အင်တာမီလန်က ပြီးခဲ့တဲ့ ရာသီက ချန်ပီယံလိဂ်ပြိုင်ပွဲမှာ ဗိုလ်လုပွဲအထိ တက်ရောက်နိုင်ခဲ့တဲ့ စီးရီးအေ အသင်း တစ်သင်း ဖြစ်သလို လက်ရှိရာသီမှာလည်း တော်တော်လေးကို ပုံစံကောင်းပြနေတဲ့ အသင်း တစ်သင်းပါ။
“အင်တာမီလန်မှာ တော်တော်လေးကို သန်မာတဲ့ တိုက်စစ်မှူး အချို့ ရှိနေပါတယ်။ လော်တာရို မာတီနက်ဇ်ရဲ့ ကစားပုံနဲ့ ပတ်သက်လို့၊ သူရမ်နဲ့ အခြား ကစားသမားတွေရဲ့ ပုံစံကောင်းတွေနဲ့ ပတ်သက်လို့ ကျွန်တော် ပျော်ရွှင်မိပါတယ်။ သူတို့က အောင်မြင်တယ်၊ ဂိုးတွေ အများကြီး သွင်းနိုင်တယ်၊ အင်တာမီလန် ပရိသတ်တွေကို ရူးလောက်အောင် စွမ်းဆောင်ပြထားပါတယ်” လို့ ဘေယန်မြူးနစ် ဂုဏ်ထူးဆောင် ဥက္ကဌ ရူမင်နစ်ဂီက ပြောလာခဲ့တာပါ။
လော်တာရို မာတီနက်ဇ်လို ကစားသမားမျိုး အသင်းမှာ ဆက်ရှိနေပြီး အသင်းခေါင်းဆောင် ဖြစ်နေပါတယ်။ ဒါ့အပြင် ဘင်ဂျာမင် ပါဗက်၊ ယန်း ဆွမ်မား၊ မားကပ်စ် သူရမ် တို့လို ကစားသမားတွေကို ခေါ်ယူ အားဖြည့်ထားနိုင်တာကြောင့်လည်း အသင်းကို အပေါင်းလက္ခဏာ ဆောင်စေခဲ့တယ်လို့ ပြောရပါမယ်။
လက်ရှိ ရာသီမှာလည်း အင်တာမီလန်က တည်ငြိမ်တဲ့ ပုံစံတစ်ရပ်ကို ပြသထားဆဲပါ။ စီးရီးအေ အမှတ်ပေးဇယား ဦးဆောင်ခွင့်ကို အေစီမီလန်ထံ ပေးထားရပေမယ့် မီလန် ဒါဘီမှာ ဒီအသင်းက ၅ ဂိုး အထိ သွင်းပြီး ခြေပြတ် ဂိုးပြတ် အနိုင်ရရှိထားပါတယ်။ အထူးသဖြင့် ပြီးခဲ့တဲ့ရာသီ ချန်ပီယံလိဂ်မှာ ဗိုလ်လုပွဲအထိ တက်ရောက်နိုင်ခဲ့တာ၊ ဗိုလ်လုပွဲမှာ မန်စီးတီးလို အသင်းမျိုးကို သူတင် ကိုယ်တင် ခြေရည်တူ ကစားနိုင်ခဲ့တာ အစရှိတဲ့ အရှိန်တွေနဲ့ပဲ ဒီရာသီကို ရှေ့ဆက်နေတာပါ။
နောက်ပြီး ပြင်သစ်ရဲ့ တကယ်ကို တက်သစ်စ တိုက်စစ် ကြယ်ပွင့် မားကပ်စ် သူရမ်လို ကစားသမားမျိုးကို ခေါ်ယူနိုင်ခဲ့တာ ကလည်း အင်တာမီလန်ကို အသင်းလိုက် ယုံကြည်မှု မှာပါ ပိုမို အားကောင်းသွားစေခဲ့ပါတယ်။
ဒီအချက်တွေကြောင့်ပဲ ဒီရာသီမှာ စီးရီးအေနဲ့ ပတ်သက်လာရင် လက်ရှိ ချန်ပီယံ နာပိုလီထက် စာရင် အင်တာမီလန် ကိုပဲ လူတွေက ပိုမြင်နေကြတာပါ။ “အင်တာမီလန်က အခုဆိုရင် စီးရီးအေမှာ အတောင့်တင်းဆုံး၊ အတည်ငြိမ်ဆုံးနဲ့ ခံစစ်နဲ့ တိုက်စစ်မှာရော ကြီးကျယ် ခမ်းနားတဲ့ အရည်အသွေးရှိတဲ့ အသင်း တစ်သင်းပါ”
“သူတို့ အခုထက် ဂိုးပိုသွင်းနိုင်သင့်သလို ဂိုးတွေ နည်းနည်းပဲ ပေးရဖို့လည်း ကျွန်တော် မျှော်လင့်ပါတယ်” လို့ ရူမင်နစ်ဂီက ပြောခဲ့ပါတယ်။ ချန်ပီယံ စိတ်ဓာတ် ရှိတဲ့ အသင်း တစ်သင်း အတွက် တိုက်စစ်ပိုင်းက ဂိုးတွေ သွင်းပြနိုင်ဖို့ လိုအပ်သလို ခံစစ်ပိုင်း ကလည်း အရေးကြီးတဲ့ အချိန်တွေမှာ တည်ငြိမ်ဖို့ လိုအပ်ပါတယ်။
အကောင်းဆုံး ခံစစ်က အကောင်းဆုံး တိုက်စစ်ပဲ ဆိုတဲ့ စကားက ဘောလုံးလောကမှာ အလကားသက်သက် နာမည်ကြီးလာတာတော့ မဟုတ်ပါဘူး။ နောက်ပြီး အင်တာမီလန်က စီးရီးအေ ချန်ပီယံဆုနဲ့ အရမ်းကြီး စိမ်းနေတဲ့ အသင်း မဟုတ်ပါဘူး။
လွန်ခဲ့တဲ့ နှစ်နှစ်လောက်ကမှ စီးရီးအေ ချန်ပီယံဆု ဆွတ်ခူးထားတဲ့ အသင်း ဖြစ်ပြီး အဲ့ဒီအချိန်က ချန်ပီယံ အသင်းမှာ ပါဝင်ခဲ့တဲ့ လော်တာရို မာတီနက်ဇ် ကလည်း အခု အသင်းခေါင်းဆောင် ဖြစ်နေပါပြီ။ အဘက်ဘက်က ကြည့်ရင် အင်တာမီလန်က ဒီရာသီ စီးရီးအေ ချန်ပီယံဆု အတွက် ဘက်ပေါင်းစုံက အားသာနေတဲ့ အသင်း တစ်သင်း ဖြစ်ပြီး တိုက်စစ်နဲ့ ခံစစ်သာ ဟန်ချက်ညီမျှခဲ့ရင် ဒီနှစ်က အင်တာမီလန်ရဲ့ နှစ် တစ်နှစ် ဖြစ်လာပါလိမ့်မယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
