အေစီမီလန်ကို ဂုဏ်ပြု စကားပြောခဲ့တဲ့ နာပိုလီ နည်းပြ၊ ပြီးခဲ့တဲ့လက တရားရုံးတက်ခဲ့ရသေးတဲ့ ပေါ့ဘာ (စီးရီးအေ နောက်ဆုံးရ သတင်းများ)

အေစီမီလန်ကို ဂုဏ်ပြု စကားပြောခဲ့တဲ့ နာပိုလီ နည်းပြ၊ ပြီးခဲ့တဲ့လက တရားရုံးတက်ခဲ့ရသေးတဲ့ ပေါ့ဘာ စတဲ့ သတင်းတွေ အပါအဝင် ဧပြီလ ၂၀ ရက်နေ့ရဲ့ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။

ပြိုင်ဘက် အေစီမီလန်ကို ဂုဏ်ပြုခဲ့တဲ့ နာပိုလီ နည်းပြ

နာပိုလီ နည်းပြ လူစီယာနို စပယ်လက်တီက ချန်ပီယံလိဂ် ဆီမီးဖိုင်နယ်ကို တက်ရောက်သွားခဲ့တဲ့ အေစီမီလန် အသင်းကို ဂုဏ်ပြု စကားပြောကြားခဲ့ပါတယ်။ ပထမအကျော့မှာ တစ်ဂိုး ဂိုးမရှိနဲ့ အရေးနိမ့်ခဲ့တဲ့ နာပိုလီဟာ ဒုတိယအကျော့ အဝေးကွင်း မှာလည်း တစ်ဂိုးစီ သရေသာ ကစားနိုင်ခဲ့တာကြောင့် ချန်ပီယံလိဂ် ကနေ ထွက်ခွာခဲ့ရတာ ဖြစ်ပါတယ်။

စီးရီးအေ ပြိုင်ဘက် အချင်းချင်း လက်မြှောက် အရှုံးပေးခဲ့ရပြီးနောက် စပယ်လက်တီက အရင်ဆုံး အေစီမီလန်ကို ဂုဏ်ပြုလိုကြောင်း၊ သူတို့က အကောင်းဆုံး အခွင့်အရေးတွေနဲ့ နှစ်ပွဲလုံးကို ကစားသွားခဲ့ကြောင်း၊ ဘယ်အချိန်မှာ ဖိအားပေးရမယ် ဆိုတာနဲ့ ဘယ်အချိန်မှာ ခံစစ် ကစားရမယ် ဆိုတာကို ရင့်ရင့်ကျက်ကျက် ဆုံးဖြတ်ခဲ့ကြောင်း ချီးကျူး ပြောကြားခဲ့ပါတယ်။

နာပိုလီ ကတော့ ချန်ပီယံလိဂ် ကနေ ထွက်လိုက်ရတာကြောင့် သူတို့ အတွက် အသေချာဆုံး ဆုဖလား အနေနဲ့ စီးရီးအေ ချန်ပီယံဆု တစ်ခုသာ ကျန်ရှိပါတော့တယ်။

နာပိုလီကို ဘယ်လို ဗျူဟာနဲ့ ရင်ဆိုင်ခဲ့သလဲ ဆိုတာ ရှင်းပြခဲ့တဲ့ ပီအိုလီ

အေစီမီလန် နည်းပြ စတီဖန်နို ပီအိုလီက နာပိုလီကို ဖြုတ်ချခဲ့တဲ့ ချန်ပီယံလိဂ် ကွာတားဖိုင်နယ် ဒုတိယအကျော့ ပွဲစဥ်က သူ့ အသင်းရဲ့ ဗျူဟာပိုင်းနဲ့ ပတ်သတ်လို့ ရှင်းလင်း ပြောကြားခဲ့ပါတယ်။

