စက်တင်ဘာ ၁၃ ရက်နေ့ အထိ နောက်ဆုံး ရရှိထားသမျှ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
ပေါ့ဘာ ဘောလုံး ပြန်ကစားနိုင်မယ့်ရက် အတိအကျ ထွက်ပေါ်လာ
ဒူးဒဏ်ရာ ခွဲစိတ်ကုသမှု ခံယူထားရပြီးနောက် အနားယူနေရဆဲ ဖြစ်တဲ့ စီးရီးအေ ကလပ် ဂျူဗင်တပ်စ် ကွင်းလယ်လူ ပေါလ်ပေါ့ဘာ တစ်ယောက် ဘယ်တော့ ဘောလုံး ပြန်ကစားနိုင်မလဲ ဆိုတာ နေ့ရက် အတိအကျ ထွက်ပေါ်လာခဲ့ပြီ ဖြစ်ပါတယ်။ ပေါ့ဘာဟာ ဂျူဗင်တပ်စ်နဲ့ အတူ အမေရိကန် ရာသီကြို ခရီးစဥ်မှာ ဒူးအရွတ် ဒဏ်ရာ ရရှိခဲ့တာ ဖြစ်ပါတယ်။
ပေါ့ဘာ အနေနဲ့ အစပိုင်းမှာ ကမ္ဘာ့ဖလားကို လွဲချော်မှာ စိုးရိမ်တာကြောင့် ဒဏ်ရာကို မခွဲစိတ်ဖို့ ဆုံးဖြတ်ခဲ့ပါတယ်။ ဒါပေမယ့် နောက်ပိုင်း မှာတော့ ခွဲစိတ် ကုသမှုခံယူခဲ့ရပြီး ကမ္ဘာ့ဖလားကို လွဲချော်နိုင်ဖို့ ရာခိုင်နှုန်း များပြားနေခဲ့တာပါ။
အခုချိန်မှာတော့ ပေါ့ဘာက အောက်တိုဘာ (၃၁) ရက်နေ့မှာ ပြန်ကစားနိုင်မယ်လို့ ဆရာဝန်တွေ ဘက်က အတိအကျ အသိပေးလာခဲ့တာကြောင့် ကမ္ဘာ့ဖလား ကစားခွင့်ရဖို့ မျှော်လင့်ချက် ရှိသွားခဲ့ပြီလည်း ဖြစ်ပါတယ်။ ဒါပေမယ့် ပြင်သစ် ကွင်းလယ်လူ အနေနဲ့ ပွဲထွက် ကစားခွင့်ရဖို့ ကြံ့ခိုင်မှု ပြည့်ဝရေး အတွက် လေ့ကျင့်ခန်းတွေ ပြန်ဆင်းဖို့ လိုအပ်ပါသေးတယ်။
သတင်းတွေအရ ဆိုရင် ပြင်သစ် လက်ရွေးစင် နည်းပြ ဒီဒီယာ ဒက်စ်ရွှမ့်စ်ဟာ ပေါ့ဘာရဲ့ ဒဏ်ရာ အခြေအနေကို နောက်ဆုံး အချိန်ထိ စောင့်ကြည့်သွားဖို့ ဆုံးဖြတ်ထားတယ်လို့လည်း သိရပါတယ်။ ဒါ့အပြင် ပြင်သစ် အသင်းရဲ့ အပြီးသတ် လူစာရင်း ကလည်း နိုဝင်ဘာ (၁၃) မှာ ထုတ်ပြန်သွားမယ် လို့လည်း သိရပါတယ်။
မော်ရင်ဟိုကို အကောင်းဆုံး နည်းပြ အဖြစ် ရွေးချယ်ခဲ့တဲ့ ဂျွန်တယ်ရီ ရွေးချယ်
ချဲလ်ဆီး အသင်းခေါင်းဆောင်ဟောင်း ဂျွန်တယ်ရီက သူ့အတွက် အကောင်းဆုံး နည်းပြအဖြစ် လက်ရှိ စီးရီးအေ ကလပ် ရိုးမားကို ကိုင်တွယ်နေတဲ့ ဂျိုဆေး မော်ရင်ဟိုကို ရွေးချယ်ခဲ့ကြောင်း သိရပါတယ်။
