ပရီးမီးယားလိဂ် ကလပ် မန်ချက်စတာ ယူနိုက်တက် ကတော့ အသင်းရဲ့ တောင်ပံ ကစားသမား အလက်ဟန်ဒရို ဂါနာချိုကို ချဲလ်ဆီးထံ ရောင်းချဖို့ ဆွေးနွေးနေဆဲ ဖြစ်ပါတယ်။ တစ်ဆက်တည်း မှာပဲ ယူနိုက်တက်က ချဲလ်ဆီးမှာ ရုန်းကန်နေရတဲ့ ပြင်သစ် တိုက်စစ် ကစားသမား ခရစ္စတိုဖာ အန်ကွန်ကူရဲ့ အနာဂတ်နဲ့ ပတ်သတ်လို့ အသေးစိတ် ပြန်လည် မေးမြန်းထားခဲ့ကြောင်း သတင်းတွေ ထွက်ပေါ်လာပါတယ်။
အသက် ၂၇ နှစ် အရွယ် ပြင်သစ် တိုက်စစ် ကြယ်ပွင့် အန်ကွန်ကူက ယူနိုက်တက်ရဲ့ ပစ်မှတ်ဟောင်းလည်း ဖြစ်ပြီး လိုက်ပ်ဇစ်မှာ ကစားခဲ့စဉ် ကတည်းက ယူနိုက်တက်က ခေါ်ယူချင်ခဲ့တာပါ။ ဒါ့အပြင် အပြောင်းအရွှေ့ ရာသီ ရောက်တိုင်း ပရီးမီးယားလိဂ် ကလပ်နဲ့ သတင်းတွေ မကြာခဏ ထွက်ပေါ်ခဲ့သူလည်း ဖြစ်ပါတယ်။ အန်ကွန်ကူက ပြီးခဲ့တဲ့ ၂ဝ၂၃ ခုနှစ် နွေရာသီ ကမှ ချဲလ်ဆီးကို ပေါင် ၅၂ သန်းနဲ့ ပြောင်းရွှေ့လာခဲ့သူ ဖြစ်ပါတယ်။ အန်ကွန်ကူဟာ လိုက်ပ်ဇစ်မှာ စွမ်းဆောင်ရည်ကောင်းတွေ ပြသနိုင်ခဲ့ပေမယ့် ချဲလ်ဆီးကို ရောက်ရှိချိန် ကတည်းက ရုန်းကန်ခဲ့ရတာ ဖြစ်ပါတယ်။ အန်ကွန်ကူဟာ ဒူးဒဏ်ရာ ခွဲစိတ်မှု လုပ်ဆောင်ခဲ့ရပြီး ပြီးခဲ့တဲ့ ဒီဇင်ဘာလ ကမှ စတင် ကစားနိုင်ခဲ့သလို နောက်ပိုင်း မှာလည်း တံကောက်ကြောနဲ့ တင်ပါးစုံ ဒဏ်ရာတွေကြောင့် စုစုပေါင်း ရက်ပေါင်း ၂၀၀ နီးပါးအထိ အနားယူခဲ့ရပါသေးတယ်။ နည်းပြ အန်ဇို မာရက်စ်ကာ ကလည်း အန်ကွန်ကူ ပြန်ကောင်းလာချိန်မှာ နီကိုးလပ်စ် ဂျက်ဆင်၊ မာဒူအီခီနဲ့ ဆန်ချို တို့ကိုသာ ပွဲထွက် ကစားခွင့် ပိုပေးနေပါတယ်။ ဒါကြောင့် အခုလို အခြေအနေကို အန်ကွန်ကူ တစ်ယောက် စိတ်ပျက်နေပြီး သူ့ရဲ့ အနာဂတ်နဲ့ ပတ်သက်ပြီးတော့လည်း သတင်းတွေ တောက်လျှောက် လှုပ်ခတ်နေတာ ဖြစ်ပါတယ်။
အခုနောက်ဆုံး ရရှိတဲ့ သတင်းတွေ အရ ဆိုရင် အန်ကွန်ကူကို ဘေယန်မြူးနစ်နဲ့ ပရီးမီးယားလိဂ် ကလပ် ယူနိုက်တက် တို့ကပါ ခေါ်ယူချင်နေတယ်လို့ သိရပါတယ်။ ဒါပေမယ့် ချဲလ်ဆီးက ဂါနာချိုကို ခေါ်ယူချင်တာကြောင့် အန်ကွန်ကူကို ယူနိုက်တက်ဆီ ပြန်လည် စေလွှတ်ဖို့ များနေကာ ဘေယန်မြူးနစ်ထက် ယူနိုက်တက်ဆီ ရောက်နိုင်ချေ ပိုများနေတာ ဖြစ်ပါတယ်။
ယူနိုက်တက် ကတော့ လက်ရှိ ဆောင်းရာသီ ဈေးကွက်မှာပဲ အသင်းရဲ့ တောင်ပံကစားသမားတွေ ဖြစ်တဲ့ အလက်ဟန်ဒရို ဂါနာချိုနဲ့ အန်တိုနီ တို့ ၂ ဦးစလုံးကို လက်လွတ်ရနိုင်ချေ ရှိနေနိုင်တာကြောင့် သူတို့ရဲ့ နေရာမှာ ပြန်လည် အစားထိုးဖို့ အတွက် တိုက်စစ် ကစားသမား တစ်ဦးကို မဖြစ်မနေ ပြန်လည် အင်အား ဖြည့်တင်းဖို့ လိုအပ်နေပါတယ်။ လတ်တလောမှာ ယူနိုက်တက်က ဘယ်နောက်ခံလူ နေရာ အတွက် လက်ချီက ပက်ထရစ် ဒေါဂူကို အားစိုက် ကြိုးပမ်းနေပါတယ်။
အခု ESPN ရဲ့ ဖော်ပြချက် အရတော့ ယူနိုက်တက်က ဂါနာချိုကို ချဲလ်ဆီးဆီ ရောင်းချဖို့ ဆွေးနွေးနေတုန်းမှာပဲ အန်ကွန်ကူကို ပြန်လည် ခေါ်ယူဖို့ပါ စိတ်ဝင်စားလာခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
