လူကာကူ ဂျူဗီ မရောက်အောင် မီဒီယာတွေက လုပ်နေတယ်လို့ ဇက်ဇာရိုနီ ပြောကြား (စီးရီးအေ သတင်းများ)

ဒီတစ်ခါ မှာတော့ ဩဂုတ်လ ၁၄ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။

လူကာကူ ဂျူဗီ မရောက်အောင် မီဒီယာတွေက လုပ်နေတယ်လို့ ဇက်ဇာရိုနီ ပြောကြား 

စီးရီးအေရဲ့ ပြည်တွင်း သတင်းထောက် တစ်ယောက် ဖြစ်တဲ့ အိုင်ဗန် ဇက်ဇာရိုနီက နာမည်ကျော် သတင်းစာတွေဟာ ရိုမယ်လူ လူကာကူ ဂျူဗင်တပ်စ်ကို မရောက်လာအောင် တားဆီးနေကြတယ်လို့ စွပ်စွဲလိုက်ပါတယ်။ 

လူကာကူဟာ လက်ရှိနွေရာသီ အပြောင်းအရွှေ့မှာ ချဲလ်ဆီး ကနေ ထွက်ခွာပြီး ဂျူဗင်တပ်စ်ကို ပြောင်းရွှေ့ဖို့ ပြင်ဆင်နေတာပါ။ ဂျူဗင်တပ်စ် တာဝန်ရှိသူတွေက အဆိုပါ ဘယ်လ်ဂျီယံ လက်ရွေးစင် တိုက်စစ်မှူးကို ခေါ်ယူဖို့ ပစ်မှတ်ထားနေသလို ကစားသမား ကိုယ်တိုင် ကလည်း အီတလီမြေမှာ ဆက်ကစားချင်နေပါတယ်။ ဒါပေမယ့် ဂျူဗင်တပ်စ် ပရိသတ်တွေ ကတော့ လူကာကူကို အလိုမရှိကြောင်း အကြိမ်ကြိမ် ဆန္ဒပြနေပြီး လူကာကူကို ခေါ်ယူမယ့် အသင်းရဲ့အစီအစဉ်ကို ကန့်ကွက်နေကြပါတယ်။ 

အဲ့ဒါကြောင့်လည်း ဇက်ဇာရိုနီက အရေးပါတဲ့ သတင်းဌာနတွေက လူကာကူ ဂျူဗင်တပ်စ်ကို မရောက်လာအောင် တားဆီးနေကြောင်း၊ တစ်ချိန်တည်းမှာပဲ ဒူဆန် ဗလာဟိုဗစ်ကိုပါ ရောင်းထုတ်ဖို့ မြှောက်ပေးနေကြောင်း ပြောကြားသွားခဲ့ပါတယ်။

မွန်ဇာ နောက်ခံလူကို ခေါ်ယူလိုက်တဲ့ အင်တာမီလန် 

အင်တာမီလန်ဟာ စီးရီးအေ အသင်း တစ်သင်းပဲ ဖြစ်တဲ့ မွန်ဇာရဲ့ နောက်ခံအစွန်လူ ကားလို့စ် အော်ဂတ်စ်တိုကို ခေါ်ယူလိုက်ပြီ ဖြစ်ကြောင်း သိရှိရပါတယ်။ ဒီသတင်း ကိုတော့ မွန်ဇာရဲ့ အထွေထွေ မန်နေဂျာ တစ်ယောက် ဖြစ်တဲ့ အက်ဒရီယာနို ဂယ်လာနီ ကိုယ်တိုင်က မနေ့က အတည်ပြုပေးခဲ့တာပါ။ 

အော်ဂတ်စတိုဟာ အင်တာမီလန်ကို တစ်ရာသီ အငှားစာချုပ်နဲ့ ပြောင်းရွှေ့မှာ ဖြစ်ပြီး အဆိုပါ အငှားစာချုပ်မှာ အပြီးသတ် ခေါ်ယူခွင့်လည်း ပါရှိပါတယ်။ အင်တာမီလန် အနေနဲ့ အော်ဂတ်စ်တိုကို ပြောင်းရွှေ့ကြေး ယူရို (၁၃) သန်းနဲ့ အပြီးသတ် ခေါ်ယူနိုင်ပြီး နှစ်သင်းကြားမှာလည်း သဘောတူညီမှုလည်း ရရှိခဲ့ပါတယ်။ 

လက်ရှိအချိန်မှာတော့ ကစားသမား ဘက်က စာချုပ်မှာ လက်မှတ်ရေးထိုးဖို့ ကျန်ရှိတော့ကြောင်း၊ အော်ဂတ်စ်တိုကို အခြားအသင်းတွေကလည်း ခေါ်ယူလိုပေမယ့် ကစားသမား ကိုယ်တိုင်က ချန်ပီယံလိဂ် ကစားလိုတာကြောင့် အင်တာမီလန်ကို ရွေးချယ်ခဲ့ကြောင်း ဂယ်လာနီက ပြောကြားခဲ့ပါတယ်။ 

ဂျီနိုအာကို ပြောင်းရွှေ့သွားခဲ့တဲ့ အေစီမီလန် တိုက်စစ်ကစားသမား 

အေစီမီလန် တိုက်စစ်ကစားသမား ဂျူနီယာ မက်ဆီးယက်စ်ဟာ ဂျီနိုအာကို ပြောင်းရွှေ့သွားခဲ့ပြီလို့ သိရှိရပါတယ်။ မက်ဆီးယက်စ်ဟာ တစ်ရာသီ အငှားစာချုပ်နဲ့ ပြောင်းရွှေ့သွားခဲ့တာ ဖြစ်ပြီး အငှားစာချုပ် သက်တမ်းကုန်ဆုံးချိန်မှာ ဂျီနိုအာတို့ ဒီတိုက်စစ် ကစားသမားကို အပြီးသတ် ခေါ်ယူနိုင်မှာပါ။ 

ဂျီနိုအာဟာ စီးရီးအေ အတွေ့အကြုံရှိပြီးသား ဒီကစားသမား အတွက် အငှားခေါ်ယူကြေး ယူရို (၁.၅) သန်း ပေးချေခဲ့ရသလို အပြီးသတ် ခေါ်ယူချိန်မှာလည်း ယူရို (၁.၅) သန်း ပေးချေရမယ်လို့ သိရှိရပါတယ်။  

မက်ဆီးယက်စ်ဟာ စီးရီးအေရဲ့ အတွေ့အကြုံရှိ ကစားသမား တစ်ယောက် ဖြစ်ပြီး အေစီမီလန်ကို မပြောင်းရွှေ့ခင်က ခရိုတိုနီမှာ ကစားခဲ့ဖူးပါတယ်။ အေစီမီလန် မှာတော့ အဆိုပါ ဘရာဇီးကစားသမားက ပြိုင်ပွဲစုံ (၆၈) ပွဲကစား၊ သွင်းဂိုး (၁၂) ဂိုးသွင်းပြီး ဂိုးဖန်တီးမှု (၅) ကြိမ် ပြုလုပ်ပေးနိုင်ခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.