ပရီးမီးယားလိဂ် ထိပ်သီး မန်ချက်စတာယူနိုက်တက် ကတော့ မထင်မှတ်ထားတဲ့ ကစားသမား ခေါ်ယူမှုတွေ ပြုလုပ်ဖို့ ရှိနေပြန်ပါတယ်။ ယူနိုက်တက်ဟာ သူတို့ အသင်းရဲ့ ကစားသမား ဖြစ်ခဲ့ဖူးတဲ့ စပိန် ဘယ်နောက်ခံလူ ဆာဂျီယို ရက်ဂီလွန်းကို ဒီနွေမှာပါ ထပ်မံ ခေါ်ယူသွားဖို စိတ်ဝင်စားနေတယ်လို့ စပိန် အခြေစိုက် AS သတင်းဌာနက ဖော်ပြလာခဲ့တာ ဖြစ်ပါတယ်။
ယူနိုက်တက်ဟာ ပြီးခဲ့တဲ့ ရာသီက ဘယ်နောက်ခံလူတွေ ဖြစ်တဲ့ လုခ်ရှောနဲ့ တိုက်ရဲလ် မလာစီယာတို့ ဒဏ်ရာ ပြသာနာကြောင့် အနားယူနေရချိန်မှာ ဘယ်ခြမ်း ခံစစ် အတွက် ရက်ဂီလွန်းကို အငှားနဲ့ ခေါ်ယူခဲ့တာ ဖြစ်ပါတယ်။ ရက်ဂီလွန်းဟာ ယူနိုက်တက် အတွက် ရာသီဝက်အတွင်း ပြိုင်ပွဲစုံ ၁၂ ပွဲ ပါဝင်ကစားပေးပြီး ပွဲထွက်ခွင့်ရချိန်တိုင်းမှာလည်း အင်တိုက် အားတိုက် ကစားပေးခဲ့သူ ဖြစ်ပါတယ်။ ဒါပေမယ့် ယူနိုက်တက်က ရက်ဂီလွန်းကို စပါးနဲ့ အငှားစာချုပ်ချုပ်ဆိုချိန်မှာ စာချုပ်ဖျက်သိမ်းခွင့် ကိုပါ ထည့်သွင်း ချုပ်ဆိုထားခဲ့ပါတယ်။ ဒါကြောင့် လုခ်ရှော ဒဏ်ရာ ကနေ ပြန်လည် သက်သာလာချိန်လောက်မှာပဲ ရက်ဂီလွန်းကို အငှား စာချုပ် ဖျက်သိမ်းပြီး စပါး အသင်းထံ ပြန်လည် စေလွှတ်ခဲ့ပါတယ်။ ဒါပေမယ့်လည်း ရက်ဂီလွန်းဟာ စပါးမှာလည်း ပွဲထွက်ခွင့်မရခဲ့လို့ လက်ကျန် ရာသီဝက်ကို ဘရန့်ဖို့ဒ်မှာ အငှားနဲ့ ထပ်မံ ဖြတ်သန်းခဲ့ရပါတယ်။
ရက်ဂီလွန်းကို စပါးက ရည်ရွယ်ချက်ရှိရှိနဲ့ ခေါ်ယူခဲ့ပေမယ့် မကြာခဏ ဆိုသလို ပြောင်းလဲနေတဲ့ နည်းပြတွေကြောင့် ကစားသမားက အက်တလက်တီကိုမက်ဒရစ်နဲ့ ယူနိုက်တက်၊ ဘရန့်ဖိုဒ် အသင်းတွေဆီ အငှားထွက်ကစားခဲ့ရပါတယ်။ လက်ရှိမှာ ပရီးမီးယားလိဂ် ကလပ်နဲ့ ရက်ဂီလွန်းရဲ့ အနာဂတ်က မသေချာတော့လို့ ဒီနွေမှာပဲ လန်ဒန် ကလပ်ကို စွန့်ခွာမယ်လို့ သတင်းတွေ ထွက်ပေါ်နေတာပါ။ ရက်ဂီလွန်းက လာမယ့် ၂၀၂၅ မှာ စပါးနဲ့ စာချုပ်သက်တမ်း ကုန်ဆုံးတော့မှာ ဖြစ်ပြီး ရက်ဂီလွန်းကို ခေါ်ယူချင်တဲ့ အသင်းတွေ အနေနဲ့ ပြောင်းရွှေ့ကြေး သက်သက်သာသာနဲ့ ခေါ်ယူနိုင်မှာ ဖြစ်ပါတယ်။
ဒီလို အခြေအနေ ရှိတဲ့ ရက်ဂီလွန်းကို လာလီဂါ ကလပ်တွေ အပြင် ပရီးမီးယားလိဂ် ကလပ် ယူနိုက်တက်ကပါ စိတ်ဝင်စားလာတာ ဖြစ်ပြီး မကြာခဏဆိုသလို ဒဏ်ရာရနေတဲ့ လုခ်ရှော နေရာ အတွက် စဉ်းစားနေပုံရပါတယ်။ ဒါ့အပြင် နောက်ထပ် ဘယ်နောက်ခံလူ တစ်ဦး ဖြစ်တဲ့ မလာစီယာ ကလည်း ပြီးခဲ့တဲ့ တစ်ရာသီလုံး ဒဏ်ရာ ပြသာနာနဲ့ အနားယူနေရလို့ ရက်ဂီလွန်းကို အရန် အနေနဲ့ ထားဖို့ ထပ်မံ စဉ်းစားလာတာ ဖြစ်ပါတယ်။
အကယ်၍ ယူနိုက်တက်သာ ဒီကစားသမားကို အမှန်တကယ် ခေါ်ယူမယ် ဆိုရင်တော့ ယူရို (၁၀) သန်း လောက်နဲ့ ပိုင်ဆိုင်ရဖို့ ရှိနေပါတယ်။ ကစားသမားရဲ့ ဆုံးဖြတ်ချက် ကလည်း အဓိက ကျနေပြီးတော့ စပိန်သား အနေနဲ့ သူ့ကို စာချုပ်ဖျက်ခဲ့တဲ့ အသင်းဆီ ပြန်သွားပါ့မလား ဆိုတာတော့ စောင့်ကြည့်ရမှာ ဖြစ်ပါတယ်။ သူကိုယ်တိုင် ကတော့ အိုးထရက်ဖို့ဒ်မှာ ပျော်ရွှင်တဲ့ အချိန်တွေ ရှိခဲ့တယ်လို့ ဖွင့်ဟထားဘူးပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
