသင်းနဲ့ အတူ ဝင်ရောက် အောင်ပွဲခံခဲ့တဲ့ လုပ်ရပ်ကို နောက်ပြောင်ခဲ့ပါတယ်။

အာဂျင်တီးနားက ပြင်သစ်ကို ပင်နယ်တီ အဆုံးအဖြတ်နဲ့ အနိုင်ရရှိခဲ့ပြီးနောက် ကစားသမား ဘဝက အနားယူပြီး ဖြစ်တဲ့ အဂွဲရိုးက အာဂျင်တီးနား ဂျာစီကို ဝတ်ဆင်ကာ ကွင်းအတွင်း ဝင်ရောက် အောင်ပွဲခံခဲ့ပါတယ်။

တယ်ရီ ကလည်း ချဲလ်ဆီးတို့ ချန်ပီယံလိဂ် ရရှိခဲ့တုန်းက ပါဝင်ကစားခွင့် မရခဲ့ပေမယ့် အခုလိုပဲ ဆုဖလား ဝင်ရောက် ကိုင်ဆောင်ကာ အောင်ပွဲခံခဲ့ဖူးပါတယ်။ အဲ့ဒါကြောင့်လည်း ဂျွန်တယ်ရီက အဂွဲရိုးဟာ ကျနော့်ရဲ့ နေရာကို အပြည့်အဝ ဆက်ခံခဲ့တာ မဟုတ်လား ဆိုပြီး နောက်ပြောင် ပြောကြားသွားခဲ့ပါတယ်။

ကမ္ဘာ့ဖလား ရွှေဘောလုံးဆု ၂ ကြိမ်ရ ပထမဦးဆုံး ကစားသမား

အာဂျင်တီးနား လက်ရွေးစင် အသင်းခေါင်းဆောင် လီယွန်နယ် မက်ဆီဟာ ဒီနှစ် ကမ္ဘာ့ဖလားရဲ့ ရွှေဘောလုံးဆုကို ဆွတ်ခူးနိုင်ခဲ့တဲ့နောက် စံချိန် မှတ်တမ်းကောင်း တစ်ခုကို ထပ်မံ ရေးထိုးသွားနိုင်ခဲ့ပါတယ်။

မက်ဆီဟာ ကာတာ ကမ္ဘာ့ဖလား ပြိုင်ပွဲမှာ အာဂျင်တီးနား အတွက် ဆက်တိုက် ခြေစွမ်းပြခဲ့ပြီး ရွှေဘောလုံးဆု ရရှိခဲ့တာကြောင့် ဒီဆုကို နှစ်ကြိမ် ဆွတ်ခူးနိုင်တဲ့ ပထမဆုံး ကစားသမား အဖြစ် မှတ်တမ်းဝင်ခဲ့တာပါ။

မက်ဆီဟာ မနေ့ညက ပြင်သစ်နဲ့ ကစားခဲ့တဲ့ ကမ္ဘာ့ဖလား ဗိုလ်လုပွဲမှာလည်း အသင်း အတွက် နှစ်ဂိုး သွင်းယူကာ ခြေစွမ်းပြနိုင်ခဲ့ပါတယ်။ မက်ဆီဟာ (၂၀၁၄) ကမ္ဘာ့ဖလား မှာလည်း အခုလိုပဲ ရွှေဘောလုံးဆုကို ရရှိခဲ့ဖူးတာ ဖြစ်ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.