မော်ရင်ဟို ချဲလ်ဆီးကို ကိုင်တွယ်ခဲ့တဲ့ ကာလတွေမှာ တယ်ရီက အဓိက အရေးပါတဲ့ နောက်တန်း ကျောက်ဆောင် ဖြစ်ခဲ့ပြီး အင်္ဂလန် နောက်ခံလူ ကလည်း မော်ရင်ဟို အတွက် အစွမ်းကုန် ပေးဆပ်ခဲ့တဲ့ အချစ်တော် ကစားသမား တယောက် ဖြစ်ခဲ့ပါတယ်။
တယ်ရီဟာ ကစားသမား ဘဝက အနားယူပြီးနောက် ပြီးခဲ့တဲ့ (၂၀၂၁) မှာ ချဲလ်ဆီးရဲ့ နည်းပြ အကြံပေး အဖြစ် စတမ်းဖို့ဒ်ဘရစ်ချ်ကို ရောက်ရှိလာခဲ့ပါတယ်။ အကောင်းဆုံး နည်းပြက ဘယ်သူလဲ ဆိုတဲ့ မေးခွန်းကို တယ်ရီက “ရာနှုန်းပြည့် မော်ရင်ဟိုပါပဲ”
“ကျွန်တော့် ဘဝမှာ မော်ရင်ဟိုလောက် အသင်း အကြောင်း၊ တယောက်ချင်းစီရဲ့ အကြောင်း အသေးစိတ် သိတဲ့ နည်းပြမျိုးကို မတွေ့ခဲ့ဖူးပါဘူး။ ဒါက တကယ်ကို အံ့အားသင့်ဖို့ ကောင်းပါတယ်။ သူက စတမ်းဖို့ဒ်ဘရစ်ချ်မှာ ဘာစီလိုနာနဲ့ မကစားခင် တစ်ညမှာ ပြိုင်ဘက်ရဲ့ ပွဲထွက်လူစာရင်းကို ခန့်မှန်းနိုင်ခဲ့ပြီး ဒီအတွက် ဘာမှကို အငြင်းအခုန် မရှိခဲ့ပါဘူး” လို့ ပြောကြားသွားခဲ့တာ ဖြစ်ပါတယ်။
အဝေးကွင်းမှာ နိုင်ပွဲ ပြန်ရှာတွေ့ခဲ့တဲ့ ရိုးမား
မနေ့ညက ကစားခဲ့တဲ့ အမ်ပိုလီနဲ့ ရိုးမား တို့ရဲ့ စီးရီးအေ ပွဲစဉ် မှာတော့ ဧည့်သည် အသင်းက ၁-၂ ရလဒ်နဲ့ အနိုင်ရသွားခဲ့ပါတယ်။
ဒီပွဲမှာ ရိုးမား အတွက် ဦးဆောင်ဂိုးကို ပေါ်လို ဒီဘားလားက (၁၆) မိနစ်မှာ သွင်းယူပေးခဲ့ပြီး အမ်ပိုလီ အတွက် ချေပဂိုး ကိုတော့ ဘမ်ဒီနယ်လီက ပထမပိုင်း ပြီးခါနီးမှာ ပြန်လည် သွင်းယူပေးခဲ့ပါတယ်။ ပွဲကစားချိန် မိနစ် (၇၀) မှာတော့ တမ်မီ အေဘရာဟမ်က ရိုးမား အတွက် အနိုင်ဂိုး သွင်းယူပေးခဲ့ပါတယ်။ အဲ့ဒီနောက် ရိုးမားတို့ ပင်နယ်တီ ရခဲ့သေးပေမယ့် ပယ်လီဂရီနီ အသုံးမချနိုင်ခဲ့တာကြောင့် ၁-၂ ရလဒ်နဲ့သာ အနိုင်ရရှိခဲ့တာ ဖြစ်ပါတယ်။
ရိုးမားဟာ နောက်ဆုံး ကစားခဲ့တဲ့ အူဒီနီးစ်၊ လူဒိုဂိုရတ်စ် တို့နဲ့ ပွဲတွေမှာ နှစ်ပွဲ ဆက်တိုက် ရှုံးနိမ့်ခဲ့ပြီး အခု အမ်ပိုလီနဲ့ ပွဲမှာတော့ နိုင်ပွဲ ပြန်ရှာတွေ့ခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
