ဒီတစ်ခါ မှာတော့ စက်တင်ဘာလ ၁၈ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
အရန်ကစားသမား မဖြစ်လိုကြောင်း ပြောကြားခဲ့တဲ့ အင်တာမီလန် တိုက်စစ်မှူး
အာနူတိုဗစ်ဟာ ပြီးခဲ့တဲ့ နွေရာသီ အပြောင်းအရွှေ့မှာ စီးရီးအေ ကလပ်ပဲ ဖြစ်တဲ့ ဘိုလော့ဂ်နာ ကနေ အင်တာမီလန်ကို ပြောင်းရွှေ့လာခဲ့တာ ဖြစ်ပါတယ်။
အာနူတိုဗစ်ဟာ သူ့ရဲ့ လူငယ်ကစားသမားဘဝကို အင်တာမီလန်မှာပဲ အစပြုခဲ့ပြီး အခုချိန်မှာတော့ အသင်းဟောင်းကို ပြန်လည် ရောက်ရှိလာခဲ့တာပါ။ လက်ရှိ အင်တာမီလန် မှာတော့ လော်တာရို မာတီနက်ဇ်၊ မားကပ်စ် သူရမ် တို့လို အဓိက ဦးစားပေး ကစားသမားတွေ ရှိနေပြီး အာနူတိုဗစ် ကတော့ နိုင်ငံပွဲမှာ ဂိုးသွင်းနိုင်ခဲ့တာက ကျွန်တော့် အတွက် အရေးပါကြောင်း၊ အရန်ခုံမှာ ထိုင်နေရတာမျိုးကို သဘောမကျကြောင်း ပြောကြားသွားခဲ့ပါတယ်။
အိုနာနာရဲ့ ပုံစံကို သဘောမကျကြောင်း အင်တာ ဂိုးသမားဟောင်း ပြောကြား
အိုနာနာဟာ ပြီးခဲ့တဲ့ (၂၀၂၂) ခုနှစ် နွေရာသီ အပြောင်းအရွှေ့မှာ စီးရီးအေ ထိပ်သီး အင်တာမီလန်ကို အလွတ် ပြောင်းရွှေ့ကြေးနဲ့ ရောက်ရှိလာခဲ့တဲ့ ဂိုးသမားပါ။
အိုနာနာနဲ့ ပတ်သက်ပြီး ဟန်ဒါနိုဗစ်က ကျွန်တော် အသင်းက ထွက်တော့မယ်လို့ ပြောချိန်မှာ အိုနာနာက သူ့ကို ကျေးဇူးတင်ခဲ့ကြောင်း၊ ဒီစကားတွေကို သဘောကျပေမယ့် အိုနာနာရဲ့ လုပ်ပုံကိုင်ပုံတွေကိုတော့ သဘောမကျကြောင်း၊ အထူးသဖြင့် သူ့ကို နည်းပြက ဦးစားပေး ကစားသမား အဖြစ် သတ်မှတ်လိုက်ပြီး သူကစားခွင့် မရတဲ့ အချိန်မှာ ဖြစ်ကြောင်း၊ သူက ဒါကို အမှန်တိုင်း ပြောကြားခဲ့ပြီး ကျွန်တော်က သူ့ကို အမြဲတမ်း ကူညီပေးခဲ့ကြောင်း ပြောကြားသွားခဲ့ပါတယ်။
အသင်း ကြယ်ပွင့်ရဲ့ အနေအထား အတွက် မစိုးရိမ်တဲ့ နာပိုလီ နည်းပြ
နာပိုလီ နည်းပြ ရူဒီ ဂါစီယာက အသင်းရဲ့ တောင်ပံတိုက်စစ် ကစားသမား ခါဗီချာ ခါဗရာစခီလီရာရဲ့ ရာသီအစ ခြေစွမ်း အတွက် စိုးရိမ်ပူပန်မှု မရှိကြောင်း ပြောကြားသွားခဲ့ပါတယ်။
အဆိုပါ ဂျော်ဂျီယာ လက်ရွေးစင် ကစားသမားဟာ ပြီးခဲ့တဲ့ရာသီမှာ စီးရီးအေ ချန်ပီယံ ဖြစ်ခဲ့တဲ့ နာပိုလီ အတွက် အကောင်းဆုံး ခြေစွမ်းပြခဲ့တဲ့ ကစားသမားလည်း ဖြစ်ပါတယ်။ ဒါပေမယ့် ဒီရာသီအစောပိုင်း ပွဲစဉ်တွေ မှာတော့ ခီလီရာက ပုံမှန် ခြေစွမ်းပြသနိုင်ဖို့ ရုန်းကန်နေရပြီး နာပိုလီ နည်းပြ ရူဒီ ဂါစီယာ ကတော့ ဒီအပေါ်မှာ စိုးရိမ်ခြင်း မရှိကြောင်း ပြောကြားခဲ့ပါတယ်။
ရူဒီ ဂါစီယာက ဘာမှစိုးရိမ်စရာ မရှိကြောင်း၊ အသင်း အနေနဲ့ အစောပိုင်း ပွဲတွေမှာ မိနစ်တွေ အများကြီး ကစားခဲ့ရပေမယ့် ခီလီရာ အတွက် ဘာမှစိတ်ပူစရာ မရှိကြောင်း၊ လာဇီယိုနဲ့ ပွဲမှာ သူကံကောင်းဖို့ လိုခဲ့ပြီး ကန်ချက်တွေက ဟန့်တားခံခဲ့ရကြောင်း၊ သူ မကြာခင်မှာပဲ ဂိုးသွင်း၊ ဂိုးဖန်တီးမှုတွေ ပြန်လည် ပြုလုပ်ပေးနိုင်မှာ ဖြစ်ကြောင်း ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
