ဒီတစ်ခါ မှာတော့ ဇူလိုင်လ ၂၃ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ဖီအိုရင်တီးနားကို ပြောင်းရွှေ့သွားခဲ့တဲ့ ဂျူဗင်တပ်စ် ကွင်းလယ်လူ
ဂျူဗင်တပ်စ် ကွင်းလယ်လူ အာသာ မယ်လိုဟာ စီးရီးအေ ကလပ် အသင်း တစ်သင်းပဲ ဖြစ်တဲ့ ဖီအိုရင်တီးနားကို အငှားနဲ့ ပြောင်းရွှေ့သွားခဲ့ပြီ ဖြစ်ကြောင်း သိရပါတယ်။ အဆိုပါ ဘရာဇီးလူမျိုး ကွင်းလယ်လူဟာ ပြီးခဲ့တဲ့ ဘောလုံးရာသီ ဒုတိယရာသီဝက် ကလည်း လစ်ဗာပူးလ်ကို အငှားနဲ့ သွားရောက် ကစားခဲ့ပါသေးတယ်။
ဒါပေမယ့် သူက လစ်ဗာပူးလ် အတွက် မိနစ်ပိုင်းသာ ကစားပေးနိုင်ခဲ့ပြီး ဒဏ်ရာ ပြဿနာတွေနဲ့သာ ဆက်တိုက် ရုန်းကန်ခဲ့ရပါတယ်။ အခုချိန်မှာတော့ ဖီအိုရင်တီးနားက အာသာကို အငှားနဲ့ ခေါ်ယူနိုင်ခဲ့ပြီ ဖြစ်ပြီး အငှားစာချုပ် ကုန်ဆုံးချိန်မှာတော့ အပြီးသတ် ခေါ်ယူခွင့်ပါ ရှိနေကြောင်း သိရပါတယ်။
အပြီးသတ် ခေါ်ယူမယ် ဆိုရင် ဖီအိုရင်တီးနားတို့ ပြောင်းရွှေ့ကြေး ယူရိုသန်း (၂၀) ဝန်းကျင် အသုံးပြုရဖွယ် ရှိပြီး မဖြစ်မနေ ခေါ်ယူဖို့ အတွက် သဘောတူညီထားတာမျိုး မဟုတ်ကြောင်းလည်း ဖာဘရီဇီယို ရိုမာနိုက ပြောကြားခဲ့ပါတယ်။
ဖီအိုရင်တီးနား နောက်ခံလူကို စိတ်ဝင်စားတယ်လို့ ဘရိုက်တန် နည်းပြ ဝန်ခံ
ဘရိုက်တန် နည်းပြ ရော်ဘတ်တို ဒီဇာဘီက စီးရီးအေ ကလပ် ဖီအိုရင်တီးနား နောက်ခံလူ အိုင်ဂေါ်ကို စိတ်ဝင်စားကြောင်း ဖွင့်ဟ ဝန်ခံသွားခဲ့ပါတယ်။ လက်ရှိအချိန်မှာ ဒီကစားသမား အတွက် ဆွေးနွေးမှုတွေက နှစ်သင်း အကြားမှာ နောက်ဆုံး အဆင့်ကို ရောက်ရှိနေပြီး ဘရိုက်တန်နဲ့ အိုင်ဂေါ်တို့ အကြား မှာလည်း ပုဂ္ဂိုလ်ရေးအရ သဘောတူညီမှု ရရှိထားပြီးပါပြီ။
ဒီဇာဘီက မီဒီယာတွေက ဒီကိစ္စမှာ ကျွန်တော့်ထက် သတင်းပိုစုံမယ်လို့ ထင်မြင်ကြောင်း၊ ဒါပေမယ့် အိုင်ဂေါ်က ကစားသမားကောင်း တစ်ယောက် ဖြစ်ပြီး အရည်အသွေးရှိကြောင်း၊ ပရီးမီးယားလိဂ်မှာ ကစားနိုင်စွမ်းလည်း ရှိပြီး သူက ဘရိုက်တန် အတွက် အရေးပါတဲ့ ကစားသမား ဖြစ်လာနိုင်ကြောင်း ဖွင့်ဟသွားခဲ့ပါတယ်။
ဘရိုက်တန်ဟာ ပြီးခဲ့တဲ့ရာသီက ပရီးမီးယားလိဂ်မှာ ပုံစံကောင်းတွေ ပြသနိုင်ခဲ့တဲ့ အသင်း တစ်သင်း ဖြစ်ပြီး လာမယ့်ရာသီ အတွက်လည်း လိုအပ်တဲ့ ကစားသမားတွေကို ပြင်ဆင် အားဖြည့်နေပါတယ်။
ဟို့ဂျ်လန်း အတွက် ယူရိုသန်း (၁၀၀) မျှော်လင့်နေတဲ့ အတ္တလန္တာ နည်းပြ
ဒိန်းမတ် လက်ရွေးစင် ကစားသမားဟာ ဟာလန်း လက်သစ် အဖြစ် နာမည်ကြီးနေပြီး သူ့ကို ခေါ်ယူဖို့ ပရီးမီးယားလိဂ် ထိပ်သီး ယူနိုက်တက်က စတင် ချိတ်ဆက်နေပြီလည်း ဖြစ်ပါတယ်။ ကစားသမားနဲ့ ယူနိုက်တက်တို့ အကြား ပုဂ္ဂိုလ်ရေး သဘောတူညီမှု ရရှိခဲ့ပြီး ဖြစ်ပေမယ့် နှစ်သင်း အကြား မှာတော့ ပြောင်းရွှေ့ကြေး သဘောတူညီမှု ရရှိဖို့ လိုအပ်နေပါသေးတယ်။
စီးရီးအေ ကလပ်ရဲ့ နည်းပြ ဂက်စ်ပါရီနီ ကတော့ အရိုးသားဆုံး ပြောရရင် ဟို့ဂျ်လန်းနဲ့ ပတ်သက်လို့ ဘာမှမသိကြောင်း၊ ဈေးကွက် အနေအထားက ခန့်မှန်းရခက်ပြီး အတ္တလန္တာ အတွက် ယူရိုသန်း (၁၀၀) ရမယ်လို့ မျှော်လင့်ထားကြောင်း၊ ဟို့ဂျ်လန်းက အကောင်းဆုံး မဟုတ်ရင်တောင် လူငယ်ကစားသမားတွေ ထဲမှာ အကောင်းဆုံးတွေထဲက တစ်ယောက် ဖြစ်ကြောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
