ဂါစီယာကို ကာကွယ်ပေးသွားခဲ့တဲ့ နာပိုလီ ကွင်းလယ်လူ (စီးရီးအေ သတင်းများ)

ဒီတစ်ခါ မှာတော့ စက်တင်ဘာလ ၆ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။

ဂါစီယာကို ကာကွယ်ပေးသွားခဲ့တဲ့ နာပိုလီ ကွင်းလယ်လူ

နာပိုလီ ကွင်းလယ်လူ စတန်နစ်စလက်ဗ် လော့ဒ်ဘိုကာက အသင်း နည်းပြ ရူဒီ ဂါစီယာရဲ့ ရာသီအဖွင့် အနေအထားနဲ့ ပတ်သက်လို့ ကာကွယ် ပြောကြားသွားခဲ့ပါတယ်။ စီးရီးအေရဲ့ လက်ရှိ ချန်ပီယံ နာပိုလီဟာ ဂါစီယာ လက်ထက်မှာ တည်ငြိမ်တဲ့ ပုံစံကောင်း တစ်ရပ်ကို ပြသနိုင်ဖို့ ရုန်းကန်နေရပြီး နောက်ဆုံး ကစားခဲ့တဲ့ လာဇီယိုနဲ့ အိမ်ကွင်းပွဲမှာလည်း ၁-၂ ဂိုးနဲ့ အရေးနိမ့်ခဲ့ပါတယ်။

လော့ဒ်ဘိုကာက အခု ရာသီမှာ နည်းပြသစ်နဲ့ ဖြတ်သန်းနေရတာ ဖြစ်ကြောင်း၊ နည်းပြရဲ့ နည်းစနစ်ပိုင်းတွေကို ကျွမ်းဝင်ဖို့ အချိန်လိုအပ်ကြောင်း၊ အရင်နည်းပြနဲ့ မတူညီတဲ့ ကစားပုံမျိုးမှာ ကစားနေရပြီး နည်းပြတိုင်းက ကိုယ်ပိုင်ဟန်ရှိတယ်လို့် ဆိုပါတယ်။

ဒါကို အသားကျဖို့ လိုအပ်ကြောင်း ပြောကြားသွားခဲ့ပါတယ်။ ဒါ့အပြင် နာပိုလီက ပြီးခဲ့တဲ့ ရာသီမှာ မထင်မှတ်ဘဲ စကူဒက်တို ချန်ပီယံဖြစ်ခဲ့တာကြောင့်လည်း ဖိအား ပိုမိုများပြားပြီး အသင်းတိုင်းက တောင့်တင်းလာတဲ့ အနေအထားမျိုးမှာ ချန်ပီယံဆုကို ကာကွယ်ဖို့ ခက်ခဲနိုင်ကြောင်း လော့ဒ်ဘိုကာက ထပ်လောင်း ပြောကြားသွားခဲ့ပါတယ်။

လက်ရှိ အင်တာမီလန်ကို ချီးကျူးလိုက်တဲ့ ဂန္တဝင် တိုက်စစ်မှူးဟောင်းကြီး

အင်တာမီလန်ရဲ့ ဂန္တဝင် တိုက်စစ်မှူးဟောင်းကြီး ခရစ္စတီယန် ဗီယာရီက လက်ရှိ အင်တာမီလန်ဟာ အသင်းကောင်း တစ်သင်း ဖြစ်ကြောင်း ချီးကျူး ပြောကြားသွားခဲ့ပါတယ်။ အင်တာမီလန်ဟာ ဒီရာသီ ကစားပြီးခဲ့တဲ့ စီးရီးအေ ပွဲစဉ် အားလုံးကို အနိုင်ကစားထားပြီး တည်ငြိမ်တဲ့ ပုံစံကောင်း တစ်ရပ်ကို ပြသလျက် ရှိပါတယ်။
အဆိုပါ မီလန်မြို့ခံ အသင်းဟာ ပြီးခဲ့တဲ့ ဘောလုံးရာသီ ကလည်း ချန်ပီယံလိဂ် ပြိုင်ပွဲမှာ ဗိုလ်လုပွဲ အဆင့် အထိ တက်လှမ်းနိုင်ခဲ့ပါသေးတယ်။ ဗီယာရီက မားကပ်စ် သူရမ် ကိုလည်း အရမ်းသဘောကျကြောင်း၊ သူက ပုံစံကောင်းပြနေပြီး အသင်းဖော်တွေနဲ့လည်း ကောင်းကောင်း ချိတ်ဆက်နိုင်တယ်လို့ ဆိုပါတယ်။
လော်တာရို မာတီနက်ဇ် ကလည်း ရပ်တန့်လို့ မရတော့ဘဲ လက်ရှိအသင်းက အရမ်းကို တောင့်တင်း သန်မာနေတဲ့ အသင်း တစ်သင်း ဖြစ်နေကြောင်း ချီးကျူး ပြောကြားသွားခဲ့ပါတယ်။

လစ်ဗာပူးလ်ကို ငြင်းဆန်ခဲ့ရတဲ့ အပေါ် ဖွင့်ဟလာတဲ့ နာပိုလီ ကစားသမားသစ်

ပြီးခဲ့တဲ့ နွေရာသီ အပြောင်းအရွှေ့မှာ လစ်ဗာပူးလ်ကို ငြင်းဆန်ပြီး နာပိုလီကို ပြောင်းရွှေ့ ရောက်ရှိသွားခဲ့တဲ့ ဂျက်စပါ လင်းစထရောင်းက သူ့ရဲ့ အပြောင်းအရွှေ့ ဆုံးဖြတ်ချက်နဲ့ ပတ်သက်လို့ ဖွင့်ဟ ပြောကြားခဲ့ပါတယ်။

အဆိုပါ ဒိန်းမတ် ကွင်းလယ်လူဟာ ဖရန့်ဖတ် ကနေ စီးရီးအေရဲ့ လက်ရှိချန်ပီယံ နာပိုလီကို ပြောင်းရွှေ့ခဲ့တာ ဖြစ်ပြီး သူ့ကို ခေါ်ယူဖို့ လစ်ဗာပူးလ် ကလည်း စိတ်ဝင်စားခဲ့ပါသေးတယ်။

ဒီအပေါ်မှာ လင်းစထရောင်းက လစ်ဗာပူးလ်ရဲ့ ပရိသတ် တစ်ယောက် ဖြစ်ကြောင်း၊ အခုလိုမျိုး ဒီအသင်းက စိတ်ဝင်စားတာက အံ့အားသင့်ဖွယ် အတွေ့အကြုံ ဖြစ်ကြောင်း၊ ဒါပေမယ့် ပါးနပ်တဲ့ ပြောင်းရွှေ့မှု ဖြစ်ဖို့ လိုအပ်တယ်လို့ ဆိုပါတယ်။ ဒါပေမယ့် ကစားခွင့် မရရင် တီဗီရှေ့မှာပဲ ထိုင်ကြည့်နေရမှာ ဖြစ်ပြီး နာပိုလီက ကောင်းမွန်တဲ့ ပြောင်းရွှေ့မှု တစ်ခု ဖြစ်ပြီး ကစားခွင့်တွေ ရနိုင်ကြောင်း ပြောကြားသွားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.