ဩဂုတ်လ ၂၄ ရက်နေ့ အထိ နောက်ဆုံး ရရှိထားသမျှ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
ဒီပိုင်းကို လက်လျှော့ပြီး မီလစ်ကို ပြောင်းလဲ ကြိုးပမ်းနေတဲ့ ဂျူဗင်တပ်စ်
စီးရီးအေ ကလပ် ဂျူဗင်တပ်စ် အသင်းဟာ ဘာစီလိုနာ တိုက်စစ်မှူး မမ်းဖစ် ဒီပိုင်းကို ခေါ်ယူဖို့ ကြိုးပမ်းနေမှုတွေကို လျှော့ချလာပြီး ပြင်သစ် ကလပ် မာဆေးလ်ရဲ့ တိုက်စစ်မှူး အာကေးဒီးယက်ဇ် မီလစ်ခ်ကို ခေါ်ယူဖို့ ပြောင်းလဲ ကြိုးပမ်းနေပါတယ်။
အီတလီ ထိပ်သီး ကလပ်ဟာ ဒီပိုင်း အတွက် အချိန်တွေ အများကြီး အကုန်ခံ ကြိုးပမ်းခဲ့ပေမယ့် သဘောတူညီချက် ရဖို့က ခက်ခဲနေတာ ဖြစ်ပါတယ်။ ကစားသမားနဲ့ သဘောတူညီမှုကို ရယူနိုင်ခဲ့ပေမယ့် ဘာစီလိုနာနဲ့ ညှိနှိုင်းမှုတွေက အဆင်မပြေ ဖြစ်ခဲ့ရတာပါ။ ဒါကြောင့် နာပိုလီ တိုက်စစ်မှူးဟောင်း မီလစ်ကို ပေါင် ၁.၇ သန်း ပေးချေကာ အငှားနဲ့ ခေါ်ယူဖို့ကို ဦးစားပေးလာခဲ့တာ ဖြစ်ပါတယ်။ အကယ်၍ မီလစ်သာ ခြေစွမ်းပြနိုင်မယ် ဆိုရင် ပေါင် ၇.၆ သန်းနဲ့ အပြီးသတ် ခေါ်ယူနိုင်မယ့် သဘောတူညီချက် ကိုလည်း ရယူဖို့ ဂျူဗီ ဘက်က ပြင်ဆင်ထားတယ်လို့ သိရပါတယ်။
ဂျူဗင်တပ်စ် တာဝန်ရှိသူတွေနဲ့ အသင်း နည်းပြ အယ်လီဂရီတို့ ဆွေးနွေး အပြီးမှာ အယ်လီဂရီက ခေါ်ယူဖို့ အတွက် သဘောတူညီခဲ့တယ်လို့လည်း သိရပါတယ်။ နာပိုလီ အတွက် ပွဲပေါင်း ၁၂၂ ပွဲ ကစားပေးတဲ့ ပိုလန် တိုက်စစ်မှူးဟာ ၄၈ ဂိုး သွင်းယူနိုင်ခဲ့သလို မာဆေးလ် မှာတော့ ၅၅ ပွဲ ကစားပြီး ဂိုးပေါင်း ၃၀ သွင်းယူပေးထားကာ ခြေစွမ်းပြနေသူ ဖြစ်ပါတယ်။
ဂျူဗင်တပ်စ်နဲ့ ပွဲကို လွဲချော်မယ့် ဇန်နီယိုလို
စီးရီးအေ ကလပ် ရိုးမားရဲ့ အဓိက ကွင်းလယ်လူ နီကိုလို ဇန်နီယိုလိုဟာ တန်းတက် ခရီမွန်နီစီနဲ့ ကစားခဲ့တဲ့ ပွဲမှာ ရရှိခဲ့တဲ့ ဒဏ်ရာကြောင့် ဂျူဗင်တပ်စ်နဲ့ ကစားရမယ့် အရေးကြီး ပွဲစဉ်ကို လွဲချော်တော့မယ်လို့ သိရပါတယ်။ ဇန်နီယိုလိုဟာ ပခုံးဒဏ်ရာ ရရှိခဲ့တာ ဖြစ်ပြီး ၃ ပတ် ကနေ ၄ ပတ် အထိ အနားယူရဖွယ် ရှိနေတယ်လို့ သိရပြီး နည်းပြ မော်ရင်ဟို အတွက်တော့ စိတ်ပျက်စရာ သတင်း ဖြစ်ခဲ့ရပါတယ်။