နာပိုလီကွင်းမှာ တစ်ဂိုးစီ သရေကျခဲ့တဲ့ အေစီမီလန်ဟာ နှစ်ကျော့ပေါင်း ရလဒ် ၂-၁ ဂိုးနဲ့ ဆီမီးဖိုင်နယ်ကို တက်ရောက်ခဲ့ပြီး စီးရီးအေ မီလန် မြို့ခံ ပြိုင်ဘက် အင်တာမီလန်နဲ့ ရင်ဆိုင်ရတော့မှာ ဖြစ်ပါတယ်။

နာပိုလီကို ဖြုတ်ချခဲ့ အပြီးမှာ ပီအိုလီက ပထမအကျော့မှာ တစ်ဂိုးဂိုးမရှိနဲ့ အနိုင်ရရှိခဲ့တာက အားသာချက် ဖြစ်စေခဲ့ကြောင်း၊ နာပိုလီက နောက်ကို နည်းနည်း ပိုဆင်းကစားခဲ့ပြီး ကျွန်တော်တို့ ဘက်ကလည်း အရာအားလုံး ပေးဆပ်ခဲ့ကြောင်း ပြောကြားခဲ့ပါတယ်။

ဒါ့အပြင် ပရိသတ်တွေနဲ့ ပတ်သက်ပြီးတော့လည်း ပီအိုလီက အသင်းလိုက် ကစားပုံ မကောင်းချိန် မှာ အားပေးခဲ့ကြတဲ့ ပရိသတ်တွေကြောင့် ပျော်ရွှင်မိကြောင်း၊ ပရိသတ်တွေ အတွက်လည်း ဂုဏ်ယူမိကြောင်း ပြောကြားခဲ့ပါတယ်။

ပြီးခဲ့တဲ့လက တရားရုံးတက်ခဲ့ရသေးတဲ့ ပေါ့ဘာ

စီးရီးအေ ကလပ် ဂျူဗင်တပ်စ်ရဲ့ ကွင်းလယ် ကစားသမား ပေါလ် ပေါ့ဘာဟာ သူ့အကိုနဲ့ ဖြစ်ပွားခဲ့တဲ့ လက်နက်ကိုင် ငွေညှစ်မှု၊ ပြန်ပေးဆွဲမှု၊ ပူးပေါင်း ကြံစည်မှုတို့နဲ့ ပတ်သက်လို့ တရားရုံးမှာ လျှောက်လဲ ထွက်ဆိုခဲ့ရသေးတယ်လို့ သိရပါတယ်။

ပေါ့ဘာရဲ့ အကိုဖြစ်သူ မားသီးယပ်စ် ပေါ့ဘာဟာ လက်နက်ကိုင် လူတစ်စုနဲ့ ပူးပေါင်းပြီး ပေါ့ဘာကို ငွေညှစ်ခဲ့တယ်လို့ ကာယကံရှင် ကိုယ်တိုင်က တရားစွဲဆိုထားပြီး ဒီအမှု အတွက် တရားရင်ဆိုင်နေရတာလည်း ဖြစ်ပါတယ်။

ပေါ့ဘာ အနေနဲ့လည်း လက်ရှိအချိန်မှာ စိတ်ပိုင်းဆိုင်ရာအရ အပင်ပန်းဆုံး အခိုက်အတန့်တွေကို ဖြတ်‌ကျော်နေရတယ်လို့ သိရပြီး ဒါဟာ သူ့အပေါ် ခြိမ်းခြောက်မှု၊ အကိုအရင်း ဖြစ်သူကို ပြန်လည် တရားစွဲဆိုရမှုတို့ကြောင့် ဖြစ်တယ်လို့ သိရပါတယ်။

အဆိုပါ ပြင်သစ်လက်ရွေးစင် ကွင်းလယ်လူဟာ ဒီရာသီမှာလည်း ဒဏ်ရာ ပြဿနာတွေနဲ့ ရုန်းကန်နေရပြီး ဂျူဗင်တပ်စ်နဲ့ အနာဂတ် မသေချာတော့တဲ့ သတင်းတွေ မကြာခဏ ထွက်ပေါ်လျက် ရှိပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.