ဒီတစ်ခါ မှာတော့ ဩဂုတ်လ ၈ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ဘာလိုဂန်ကို ပြန်လည် စိတ်ဝင်စားလာတဲ့ အင်တာမီလန်
အင်တာမီလန်ဟာ အာဆင်နယ်ရဲ့ လူငယ်ကြယ်ပွင့် တိုက်စစ်မှူး ဖိုလာရင် ဘာလိုဂန်ကို ခေါ်ယူဖို့ ပြန်လည် စိတ်ဝင်စားလာခဲ့ကြောင်း သိရပါတယ်။ ဘာလိုဂန်ဟာ လက်ရှိနွေရာသီ အပြောင်းအရွှေ့မှာ အာဆင်နယ် ကနေ အပြီးသတ် ထွက်ခွာဖို့ ပြင်ဆင်နေသူပါတယ်။ သူ့ကိုတော့ အင်တာမီလန် အပါအဝင် စီးရီးအေ ကလပ်တွေနဲ့ အခြားသော ထိပ်တန်းအသင်းတွေ ကလည်း စိတ်ဝင်စားနေပါတယ်။
အင်တာမီလန်ဟာ ဘာလိုဂန် အတွက် ပြောင်းရွှေ့ကြေး ပေါင် (၂၆) သန်း ဝန်းကျင်နဲ့ ကမ်းလှမ်းခဲ့ပေမယ့် အာဆင်နယ် ဘက်က ပေါင် (၄၅) သန်း အထိ တောင်းဆိုနေတာကြောင့် အင်တာမီလန် ဘက်က နောက်ဆုတ်သွားခဲ့ပါတယ်။
အသင်းနဲ့ စာချုပ်သစ်ချုပ်ဆိုလိုက်တဲ့ နာပိုလီ အသင်းခေါင်းဆောင်
နာပိုလီ အသင်းခေါင်းဆောင် ဂျီယိုဗန်နီ ဒီလော်ရန်ဇိုဟာ အသင်းနဲ့ (၂၀၂၆) ခုနှစ်အထိ ဆက်ရှိနေမယ့် စာချုပ်သစ် တစ်ရပ်ကို ချုပ်ဆိုလိုက်ပြီဖြစ်ကြောင်း သိရပါတယ်။
စီးရီးအေရဲ့ လက်ရှိ ချန်ပီယံ ကစားသမားဟာ စာချုပ်သစ်အရ တစ်နှစ်လုပ်ခ ယူရို (၃) သန်းအထိ တိုးမြှင့်ရရှိမှာ ဖြစ်ကြောင်းလည်း သတင်းဌာနတွေက ဖော်ပြထားပါတယ်။ ဒီလော်ရန်ဇိုဟာ နာပိုလီ အတွက် ပွဲပေါင်း (၁၈၄) ပွဲ အထိ ကစားပေးထားပြီး ဖြစ်ပြီး (၁၃) ဂိုးသွင်း၊ ဂိုးဖန်တီးမှု (၂၈) ကြိမ် ပြုလုပ်ပေးထားပါတယ်။
(၂၀၁၉) ခုနှစ်ကတည်းက နာပိုလီကို ရောက်ရှိနေခဲ့တဲ့ နောက်ခံအစွန်လူ ဒီလော်ရန်ဇိုဟာ ပြီးခဲ့တဲ့ ရာသီ မှာတော့ ကစားသမားဘဝ တစ်လျှောက် ပထမဆုံး အကြိမ် စကူဒက်တို ချန်ပီယံဆုကို ကိုင်မြှောက်နိုင်ခဲ့ပြီး အခုချိန်မှာတော့ အသင်းနဲ့ပါ စာချုပ်သက်တမ်းတိုးနိုင်ခဲ့တာ ဖြစ်ပါတယ်။
အင်တာမီလန်ကို ပြန်လည် ပြောင်းရွှေ့ဖို့ တိုက်တွန်းခံနေရတဲ့ ဟာကီမီ
ပီအက်စ်ဂျီ ညာနောက်ခံလူ အာချာဖ် ဟာကီမီ အနေနဲ့ အင်တာမီလန်ကို ပြန်လည် ပြောင်းရွှေ့သင့်ကြောင်း မော်ရိုကို လက်ရွေးစင်အသင်းဖော် အိုမာ အယ်လ်ကတ်ဒူရီက တိုက်တွန်းခဲ့ပါတယ်။ ဟာကီမီ ကိုယ်တိုင် ကလည်း လက်ရှိ နွေရာသီ အပြောင်းအရွှေ့မှာ စီးရီးအေ အသင်းဟောင်း အင်တာမီလန်ကို ပြန်ဖို့ အတွက် ချိတ်ဆက်မှုတွေရှိနေကြောင်း သတင်းတွေက ဖော်ပြခဲ့ပါတယ်။
ကတ်ဒူရီက ကျွန်တော့် အနေနဲ့ ဟာကီမီကို အင်တာမီလန်ဆီပြန်ဖို့ တိုက်တွန်းခဲ့ကြောင်း၊ အဲ့ဒီအသင်းက သူ့ရဲ့ကစားသမားဘဝကို အမြင့်ဆုံးရောက်စေခဲ့တဲ့နေရာဖြစ်ပြီး ဟာကီမီရဲ့ အကောင်းဆုံးပုံစံကို မီလန်မြို့မှာ မြင်တွေ့ခဲ့ရကြောင်း ပြောကြားခဲ့ပါတယ်။ ဒါ့အပြင် ပဲရစ်မြို့မှာ ဟာကီမီက ပြဿနာပေါင်းများစွာနဲ့ ရင်ဆိုင်ခဲ့ရပြီး အခုချိန်မှာ အင်တာမီလန်တို့ ဟာကီမီကို အခွင့်အရေးရတုန်း အရ ပြန်ခေါ်သင့်ကြောင်း၊ ဒါပေမယ့် သူ့အတွက် ပြောင်းရွှေ့ကြေး အမြောက်အမြား အသုံးပြုရမှာ ဖြစ်ကြောင်း ကတ်ဒူရီက ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
