စက်တင်ဘာ ၁၇ ရက်နေ့ ညနေခင်း အထိ နောက်ဆုံး ရရှိထားသမျှ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
ဘရိုက်တန် နည်းပြ ဖြစ်လာဖို့ နီးစပ်နေတဲ့ ရော်ဘတ်တို ဒီဇာဘီ
ဘရိုက်တန် အသင်း ကတော့ စီးရီးအေ ကလပ် ဆာဆွယ်လို နည်းပြ ရော်ဘတ်တို ဒီဇာဘီကို နည်းပြ အဖြစ် ခန့်အပ်ဖို့ နီးစပ်နေပြီ ဖြစ်ကြောင်း အီတလီ အခြေစိုက် သတင်းဌာနတွေက ဖော်ပြနေပါတယ်။
ပရီးမီးယားလိဂ် ထိပ်သီး ကလပ် ဖြစ်တဲ့ ချဲလ်ဆီးက ထုတ်ပယ်လိုက်တဲ့ သောမက်စ်တူချယ်ရဲ့ နေရာမှာ ဂရေဟမ် ပေါ်တာနဲ့ အစားထိုးခဲ့တာကြောင့် ဘရိုက်တန်တို့ နည်းပြသစ် ရှာဖွေနေခဲ့ရတာ ဖြစ်ပါတယ်။ လက်တလော မှာတော့ ဘရိုက်တန်ကို ကစားသမားဟောင်း အန်ဒရူး ခရာ့ဖ်တ်က ယာယီနည်းပြ အဖြစ် ကိုင်တွယ်ပေးနေပြီး အသင်း ဘက်ကလည်း အမြဲတမ်း နည်းပြ တစ်ဦး အလျင်အမြန် ခန့်အပ်နိုင်ဖို့ ကြိုးပမ်းနေခဲ့တာ ဖြစ်ပါတယ်။
အီတလီ နာမည်ကြီး သတင်းထောက် ဒီမာဇီယိုရဲ့ အတည်ပြုချက် အရ ဆိုရင် အသက် ၄၃ နှစ် အရွယ် အီတလီ လူမျိုး နည်းပြ ဒီဇာဘီဟာ ဘရိုက်တန်ကို လိုလိုလားလား ကိုင်တွယ်လိုနေပြီး ကလပ် နှစ်ခု အကြား သဘောတူညီမှုတွေ ရဖို့ ဆက်လက် ညှိနှိုင်း ဆွေးနွေးလျက် ရှိကြောင်းလည်း သိရပါတယ်။ အကယ်၍ ဒီဇာဘီသာ ဘရိုက်တန်ကို ကိုင်တွယ် ဖြစ်ခဲ့ရင် အန်တိုနီယို ကွန်တီ ပြီးနောက် ပရီးမီးယားလိဂ်ရဲ့ ဒုတိယမြောက် အီတလီ လူမျိုး နည်းပြ ဖြစ်လာတော့မှာပါ။
Golden Boy ဆု ဆန်ခါတင် စာရင်း မှာ ပါဝင်လာတဲ့ ဂျူဗင်တပ်စ်နဲ့ ရိုးမား ကြယ်ပွင့်များ
၂၀၂၂ ခုနှစ် အတွက် ပေးအပ်မယ့် Tutto Sport ရဲ့ Golden Boy ဆု ဆန်ခါတင် စာရင်း မှာတော့ စီးရီးအေ ကလပ် ဂျူဗင်တပ်စ်နဲ့ ရိုးမားက လူငယ် ကစားသမားတွေ ပါဝင်လာခဲ့ပါတယ်။
ဒီဆုဟာ အသက် ၂၁ နှစ် အောက် ကစားသမားတွေကို သတင်းထောက်တွေက ရွေးချယ် ချီးမြှင့်တာ ဖြစ်ပြီး ဇွန်လ အတွင်းမှာ အယောက် ၁၀၀ စာရင်း ထုတ်ပြန်ခဲ့ပါတယ်။
