သူရမ်နဲ့ တွဲကစားခွင့်ရတဲ့အပေါ် ကျေနပ်နေတဲ့ လော်တာရို မာတီနက်ဇ် (စီးရီးအေ သတင်းများ)

ဒီတစ်ခါ မှာတော့ စက်တင်ဘာလ ၅ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။

သူရမ်နဲ့ တွဲကစားခွင့်ရတဲ့ အပေါ် လော်တာရို မာတီနက်ဇ် ကျေနပ်နေ

အင်တာမီလန် အသင်းခေါင်းဆောင် လော်တာရို မာတီနက်ဇ်က တိုက်စစ်ပိုင်းမှာ ကစားသမားသစ် မားကပ်စ် သူရမ်နဲ့ တွဲကစားခွင့်ရတဲ့ အပေါ် ကျေနပ်ကြောင်း ပြောကြားသွားခဲ့ပါတယ်။ အင်တာမီလန်ဟာ ဖီအိုရင်တီးနားကို အိမ်ကွင်းမှာ ဧည့်ခံကစားခဲ့တဲ့ စီးရီးအေ ပွဲစဉ်မှာ လေးဂိုးပြတ်နဲ့ အနိုင်ရရှိခဲ့ပါတယ်။

ဒီနိုင်ပွဲက အင်တာမီလန် အတွက် ဒီရာသီ စီးရီးအေ ရာသီအဖွင့် (၃) ပွဲ ဆက်တိုက် နိုင်ပွဲ ဖြစ်ခဲ့ပြီး လော်တာရို မာတီနက်ဇ် ကလည်း အသင်း အတွက် နှစ်ဂိုး သွင်းယူပြီး ခြေစွမ်းပြနိုင်ခဲ့ပါတယ်။

ပွဲအပြီးမှာတော့ မာတီနက်ဇ်က သူရမ်နဲ့အတူ တိုက်စစ်တာဝန်တွေကို ခွဲဝေယူရတာက အရေးကြီးကြောင်း၊ သူက ပထမဦးစားပေး တိုက်စစ်မှူး အဖြစ် ကစားနိုင်ပြီး ကျားကုတ်ကျားခဲ ကစားနိုင်ကြောင်း၊ ကျွန်တော်တို့ အလှည့်ကျ တာဝန်ယူနေပြီး အသင်းဖော်တိုင်းရဲ့ စွမ်းဆောင်ရည် အတွက် ကျွန်တော် ပျော်ရွှင်အားရမိကြောင်း ပြောကြားခဲ့ပါတယ်။

အသင်းနဲ့ စာချုပ်ဖျက်သိမ်းလိုက်တဲ့ ဖီအိုရင်တီးနား ကွင်းလယ်လူ

ဖီအိုရင်တီးနား ကွင်းလယ်လူ မာကိုဘီနက်ဆီဟာ အသင်းနဲ့ နှစ်ဦး သဘောတူ စာချုပ်ဖျက်သိမ်းလိုက်ကြောင်း သိရပါတယ်။ အသက် (၂၉) နှစ်အရွယ် အဆိုပါ ကစားသမားကို စီးရီးအေ ကလပ် ဘက်က ပြီးခဲ့တဲ့နွေရာသီ အပြောင်းအရွှေ့မှာ ရောင်းထုတ်ဖို့ ပြင်ဆင်ခဲ့ပါတယ်။

ဒါပေမယ့်လည်း ဘီနက်ဆီ အတွက် လောက်လောက်လားလား ကမ်းလှမ်းမှုတွေ မရရှိခဲ့ဘဲ အပြောင်းအရွှေ့ရာသီသာ ပိတ်သိမ်းသွားခဲ့ပါတယ်။ အဲ့ဒါကြောင့်လည်း ဘီနက်ဆီ အနေနဲ့ အသင်းနဲ့ နှစ်ဦး သဘောတူ စာချုပ်ဖျက်သိမ်းခဲ့တာ ဖြစ်ပြီး လက်ရှိမှာ အခြားအသင်း တစ်သင်းကို အလွတ်ပြောင်းရွှေ့ကြေးနဲ့ ပြောင်းရွှေ့နိုင်ပြီ ဖြစ်ပါတယ်။

ဘီနက်ဆီဟာ ပြီးခဲ့တဲ့ (၂၀၁၇) မှာ တိုရီနို ကနေ ဖီအိုရင်တီးနားကို ပြောင်းရွှေ့ကြေး ယူရို (၁၂) သန်းနဲ့ ပြောင်းရွှေ့လာခဲ့တဲ့ ကစားသမားလည်း ဖြစ်ပါတယ်။

လူကာကူက သူ့ကိုယ်သူ အရူးလုပ်နေတာလို့ အင်တာ ဥက္ကဌဟောင်း ပြောကြား

အင်တာမီလန် ဥက္ကဌဟောင်း မက်ဆီမို မိုရက်တီက ရိုမယ်လူ လူကာကူဟာ သူ့ကိုယ်သူ အရူးလုပ်နေခြင်းသာ ဖြစ်ကြောင်း ပြောကြားသွားခဲ့ပါတယ်။ အဆိုပါ ဘယ်လ်ဂျီယံ လက်ရွေးစင် တိုက်စစ်မှူးကြီးဟာ အင်တာမီလန်နဲ့ အတူ စီးရီးအေ အမှတ်ပေးချန်ပီယံဆုကို ဆွတ်ခူးနိုင်ခဲ့တဲ့ ကစားသမားပါ။

ပြီးခဲ့တဲ့ရာသီ ကလည်း လူကာကူက အင်တာမီလန်မှာ အငှားနဲ့ လာကစားခဲ့ပြီး အပြီးသတ် ပြောင်းရွှေ့ဖို့ အတွက်လည်း ဆွေးနွေးမှုတွေ ရှိခဲ့ပါတယ်။ နောက်ဆုံး အချိန်မှာတော့ လူကာကူက ရိုးမား ကိုသာ ပြောင်းရွှေ့သွားခဲ့ပြီး အင်တာမီလန် ဘက်ကတော့ လူကာကူရဲ့ လုပ်ရပ်ကို စိတ်ပျက်နေတာပါ။

မိုရက်တီ ကလည်း လူကာကူ အနေနဲ့ အင်တာမီလန်၊ ဂျူဗင်တပ်စ် တို့နဲ့ ဆွေးနွေးမှုတွေ ပြုလုပ်ခဲ့ပြီး သူ့ကိုယ်သူ အရူးလုပ်ခဲ့ကြောင်း၊ အနည်းဆုံးတော့ အခြေအနေတွေကို ကျွန်တော် အပြင်ကနေ မြင်တွေ့ခဲ့ရကြောင်း၊ ဒါပေမယ့် နောက်ဆုံး မှာတော့ သူက ရိုးမားလိုမျိုး အရေးပါတဲ့ အခြားအသင်းကြီး တစ်သင်း ကိုသာ ပြောင်းရွှေ့သွားခဲ့ကြောင်း ပြောကြားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.