ဆော်ဒီပရိုလိဂ်ကလပ်အဲလ်အာလီကတော့ဘရာဇီးလ်ကြယ်ပွင့်ဗင်နီးစီးယပ်စ်ဂျူနီယာကိုအရခေါ်ယူချင်နေဆဲဖြစ်ပြီးမြင့်မားတဲ့ပြောင်းရွှေ့ကြေးနဲ့ကမ်းလှမ်းသွားဖို့အသင်းရှိနေကြောင်းသတင်းတွေကဖော်ပြပါတယ်။အဲလ်အာလီကရီးရဲလ်မက်ဒရစ်အတွက်ခြေစွမ်းပြနေတဲ့ဗင်နီးစီးယပ်စ်ကိုပြောင်းရွှေ့ကြေးယူရိုသန်း၃၅၀အထိအသုံးပြုသွားကာခေါ်ယူသွားဖို့စီစဉ်နေတာလည်းဖြစ်ပါတယ်။
ဆော်ဒီပရိုလိဂ်ကလပ်တွေကတော့ဓနအင်အားတောင့်တင်းတဲ့အသင်းတွေပီပီဥရောပထိပ်တန်းကစားသမားတွေကိုငွေပုံပေးခေါ်ယူဖို့ကြိုးပမ်းတတ်တဲ့အသင်းတွေဖြစ်ပါတယ်။ကမ္ဘာကျော်ကစားသမားတွေဖြစ်တဲ့ရော်နယ်ဒို၊နေမာ၊ဘန်ဇီမာ၊ဖေမီနို၊လာပေါ့တ်၊မီထရိုဗစ်တို့လိုကစားသမားကောင်းတွေခေါ်ယူထားနိုင်ပြီးမိုဟာမက်၊ဆာလာ၊အီဒါဆန်တို့အပြင်ဗင်နီးစီးယပ်စ်လိုကစားသမားမျိုးကိုပါခေါ်ယူနိုင်ဖို့နည်းမျိုးစုံနဲ့ကြိုးပမ်းနေကြတာဖြစ်ပါတယ်။
ဘရာဇီးလ်ကြယ်ပွင့်ဗင်နီးစီးယပ်စ်ကိုတော့ဆော်ဒီပရိုလိဂ်ကလပ်တွေဖြစ်တဲ့အဲလ်ဟီလာအဲလ်အစ်တီဟတ်တို့ကအစောပိုင်းအသည်းအသန်ခေါ်ယူချင်ခဲ့တာဖြစ်ပါတယ်။ဒါ့အပြင်အခုနောက်ဆုံးမှာတော့အဲလ်အာလီကစိတ်ဝင်အစားဆုံးဖြစ်လာပြီးဖေမီနို၊မာရက်ဇ်နဲ့တိုနေးတို့ကိုပိုင်ဆိုင်ထားပြီးနောက်မှာဗင်နီးစီးယပ်စ်ကိုပါသူတို့ရဲ့လူစာရင်းထဲပေါင်းထည့်ချင်နေတာဖြစ်ပါတယ်။
အဲလ်အာလီကဆော်ဒီပရိုလိဂ်ကလပ်တွေထဲမှာထိပ်တန်းကစားသမားတွေပိုင်ဆိုင်ထားတဲ့အသင်းဖြစ်ပေမယ့်အဓိကပြိုင်ဘက်တွေဖြစ်တဲ့အဲလ်ဟီလာ၊အဲလ်နာဆာနဲ့အဲလ်အစ်တီဟတ်တို့ကိုတော့မယှဉ်နိုင်ပဲဆုဖလားအောင်မြင်မှုတွေနဲ့လည်းဝေးကွာနေတဲ့အသင်းပါ။ဒါကြောင့်အဲလ်အာလီကအားလုံးအံ့အားသင့်သွားစေမယ့်ခေါ်ယူမှုအဖြစ်ဗင်နီးစီးယပ်စ်အတွက်ငွေအလုံးအရင်းအသုံးပြုဖို့ပြင်ဆင်နေတာဖြစ်ပါတယ်။
ဘောလုံးသတင်းထောက်ဘင်ဂျက်ကော့ဘ်ရဲ့ဖော်ပြချက်အရဆိုရင်အဲလ်အာလီကဗင်နီးစီးယပ်စ်အတွက်ယူရိုသန်း၃၅၀နဲ့လာမယ့်နွေရာသီမှာစတင်ကမ်းလှမ်းသွားမယ်လို့သိရပါတယ်။ဒါ့အပြင်အဲလ်အာလီကဗင်နီးစီးယပ်စ်ကိုမက်မောလောက်တဲ့လုပ်ခလစာတွေအပြင်အကျိုးခံစားခွင့်တွေနဲ့ပါစွဲဆောင်သွားဖို့ရှိနေတယ်လို့လည်းဖော်ပြထားပါတယ်။
ပြီးခဲ့တဲ့၂၀၂၄ခုနှစ်တုန်းကလည်းအဲလ်အာလီကဗင်နီးစီးယပ်စ်ကို၅နှစ်စာချုပ်အတွက်ယူရို၁ဘီလီယံအကုန်အကျခံကာကမ်းလှမ်းခဲ့ပါသေးတယ်။အဲလ်အာလီကဗင်နီးစီးယပ်စ်ကိုတစ်နှစ်လုပ်ခလစာယူရိုသန်း၂၀၀နှုန်းနဲ့၅နှစ်စာချုပ်ချုပ်ဆိုဖို့အတွက်ကမ်းလှမ်းခဲ့တာဖြစ်ပြီးဆော်ဒီနိုင်ငံကအိမ်ရှင်အဖြစ်လက်ခံကျင်းပခွင့်ရထားတဲ့၂၀၃၄ကမ္ဘာ့ဖလားပြိုင်ပွဲရဲ့သံတမန်တစ်ဦးအဖြစ်ခန့်အပ်သွားဖို့လည်းရည်ရွယ်ထားခဲ့တာဖြစ်ပါတယ်။ဒါပေမယ့်လည်းလာလီဂါထိပ်သီးကလပ်နဲ့၂၀၂၇ခုနှစ်အထိစာချုပ်ချုပ်ဆိုထားတဲ့ဗင်နီးစီးယပ်စ်ကအဆိုပါကမ်းလှမ်းမှုကိုချက်ချင်းပဲငြင်းဆန်ပယ်ချသွားခဲ့ပါတယ်။ဗင်နီးစီးယပ်စ်ဟာရီးရဲလ်မက်ဒရစ်နဲ့ယူရို၁ဘီလီယံတန်လျော်ကြေးစာချုပ်ချုပ်ဆိုထားသူဖြစ်ပြီးလာလီဂါကလပ်ဘက်ကကလည်းသူတို့ရဲ့အဖိုးတန်ကစားသမားကိုအလွယ်တကူလက်လွှတ်လိုခြင်းမရှိခဲ့ပါဘူး။
အကယ်၍အဲလ်အာလီဘက်ကနောက်တစ်ကြိမ်ကမ်းလှမ်းခဲ့ရင်လည်းဗင်နီကသူ့ရဲ့ကစားသမားဘဝကိုဥရောပထိပ်တန်းကလပ်မှာပဲဆက်လက်ဖြတ်သန်းသွားချင်နေတာကြောင့်ထပ်မံပယ်ချသွားဖို့များနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
