ဒီတစ်ခါ မှာတော့ ဩဂုတ်လ ၂ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ဆာကမ်မက်ကာ အတွက် ပြောင်းရွှေ့ကြေး တိုးမြှင့်ကမ်းလှမ်းလိုက်တဲ့ အင်တာမီလန်
ပြီးခဲ့တဲ့ နွေရာသီကမှ ဆာဆူအိုလို ကနေ ဝက်စ်ဟမ်းကို ပြောင်းရွှေ့သွားခဲ့တဲ့ ဒီတိုက်စစ် ကစားသမားဟာ တစ်ရာသီ အကြာမှာပဲ စီးရီးအေကို ပြန်လာဖို့ အတွက် ပြင်ဆင်နေတာပါ။ သူ့ကို အင်တာမီလန် အပြင် ရိုးမား ကလည်း စိတ်ဝင်စားနေပြီး ဝက်စ်ဟမ်း ကတော့ သူတို့ရဲ့ ကစားသမား အတွက် ပြောင်းရွှေ့ကြေး ပေါင်သန်း(၃၀) အထိ အလိုရှိနေဆဲ ဖြစ်ပါတယ်။
ရိုးမား နောက်ခံလူကို ခေါ်ယူလိုက်တဲ့ ဆာဆူအိုလို
ဆာဆူအိုလိုဟာ စီးရီးအေ ကလပ် အသင်းပဲ ဖြစ်တဲ့ ရိုးမားရဲ့ နောက်ခံအစွန်လူ မာတီယက်စ် ဗီနာကို ခေါ်ယူလိုက်ပြီ ဖြစ်ကြောင်း သိရပါတယ်။ ဗီနာဟာ ဆာဆူအိုလိုကို (၁) ရာသီ အငှားစာချုပ်နဲ့ ကနဦး ပြောင်းရွှေ့မှာ ဖြစ်ပြီး အဲ့ဒီနောက်မှာတော့ ပြောင်းရွှေ့ကြေး ယူရို (၁၀) သန်းနဲ့ အပြီးသတ် ခေါ်ယူသွားမှာပါ။
အဆိုပါ ဥရုဂွေး နောက်ခံအစွန်လူဟာ ပြီးခဲ့တဲ့ ဘောလုံးရာသီကလည်း ဘုန်းမောက်မှာ အငှားစာချုပ်နဲ့ သွားရောက် ကစားခဲ့ပါသေးတယ်။ ဗီနာဟာ ဘုန်းမောက် အတွက် ကစားပေးခဲ့တဲ့ (၆) လ အတွင်း (၁၂) ပွဲ ပါဝင် ကစားပေးခဲ့ပြီး (၂) ဂိုး သွင်းယူပေးနိုင်ခဲ့ပါတယ်။
ဆာဆူအိုလိုဟာ မွန်ဇာကို အငှားနဲ့ ထွက်ခွာသွားတဲ့ ဂေါ်ဂီယိုစ်ကရိုင်ပူးလော့စ်ရဲ့ နေရာမှာ အစားထိုးဖို့ အတွက် ဗီနာကို အခုလိုမျိုးပဲ ပြန်လည် ခေါ်ယူခဲ့တာ ဖြစ်ပါတယ်။
ရိုးမားနဲ့ သူ့အတွက် တိုက်ပွဲဝင်ပေးဖို့ မော်ရင်ဟို တောင်းဆိုခဲ့ကြောင်း ကစားသမားသစ် ဖွင့်ဟ
လိဒ်စ်ယူနိုက်တက် ကစားသမား တစ်ယောက် ဖြစ်တဲ့ ခရစ္စတန်ဆန်ဟာ လက်ရှိနွေရာသီ အပြောင်းအရွှေ့မှာ ရိုးမားကို တစ်ရာသီအငှားစာချုပ်နဲ့ ပြောင်းရွှေ့ရောက်ရှိလာခဲ့တာပါ။ ရိုးမား နည်းပြ မော်ရင်ဟိုနဲ့ ပတ်သက်လို့ ခရစ္စတန်ဆန်က မော်ရင်ဟိုဟာ ထိပ်တန်း နည်းပြ တစ်ယောက် ဖြစ်ပြီး ဘောလုံးသမိုင်းတစ်လျှောက်မှာ အကြီးကျယ် အခမ်းနားဆုံး နည်းပြတောင် ဖြစ်နိုင်ကြောင်း၊ သူ့ဆီကနေလည်း အများကြီး သင်ယူနေကြောင်း ပြောကြားခဲ့ပါတယ်။
ဒါ့အပြင် မော်ရင်ဟိုက ရိုးမား အတွက်နဲ့ ကိုယ့်ကိုယ်ကိုယ် အတွက် တိုက်ပွဲဝင်ဖို့ တောင်းဆိုခဲ့ပြီး သူပေးတဲ့ အကြံဉာဏ်တွေ ကိုလည်း နေ့တိုင်း နားထောင်နေကြောင်း၊ သူ့ အပေါ် ယုံကြည်ခဲ့တဲ့ မော်ရင်ဟို အတွက် ပြန်လည် ပေးဆပ်လိုကြောင်း ခရစ္စတန်ဆန်က ဖွင့်ဟသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
