ဒီတစ်ခါ မှာတော့ ဩဂုတ်လ ၃၁ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ပီအက်စ်ဗွီ နောက်ခံလူကို ခေါ်ယူနိုင်ခဲ့ပြီ ဖြစ်တဲ့ ဂျူဗင်တပ်စ်
ဂျူဗင်တပ်စ်ဟာ ပီအက်စ်ဗွီရဲ့ နောက်ခံအစွန်လူ လီဗာနိုကိုမီနန်စီယာကို ခေါ်ယူနိုင်ခဲ့ပြီ ဖြစ်ကြောင်း သိရပါတယ်။ အဆိုပါ နယ်သာလန် လူမျိုး နောက်ခံလူကို စီးရီးအေ ကလပ်က (၂၀၂၄) ခုနှစ် အထိ သက်တမ်းရှိတဲ့ အငှားစာချုပ် တစ်ရပ်နဲ့ ခေါ်ယူခဲ့တာ ဖြစ်ပါတယ်။
ဒီအပြောင်းအရွှေ့ အတွက် ဂျူဗင်တပ်စ်တို့ ကစားသမားနဲ့ရော၊ ကလပ် အသင်းနဲ့ပါ သဘောတူညီမှု ရရှိခဲ့ပြီး တရားဝင် ဆေးစစ်မှုတွေလည်း ပြုလုပ်ခဲ့ပြီး ဖြစ်ပါတယ်။ ဂျူဗင်တပ်စ်ဟာ အဆိုပါ လူငယ်ကြယ်ပွင့်ကို အပြီးသတ် ခေါ်ယူဖို့ အတွက်ပါ သဘောတူညီမှု ရရှိထားပြီး ပြောင်းရွှေ့ကြေး အနေနဲ့ ယူရို (၃) သန်း ဝန်းကျင်နဲ့ သဘောတူညီမှု ရရှိခဲ့ကြောင်း သိရပါတယ်။
စီးရီးအေ ကလပ်ဟာ လက်ရှိနွေရာသီ အပြောင်းအရွှေ့မှာ အသင်းရဲ့ ခံစစ်တန်းကို သေချာပေါက် အားဖြည့်ဖို့ လိုအပ်နေတဲ့ အသင်း ဖြစ်ပြီး ကိုမီနန်စီယာ တစ်ယောက် အသင်းမှာ ခြေစွမ်းပြနိုင်မလား စောင့်ကြည့်ရမှာ ဖြစ်ပါတယ်။
ရိုးမားကို ရောက်ရှိသွားတဲ့ နာမည်ကျော် တိုက်စစ်မှူး လူကာကူ
ချဲလ်ဆီး တိုက်စစ်မှူး ရိုမယ်လူ လူကာကူဟာ ရိုးမားကို တရားဝင် ပြောင်းရွှေ့သွားခဲ့ပြီ ဖြစ်ပြီး စီးရီးအေ ကလပ်ရဲ့ ဝက်ဘ်ဆိုက်မှာလည်း တရားဝင် ဖော်ပြထားပါတယ်။
အဆိုပါ ဘယ်လ်ဂျီယံ လက်ရွေးစင် တိုက်စစ်မှူးကြီးဟာ လက်ရှိနွေရာသီ အပြောင်းအရွှေ့မှာ ဂျူဗင်တပ်စ်၊ အင်တာမီလန် တို့နဲ့လည်း သတင်းတွေ ထွက်ပေါ်ခဲ့ဖူးတဲ့ ကစားသမားပါ။ ဒါပေမယ့် နောက်ဆုံး အချိန်မှာ ရိုးမားက မထင်မှတ်ဘဲ လှုပ်ရှားလာခဲ့ပြီး အခုလိုမျိုးပဲ လူကာကူကို ခေါ်ယူနိုင်ခဲ့တာပါ။
လူကာကူဟာ ရိုးမားနဲ့ အတူ ဆေးစစ်မှု အောင်မြင်ခဲ့ပြီး သူ့ရဲ့ လုပ်ခလစာ ကိုလည်း ယူရို (၁၂) သန်း ကနေ ယူရို (၇.၅) သန်း အထိ လျှော့ယူခဲ့ပါတယ်။ ရိုးမား အနေနဲ့ လူကာကူ အတွက် တစ်ရာသီ အငှားခေါ်ယူခ အဖြစ် ယူရို (၅) သန်း ပေးချေခဲ့ရကြောင်းလည်း သိရပါတယ်။
ဂွမ်ဒူဇီကို ခေါ်ယူနိုင်ခဲ့ပြီဖြစ်တဲ့ လာဇီယို
စီးရီးအေ ကလပ် လာဇီယိုဟာ မာဆေးလ် ကွင်းလယ်လူ မက်တီယို ဂွမ်ဒူဇီကို ခေါ်ယူနိုင်ခဲ့ပြီ ဖြစ်ကြောင်း တရားဝင် ကြေညာခဲ့ပါတယ်။ လာဇီယိုဟာ ဂွမ်ဒူဇီ တစ်ယောက် “ကြိုဆိုပါတယ်” ဆိုတဲ့ စာသားပါ လာဇီယို တံဆိပ်နဲ့ ပုဝါကို ကိုင်ဆောင်ထားတဲ့ပုံကို တင်ထားခဲ့ပြီး သူတို့ရဲ့ ကစားသမားသစ်ကို ကြိုဆိုခဲ့ပါတယ်။
လာဇီယို အနေနဲ့ ဂွမ်ဒူဇီကို ကနဦး တစ်ရာသီအငှားနဲ့ ခေါ်ယူခဲ့တာ ဖြစ်ပြီး လာမယ့် နွေရာသီမှာတော့ အပြီးသတ် ခေါ်ယူသွားမှာ ဖြစ်ပါတယ်။ လာဇီယိုဟာ ဂွမ်ဒူဇီ အတွက် အငှားခေါ်ယူကြေး အဖြစ် ယူရို (၁) သန်း ပေးချေခဲ့ရပြီး အပြီးသတ် ခေါ်ယူချိန်မှာတော့ ယူရို (၁၂) သန်း ပေးချေရမှာ ဖြစ်ပါတယ်။
ဒါ့အပြင် အပိုဆုကြေး အဖြစ် နောက်ထပ် ယူရို (၅) သန်း ထပ်မံပေးချေဖို့အတွက်လည်း သဘောတူညီထားပြီး ပြန်လည် ရောင်းချဖြစ်ခဲ့ရင်လည်း ပြောင်းရွှေ့ကြေးတန်ဖိုးရဲ့ (၁၀) ရာခိုင်နှုန်းကို လာဇီယိုထံ ပေးဖို့ သဘောတူညီမှု ရရှိခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
