ဒုတိယအကျော့မှ အားထည့်တတ်တဲ့ ဘာဆာနဲ့ပဲ လက်တွဲထားရမယ် | ဂါလာတာဆာရေး – ဘာစီလိုနာ (ယူရိုပါလိဂ် ပွဲကြိုသုံးသပ်ချက်)

ဂါလာတာဆာရေး – ဘာစီလိုနာ

ယူရိုပါလိဂ် ၁၆ သင်း အဆင့် ဒုတိယအကျော့ နောက်ထပ် ပွဲစဉ် တစ်ပွဲ မှာတော့ ဘာစီလိုနာတို့ တူရကီ ကလပ် ဂါလာတာဆာရေးရဲ့ အိမ်ကွင်းကို သွားရောက် ယှဉ်ပြိုင်ကစားဖို့ ရှိနေပါတယ်။ ပထမအကျော့ နူးကမ့်ပ်မှာ ဂိုးမရှိ သရေ ရလဒ် ထွက်ပေါ်ထားခဲ့ပေမယ့် ဘာစီလိုနာဟာ ဒုတိယအကျော့ ဆိုရင် သိသိသာသာ အားစိုက် ရုန်းတတ်တဲ့ အသင်းဖြစ်လို့ အများစု ကြိုတင်ခန့်မှန်းထားသလို ဂါလာလာတာဆာရေးကို ကျော်ဖြတ်သွားနိုင်ဦးမလား ဆိုတာ စောင့်ကြည့်ရမှာ ဖြစ်ပါတယ်။

ပထမအကျော့ တုန်းက ကျစ်လျစ်တဲ့ ခံစစ်နဲ့ အတူ မာမာထန်ထန် တုန့်ပြန် သွားနိုင်ခဲ့တဲ့ ဂါလာတာဆာရေးတို့ အိမ်ကွင်း အားသာချက်နဲ့ အတူ ဘာစီလိုနာကို ကျော်ဖြတ်ပြီး နောက်တစ်ဆင့် တက်ရေး အားစိုက်လာဦးမှာ သေချာပါတယ်။ တူရကီ ပြည်တွင်းလိဂ်မှာ ရုန်းကန်နေရပေမယ့် ယူရိုပါလိဂ် မှာတော့ အုပ်စု ပွဲစဉ် အားလုံး ရှုံးပွဲ မရှိ ကစားပြီး ဒီအဆင့်ကို တက်ရောက်လာခဲ့တာ ဖြစ်ပါတယ်။ နူးကမ့်ပ် မှာတုန်းက ဂိုးမြူးနေတဲ့ ဘာစီလိုနာရဲ့ တိုက်စစ်ကို အကောင်းဆုံး ထိန်းချုပ်ပြီး ဂိုးမပေးရအောင် ကစားထားနိုင်ခဲ့တဲ့ ဒိုမီနစ် တောရန့်ရဲ့ အသင်းကို အခုပွဲ မှာလည်း အတောင့်တင်းဆုံး ခံစစ်နဲ့ မြင်တွေ့ရဖို့ ရှိနေပါတယ်။ ပြိုင်ပွဲစုံ နောက်ဆုံး ၅ ပွဲမှာ ရှုံးပွဲ ၁ ပွဲသာ ရှိခဲ့ပြီး ၃ ပွဲနိုင်၊ ၁ ပွဲ သရေကျထားတဲ့ ဂါလာတာဆာရေး တို့ ခြေစွမ်း အနည်းငယ် ပြန်မှန်စပြုနေတယ်လို့ ပြောလို့ ရပြီး အိမ်ကွင်း နောက်ဆုံး ၃ ပွဲဆက် ရှုံးပွဲ မရှိခဲ့တာ တွေ့ရပါတယ်။ လက်တလော အသင်းမှာ ဒဏ်ရာရ/ ပွဲပယ် ကစားသမား မရှိတာ ကြောင့်လည်း နည်းပြ တောရန့် အနေနဲ့ အကောင်းဆုံး လူစာရင်းနဲ့ ပွဲထုတ်လာဖို့ ရှိနေပါတယ်။ ၄-၂-၃-၁ အခင်းအကျင်း ကိုပဲ အသုံးပြုဖို့ များနေပြီး ပီနာ၊ ဘိုရီ၊ နဲလ်ဆင်၊ မာကာအို၊ ဗန်အန်းဟော့တ်၊ အန့်တဲလ်ယာလီ၊ ကတ်လူ၊ ဖက်ဂ်ဟူလီ၊ ဘာဘယ်၊ အက်တာကော့ဂ်လူ၊ မိုဟာမက် တို့ကို ပွဲထွက်လူစာရင်းမှာ မြင်တွေ့ရဖို့ ရှိနေပါတယ်။

