ဒီတစ်ခါ မှာတော့ ဩဂုတ်လ ၁၂ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ဗလာဟိုဗစ်ကို အသင်းမှာ ဆက်ရှိစေချင်ကြောင်း အယ်လီဂရီ ပြောကြား
ဂျူဗင်တပ်စ် နည်းပြ မက်စ် အယ်လီဂရီက တိုက်စစ်မှူး ဒူဆန် ဗလာဟိုဗစ်ကို အသင်းမှာပဲ ဆက်ရှိနေဖို့ ဆန္ဒရှိကြောင်း ဖွင့်ဟပြောကြားလိုက်ပါတယ်။ အဆိုပါ ဆားဘီးယား တိုက်စစ်မှူးဟာ လက်ရှိနွေရာသီ အပြောင်းအရွှေ့မှာ ဂျူဗင်တပ်စ် ကနေ ထွက်ခွာဖို့ သတင်းပြေးနေတဲ့ ကစားသမားပါ။
သူ့ကို ခေါ်ယူဖို့ ရီးရဲလ်မက်ဒရစ်က စိတ်ဝင်စားကြောင်း ကောလာဟလတွေ ထွက်ပေါ်ခဲ့သလို လက်ရှိမှာလည်း ချဲလ်ဆီးက ဗလာဟိုဗစ်ကို ခေါ်ယူနိုင်ဖို့ ကြိုးစားနေပါတယ်။ စီးရီးအေ ကလပ် ဂျူဗင်တပ်စ်ဟာ လာမယ့် ဘောလုံးရာသီမှာ ဥရောပပြိုင်ပွဲ ဝင်ခွင့်နဲ့ လွဲချော်ထားတာကြောင့် ဗလာဟိုဗစ် အပါအဝင် ကြယ်ပွင့် ကစားသမားတွေကို လက်လွှတ်ခံရဖွယ် ရှိပါတယ်။
အယ်လီဂရီ ကတော့ ဗလာဟိုဗစ်က အသင်းမှာ ခက်ခဲတဲ့ အချိန်ကာလတွေကို ဖြတ်သန်းခဲ့ရပေမယ့် အသင်း အတွက် အရေးကြီးတဲ့ ကစားသမား ဖြစ်ကြောင်း၊ သူ့ကို အသင်းမှာ ဆက်ရှိနေလိုကြောင်း၊ ဒါပေမယ့် အရေးကြီးတဲ့ ဘဏ္ဍာရေး ပြဿနာနဲ့ ကြုံတွေ့နေရပြီး အသင်းရဲ့ ရည်မှန်းချက်က ဘဏ္ဍာရေး တည်ငြိမ်တဲ့ အသင်း တစ်သင်း ဖြစ်ကြောင်း ပြောကြားသွားခဲ့ပါတယ်။
အယ်လ်ဟီလာရဲ့ စိတ်ဝင်စားခြင်းခံနေရတဲ့ နာပိုလီ တိုက်စစ်မှူး အိုဆင်မ်ဟန်
အယ်လ်ဟီလာဟာ အဆိုပါ နိုင်ဂျီးရီးယား တိုက်စစ်မှူး အတွက် ပြောင်းရွှေ့ကြေး ယူရိုသန်း (၁၄၀) နဲ့ ကမ်းလှမ်းခဲ့သေးပေမယ့် ငြင်းဆန် ပယ်ချခံခဲ့ရပါတယ်။ ဒါပေမယ့် ဆော်ဒီကလပ် ဘက်က ပြီးခဲ့တဲ့ ရာသီမှာ စီးရီးအေရဲ့ ဂိုးသွင်းဘုရင် ဖြစ်ခဲ့တဲ့ အိုဆင်မ်ဟန် အတွက် လက်လျှော့သွားခဲ့ခြင်း မရှိပါဘူး။
အခုချိန်မှာတော့ အယ်လ်ဟီလာတို့ အိုဆင်မ်ဟန် အတွက် ပြောင်းရွှေ့ကြေး ယူရိုသန်း (၁၈၀) နဲ့ ကမ်းလှမ်းဖို့ ပြင်ဆင်နေပြီး နာပိုလီဥက္ကဌ ဒီလော်ရန်းတစ် ကလည်း ဒီပြောင်းရွှေ့ကြေး ပမာဏသာ ရရှိမယ် ဆိုရင် အိုဆင်မ်ဟန်ကို ရောင်းချသွားဖွယ် ရှိပါတယ်။
ပါတေး အတွက် ဆွေးနွေးမှုတွေ ပြုလုပ်နေတဲ့ ဂျူဗင်တပ်စ်
စီးရီးအေ ကလပ် ဂျူဗင်တပ်စ်ဟာ အာဆင်နယ်ရဲ့ ကွင်းလယ်လူ သောမတ်စ်ပါတေးကို ခေါ်ယူဖို့အတွက် ဆွေးနွေးမှုတွေ ပြုလုပ်လျက်ရှိကြောင်း သိရှိရပါတယ်။ ဂျူဗင်တပ်စ်ဟာ ပြီးခဲ့တဲ့ ဘောလုံးရာသီ ပြီးဆုံးချိန်ကတည်းက ပါတေးကို ခေါ်ယူဖို့ စိတ်ဝင်စားခဲ့ပြီး အခုချိန်မှသာ ပြန်လည် ကြိုးစားလာခဲ့တာပါ။
တူရင်မြို့ခံ ကလပ်ဟာ ပါတေးရဲ့ အေးဂျင့်၊ ကစားသမား တို့နဲ့ အတူ ဆွေးနွေးမှုတွေ ပြုလုပ်ခဲ့ပြီး အီတလီမြေကို ပြောင်းရွှေ့လာဖို့ ဖြစ်နိုင်ချေတွေကို စုံစမ်းခဲ့ကြပါတယ်။ အာဆင်နယ် ကလည်း လက်ရှိ နွေရာသီ အပြောင်းအရွှေ့မှာ ဒီကလန်ရိုက်စ်ကို ဗြိတိန် စံချိန်တင် ပြောင်းရွှေ့ကြေးနဲ့ ခေါ်ယူထားတာကြောင့် ပါတေးကို ပြန်လည် ရောင်းထုတ်သွားဖို့ ဆန္ဒရှိနေတယ်လို့ သတင်းတွေ ထွက်နေပါတယ်။ ဒါပေမယ့် နည်းပြ မီခဲလ် အာတေးတား ကတော့ အသင်းရဲ့ လူစာရင်း အတွက် မရှိမဖြစ် လိုအပ်နေတဲ့ ပါတေးကို ရောင်းထုတ်လိုခြင်း မရှိဘူးလို့ သိရပါတယ်။
ပါတေးကို ခေါ်ယူဖို့ အတွက် ဂျူဗင်တပ်စ် တစ်သင်းတည်းက စိတ်ဝင်စားနေတာ မဟုတ်ဘဲ ဆော်ဒီအာရေဗျလိဂ် ကလပ်တွေ ကလည်း ပါတေးကို ဆက်သွယ်မှုတွေ ပြုလုပ်ခဲ့ကြောင်း သိရှိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