ဖီအိုရင်တီးနားနဲ့ အင်တာမီလန် ကစားသမားဟောင်းဟာ အူဒီးနီးစ်၊ မွန်ဇာ၊ အမ်ပိုလီ၊ အတ္တလန္တာနဲ့ ပွဲစဉ်တွေ ကိုပါ လွဲချော်ဖွယ်ရှိနေပြီး ယူရိုပါလိဂ် အုပ်စု အဆင့် ပွဲစဉ် ၂ ပွဲ ကိုပါ လွဲချော်ဖွယ် ရှိနေတာ ဖြစ်ပါတယ်။ အသက် ၂၃ နှစ် အရွယ်သာ ရှိသေးပြီး ဥရောပ ထိပ်တန်း အသင်းတွေရဲ့ စိတ်ဝင်စားမှုကို ရယူထားနိုင်ခဲ့တဲ့ ဇန်နီအိုလိုက ပြီးခဲ့တဲ့ ရာသီက ရိုးမားတို့ ယူရိုပါကွန်ဖရင့်လိဂ် ဖလား ဆွတ်ခူးနိုင်ဖို့ အတွက် အဓိက နေရာက ပါဝင်ခဲ့သူ ဖြစ်ပါတယ်။
ဒါ့အပြင် ရိုးမားရဲ့ တခြား ကွင်းလယ်လူ တစ်ဦး ဖြစ်တဲ့ ကစားသမားသစ် ဝိုင်ဂျ်နယ်ဒမ် ကလည်း လေ့ကျင့်ရေးကွင်းမှာ ခြေထောက်ကျိုးသွားခဲ့လို့ ကာလရှည် အနားယူရဖွယ် ရှိနေပါသေးတယ်။ ဝိုင်ဂျ်နယ်ဒမ်ဟာ ကံဆိုးရင် ကမ္ဘာ့ဖလား ကိုပါ လွဲချော်ဖွယ် ရှိနေပြီး ပီအက်စ်ဂျီ ကနေ ရိုးမားကို ပြောင်းရွှေ့လာခဲ့ပြီးနောက် မကြာခင်မှာပဲ ဆိုးရွားတဲ့ ဒဏ်ရာ ပြသနာနဲ့ ရင်ဆိုင်ခဲရတာလည်း ဖြစ်ပါတယ်။
လူကာကူ ပြန်ရောက်လာပြီးနောက် စီးရီးအေ ဂိုး ၁၀၀ ထိ ရဖို့ မျှော်လင့်နေတဲ့ အင်တာမီလန်
အင်တာမီလန် ကတော့ အသင်း အတွက် ခြေစွမ်းပြ ကစားပေးခဲ့ဖူးပြီး စီးရီးအေ ဆုဖလား ရယူနိုင်အောင် ကူညီပေးခဲ့ဖူးတဲ့ လူကာကူကို ပြန်လည် ခေါ်ယူနိုင်ခဲ့ပြီးနောက် စီးရီးအေမှာ စံချိန်တင် သွင်းဂိုး ၁၀၀ အထိ ရရှိဖို့ မျှော်လင့်နေတယ်လို့ သိရပါတယ်။
လူကာကူဟာ အင်တာမီလန်မှာ ၂၀၁၉-၂၀ ဘောလုံးရာသီနဲ့ ၂၀၂၀-၂၁ ဘောလုံးရာသီတွေမှာ ကစားပေးခဲ့ပြီး စီးရီးအေ သွင်းဂိုး ၄၇ ဂိုး အထိ သွင်းယူနိုင်ခဲ့သူ ဖြစ်ပါတယ်။ အင်တာမီလန်တို့ လူကာကူနဲ့ လော်တာရို မာတီနက်ဇ်တို့ တိုက်စစ် အတွဲရဲ့ အထူး ခြေစွမ်းပြမှုနဲ့ အတူ ၂၀၂၀-၂၀၂၁ ဘောလုံး ရာသီက သွင်းဂိုး ၈၉ ဂိုး အထိ ရရှိခဲ့ပြီး စကူဒက်တို ချန်ပီယံဆုကိုလည်း ဆွတ်ခူးနိုင်ခဲ့တာ ဖြစ်ပါတယ်။
လက်ရှိ ဒီရာသီမှာလည်း အင်တာမီလန်တို့ ပွဲစဉ် ၂ အပြီးမှာ သွင်းဂိုး ၅ ဂိုးသွင်း ရရှိထားပြီး လူကာကူက ၁ ဂိုးသွင်းကာ ၁ ဂိုး ဖန်တီးပေးထားပါတယ်။
ချယ်လ်ဆီးမှာ အဆင်မပြေဖြစ်ခဲ့ပြီးနောက် အသင်းဟောင်း အင်တာကို ပြန်လည် ရောက်ရှိလာတဲ့ လူကာကူ ကလည်း သူ့ရဲ့ အကောင်းဆုံး ပုံစံကို ပြသမယ်လို့ ကြွေးကြော်ထားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