အဲ့နောက် တဖြည်းဖြည်းနဲ့ လူစာရင်းကို လျှော့ချခဲ့ပြီး နောက်ဆုံး အကြိမ် ဆန္ဒမဲ ပေးဖို့ အတွက် ကစားသမား ၂၀ ဦး စာရင်းကို ထုတ်ပြန်ခဲ့တာ ဖြစ်ပါတယ်။ ဒီစာရင်းထဲ မှာတော့ ဂျူဗင်တပ်စ်က ဖာဘီယို မီရတ်တီ၊ ရိုးမားက နီကိုလာ ဇူလက်စကီး၊ တော့တင်ဟမ်ဟော့စပါးက ခေါ်ယူထားပြီး အူဒီးနီးစ်မှာ အငှားနဲ့ ပြန်ကစားနေတဲ့ ဒက်စတီနီ ယူဒိုဂီ၊ လာဇီယိုက ကန်ဆယ်လီရီ၊ အတ္တလန္တာက ဂျော်ဂျီယို ဆကယ်ဗီနီ၊ ဝီလ်ီ နွန်တို၊ ဆဘက်စတီယာနို အက်စ်ပိုစီတို တို့ ပါဝင်နေတယ်လို့ သိရပါတယ်။
ဒဏ်ရာက ပြန်လည် သက်သာစပြုလာတဲ့ ခီယေဇာ
ဂျူဗင်တပ်စ် ကွင်းလယ် ကြယ်ပွင့် ဖက်ဒရစ်ကို ခီယေဇာရဲ့ ဒဏ်ရာ အခြေအနေ တိုးတက် ကောင်းမွန်လာပြီ ဖြစ်တာကြောင့် မကြာခင် အချိန် အတွင်း ဘောလုံး ပြန်လည် ကစားနိုင်ဖို့ ရှိနေတယ်လို့ သိရပါတယ်။
အသက် ၂၄ နှစ် အရွယ် အီတလီ လက်ရွေးစင်ဟာ ဒဏ်ရာကြောင့် ကာလရှည်ကြာ အနားယူနေရသူ ဖြစ်ပြီး ဘောလုံး မကစားရတာလည်း ၈ လ နီးပါး ရှိနေခဲ့ပြီ ဖြစ်ပါတယ်။ Sky Sport Italia ရဲ့ ဖော်ပြချက်အရ ဒူးအရွတ် စုတ်ပြဲ ဒဏ်ရာ ရရှိထားတဲ့ ခီယေဇာ အနေနဲ့ လာမယ့် စက်တင်ဘာ လကုန်ပိုင်းလောက်မှာ ဂျူဗင်တပ်စ် အတွက် ပြန်လည် ကစားပေးနိုင်ဖို့ ရှိနေတယ်လို့ သိရပါတယ်။
သို့ပေမယ့်လည်း ခီယေဇာ အနေနဲ့ လက်တလော အသင်းနဲ့ အတူ လေ့ကျင့်ခန်း မဆင်းနိုင်သေးပဲ ကြံခိုင်မှု တိုးတက်လာဖို့ အတွက် တစ်ဦးတည်း အပေါ့စား လေ့ကျင့်မှုတွေ ပြုလုပ်လျက် ရှိတယ်လို့လည်း သိရပါတယ်။
ခီယေဇာ ဟာ ၂၀၂၀ ခုနှစ်က စီးရီးအေ ကလပ် ဖီအိုရင်တီးနား ကနေ ဂျူဗင်တပ်စ် ကို ပြောင်းရွှေ့လာခဲ့ပြီး တူရင် ကလပ် အတွက် ပြိုင်ပွဲစုံ ၆၁ ကစားရာမှာ ၁၈ ဂိုး သွင်းယူနိုင်ခဲ့သလို ဂိုးဖန်တီးမှု အများအပြားလည်း ပြုလုပ်ထားသူ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