ဇာဗီရဲ့ ဘာစီလိုနာ ကတော့ “တစ်ပွဲ ၄ ဂိုး ဘာဆာ” လို့ ခေါ်ရလောက်အောင် တိုက်စစ်က တော်တော်လေးကို ဂိုးမြူးနေတယ်လို့ ပြောလို့ ရပါတယ်။ အာဆင်နယ်မှာ ပျောက်ခဲ့သလောက် ဘာစီလိုနာ ရောက်မှ တောက်ပပြနေတဲ့ အော်ဘာမီယန်း ဦးဆောင်တဲ့ တိုက်စစ်က နောက်ဆုံး ၁၀ ပွဲမှာ ၄ ဂိုးသွင်းနိုင်ခဲ့တဲ့ ပွဲက ၅ ပွဲအထိကို ရှိနေခဲ့တာ ဖြစ်ပါတယ်။ ပြိုင်ပွဲစုံ နောက်ဆုံး ၁၀ ပွဲ ရှုံးပွဲ မရှိခဲ့သလို ၇ ပွဲနိုင်၊ ၃ ပွဲ သရေကျထားတဲ့ ဘာဆာတို့ လာလီဂါ မှာလည်း အဆင့် ၃ နေရာ ပြန်လည် ရောက်ရှိနေခဲ့ပါပြီ။ ပထမအကျော့ မှာတုန်းက ဂါလာတာဆာရေး ဘက်ကို တစ်ပွဲလုံး အတိုင်းအတာနဲ့ ဂိုးပေါက် ကန်ချက် ၁၇ ကြိမ်အထိ ပြုလုပ်နိုင်ခဲ့ပေမယ့် သွင်းဂိုး မရခဲ့တာ ကတော့ ချွင်းချက်လို့ပဲ ဆိုရပါမယ်။ ဒါပေမယ့် ဘာစီလိုနာဟာ နာပိုလီနဲ့ ယူရိုပါလိဂ် Play-Off တုန်းကလည်း နူးကမ့်ပ်မှာ ၁-၁ ရလဒ်နဲ့ သရေကျခဲ့ပြီး အီတလီမြေ ရောက်မှ ၂-၄ နဲ့ အနိုင်ယူပြီး ဒီအဆင့်ကို တက်လှမ်းလာတာ ကိုလည်း မေ့ထားလို့ မရပါဘူး။ အခုပွဲ ဇာဗီ ဟာနန်ဒက်ဇ်ရဲ့ အသင်းမှာ ဆာဂျီ ရောဘတ်တို၊ အမ်တီတီ၊ အန်ဆုဖာတီ၊ အက်ဇဲလ်ဇူလီ အပြင် ဂျရတ် ပီကေး လည်း ဒဏ်ရာရနေလို့ ပါဝင်ကစားနိုင်မှာ မဟုတ်ဘူးလို့ သိရပါတယ်။ ၄-၃-၃ အခင်းအကျင်းနဲ့ပဲ ပွဲထွက်လာဖို့ ရှိပြီး ဖာရန်းတောရက်စ်၊ အော်ဘာမီယန်း၊ အဒမ်ထရာအိုရေး တို့ ဦးဆောင်တဲ့ တိုက်စစ်နဲ့ အတူ ပက်ဒရီ၊ ဘူးစကွက်စ်၊ ဖရန်ကီဒီယောင်၊ အဲလ်ဘာ၊ ဂါစီယာ၊ အာရူဟို၊ ဒက်စ်နဲ့ တာစတီဂန် တို့ပဲ ပါဝင်လာဖို့ များနေပါတယ်။

ထိပ်တိုက်တွေ့ဆုံမှုနဲ့ သမိုင်းကြောင်း

ပြီးခဲ့တဲ့ တစ်ပတ်က ကစားခဲ့တဲ့ ပွဲဟာ နှစ်သင်းလုံး အတွက် ပထမဆုံး အကြိမ် ယူရိုပါလိဂ် ထိပ်တိုက်တွေ့ဆုံမှု ဖြစ်ပြီး ရှုံးထွက်အဆင့်မှာ ပထမဆုံး အကြိမ် တွေ့ဆုံခဲ့တာ ဖြစ်ပါတယ်။ ကျန် ၈ ကြိမ် ကတော့ ချန်ပီယံလိဂ်မှာ တွေ့ဆုံထားခဲ့ပြီး ဘာစီလိုနာတို့ ၅-၁ ရလဒ်နဲ့ ဂိုးပြတ် အနိုင်ရထားခဲ့ဖူးပြီး ၃ ကြိမ် ကတော့ သရေရလဒ် ထွက်ပေါ်ထားခဲ့ပါတယ်။

လောင်းကစားဆိုင်ရာ အကြံပြုချက်များ

SBOTOP 1X2 မှာ ဂါလာတာဆာရေး အတွက် ၆.၄၀ ဆ၊ သရေ အတွက် ၄.၉၀ ဆ၊ ဘာစီလိုနာ အတွက် ၁.၃၅ ဆ ကြေးဖွင့်ပေးထားပါတယ်။ ဘာစီလိုနာတို့ တူရကီမြေမှာ ကစားခဲ့တဲ့ ၃ ပွဲစလုံး ဂါလာတာဆာရေးကို အသာရထားခဲ့ဖူးတဲ့ အစဉ်အလာ ရှိပါတယ်။ ဘာစီလိုနာတို့ ပထမအကျော့ ဆိုရင် ရုန်းကန်ရသလောက် ဒုတိယ အကျော့ ဆိုရင် နာပိုလီ လို အသင်း ကိုတောင် အဝေးကွင်းမှာ ဂိုးပြတ် အနိုင်ယူထားခဲ့ပါတယ်။ ဂါလာတာဆာရေးတို့ ခံစစ်ပိုင်း အမှားနည်းနည်းနဲ့ ကစားဖို့ ပြင်ဆင်လာမှာ ဖြစ်ပေမယ့် ဂိုးမြူးနေတဲ့ ဘာဆာ တိုက်စစ်ကို ပွဲချိန်ပြည့် တားဆီးဖို့တော့ မလွယ်ပါဘူး။ ဘာစီလိုနာနဲ့ ဂိုးပေါ် ၂.၅၀ ကတော့ အကြိုက်ဆုံး ရွေးချယ်မှု ဖြစ်နေပါတယ်။

ခန့်မှန်းရလဒ် (၁-၂)

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.