လူကာကူကို လွမ်းနေတဲ့ အင်ဇာဂီ၊ ရာဖင်ညာကို ခေါ်ဖို့ စဥ်းစားနေတဲ့ အေစီမီလန် (စီးရီးအေ နောက်ဆုံးရ သတင်းများ)

လူကာကူကို လွမ်းနေတဲ့ အင်ဇာဂီ၊ ရာဖင်ညာကို ခေါ်ဖို့ စဥ်းစားနေတဲ့ အေစီမီလန် စတဲ့ သတင်းတွေ အပါအဝင် ဇန်နဝါရီ ၁၂ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။

လူကာကူကို လွမ်းနေတဲ့ အင်ဇာဂီ

စီးရီးအေ ကလပ် အင်တာမီလန် နည်းပြ ဆီမြွန်နီ အင်ဇာဂီက အသင်းရဲ့ အဓိက တိုက်စစ်မှူး ရိုမီလူ လူကာကူကို လွမ်းဆွတ်နေရကြောင်း ဖွင့်ဟ ပြောကြားခဲ့ပါတယ်။

လူကာကူဟာ ဒီရာသီမှာ ဒဏ်ရာပြဿနာတွေနဲ့ ရုန်းကန်နေရပြီး သူသာ ရှိနေရင် အသင်းက အခုထက် ရမှတ် ပိုမို ရရှိထားမှာ ဖြစ်ကြောင်း အင်ဇာဂီက ပြောပါတယ်။

ဒါ့အပြင် အင်ဇာဂီက လူကာကူဟာ ကျွန်တော်တို့ အတွက် အလွန်တရာ အရေးပါတဲ့ ကစားသမား ဖြစ်ပြီး ငွေကြေး အများကြီး အသုံးပြုခဲ့ရကြောင်း၊ ဒါပေမယ့် သူက ကံဆိုးစွာနဲ့ ဒီရာသီမှာ ဒဏ်ရာပြဿနာတွေနဲ့ ရုန်းကန်နေရကြောင်းနဲ့ သူသာ ပြန်ကောင်းလာခဲ့ရင် အသင်း အတွက် ကြီးမားတဲ့အား ဖြစ်နိုင်ကြောင်း ဖွင့်ဟ ပြောကြားခဲ့ပါတယ်။

ဒီမာရီယာကို စိတ်ဝင်စားကြောင်း အင်တာနေစီယွန်နယ် ဥက္ကဌ ဝန်

အင်တာနေစီယွန်နယ် ဥက္ကဌ အလက်ဆန်ဒရို ဘာဆယ်လို့စ်က ဂျူဗင်တပ်စ်ရဲ့ တိုက်စစ် ကစားသမား အိန်ဂျယ်လ် ဒီမာရီယာကို စိတ်ဝင်စားနေကြောင်း ဝန်ခံ ပြောကြားခဲ့ပါတယ်။

ဒီမာရီယာဟာ လာမယ့် နွေရာသီမှာ စီးရီးအေ ကလပ်နဲ့ စာချုပ်သက်တမ်းကုန်ဆုံးတော့မှာ ဖြစ်ပြီး အသင်းသစ် ရှာဖွေနေရပြီလည်း ဖြစ်ပါတယ်။

အဆိုပါ အာဂျင်တီးနား လက်ရွေးစင်ဟောင်းနဲ့ ပတ်သက်လို့ ဘာဆယ်လို့စ်က ဒီမာရီယာ အပြင် အခြားသော ကစားသမားတွေ အကြောင်းကို မေးခွန်းထုတ်နေကြကြောင်း၊ ကျွန်တော်တို့ အနေနဲ့လည်း ကစားသမားတွေရဲ့ အခြေအနေကို စောင့်ကြည့်နေကြောင်း၊ လက်ရှိအချိန် မှာတော့ တရားဝင် ကမ်းလှမ်းမှုတွေ မပြုလုပ်ရသေးကြောင်း ဖွင့်ဟသွားခဲ့ပါတယ်။

ရာဖင်ညာကို ခေါ်ဖို့ စဥ်းစားနေတဲ့ အေစီမီလန်

အေစီမီလန်ဟာ လာမယ့် နွေရာသီ အပြောင်းအရွှေ့မှာ ဘာစီလိုနာရဲ့ တောင်ပံ တိုက်စစ် ကစားသမား ရာဖင်ညာကို ခေါ်ယူဖို့ စဥ်းစားနေတယ်လို့ သိရပါတယ်။

အဆိုပါ ဘရာဇီးလ် လက်ရွေးစင် ကစားသမားဟာ ပြီးခဲ့တဲ့ နွေရာသီ ကမှ လာလီဂါ ထိပ်သီး ဘာစီလိုနာ အသင်းကို ရောက်ရှိလာခဲ့ပေမယ့် လက်ရှိအချိန်မှာ အသင်း ဘက်က သူ့ကို ပြန်လည် ရောင်းထုတ်ဖို့ ပြင်ဆင်နေပါတယ်။

အဲ့ဒါကြောင့်လည်း စီးရီးအေရဲ့ လက်ရှိ ချန်ပီယံက ရာဖင်ညာရဲ့ အနေအထားကို စောင့်ကြည့်နေတာ ဖြစ်ပြီး အသင်းရဲ့ လက်ရှိ အားကစား ဒါရိုက်တာ ပေါ်လို မာလ်ဒီနီ ကလည်း ရာဖင်ညာရဲ့ အမာခံ ပရိသတ် တစ်ယောက် ဖြစ်တယ်လို့ သိရပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.