ပရီးမီးယားလိဂ်အပါအဝင်ဥရောပထိပ်တန်းလိဂ်တွေရဲ့အပြောင်းအရွှေ့နဲ့စိတ်ဝင်စားဖွယ်သတင်းတွေကိုဖော်ပြပေးသွားမှာဖြစ်ပါတယ်။
ပရီးမီးယားလိဂ်ကလပ်မန်ချက်စတာယူနိုက်တက်ကတော့လိုက်ပ်ဇစ်တိုက်စစ်မှူးဘင်ဂျာမင်ဆက်စ်ကိုကိုပေါင်သန်း၅၀ထက်ပိုမပေးချင်တာကြောင့်စိတ်ဝင်စားမှုကိုအဆုံးသတ်လိုက်ပြီဖြစ်ပါတယ်။လိုက်ပ်ဇစ်ကတော့အာဆင်နယ်ရဲ့ပစ်မှတ်ဖြစ်တဲ့ဆလိုဗေးနီးယားတိုက်စစ်မှူးကိုအနည်းဆုံးပေါင်သန်း၆၀နဲ့ရောင်းချဖို့စီစဉ်နေတယ်လို့လည်းသိရပါတယ်။
ဒါ့အပြင်ယူနိုက်တက်ဟာလိုက်ပ်ဇစ်ဘက်ကယူရိုသန်း၈၀ (ပေါင်၆၆.၉သန်း) ဈေးနှုန်းသတ်မှတ်ထားတဲ့နယ်သာလန်ကွင်းလယ်လူဇာဗီဆိုင်မွန်ကိုလည်းလက်လျှော့လိုက်ပြီလို့သိရပါတယ်။ဒါကြောင့်ကောလာဟလတွေကြားကနေယူနိုက်တက်ကိုရောက်ရှိလာနိုင်တဲ့တစ်ဦးတည်းသောကစားသမားကစပို့တင်းလစ္စဘွန်းတောင်ပံကစားသမားဖရန်စစ်စကိုထရင်ကာအိုဖြစ်ပြီးဒီကစားသမားကိုတော့နည်းပြရူဘင်အမော်ရင်ကိုယ်တိုင်ကခေါ်ယူဖို့စိတ်အားထက်သန်နေတယ်လို့သိရပါတယ်။
တချို့သောသတင်းတွေမှာတော့ဘုန်းမောက်တောင်ပံကစားသမားဂျက်စတင်ကလွိုင်ဗက်ဟာယူနိုက်တက်ရဲ့ပစ်မှတ်အသစ်ဖြစ်လာကြောင်းဖော်ပြလျက်ရှိနေပါတယ်။
ကမ္ဘာ့ကျော်ဘောလုံးသမားလီယွန်နယ်မက်ဆီကတော့မေဂျာလိဂ်ကလပ်တစ်ခုခုမှာကစားသမားဖို့နီးစပ်နေတဲ့ပေါ့ဘာအားခေါ်ယူဖို့အင်တာမိုင်ယာမီအသင်းကိုတိုက်တွန်းလိုက်တယ်လို့သိရပါတယ်။သူကိုယ်တိုင်ကတော့အင်တာမိုင်ယာမီနဲ့စာချုပ်သက်တမ်းကုန်ဆုံးချိန်မှာအမေရိကန်မြေကိုစွန့်ခွာပြီးအသင်းဟောင်းဘာစီလိုနာသို့မဟုတ်အာဂျင်တီးနားကလပ်တစ်ခုမှာကစားဖို့ပြင်ဆင်နေတယ်လို့သိရပါတယ်။
နောက်ဆုံးရရှိတဲ့သတင်းတွေမှာတော့အင်္ဂလန်ညာနောက်ခံလူထရန့်အလက်ဇန္တားအာနိုးလ်ဟာရီးရဲလ်မက်ဒရစ်ကိုမြင့်မားတဲ့လုပ်ခလစာတွေနဲ့ပြောင်းရွှေ့တော့မှာဖြစ်ကြောင်းဖော်ပြလျက်ရှိပါတယ်။ဒါကြောင့်လစ်ဗာပူးလ်ကအာနိုးလ်နေရာမှာအစားထိုးဖို့ညာနောက်ခံလူတစ်ဦးအလျင်အမြန်ရှာဖွေခဲ့ပြီးလေဗာကူဆင်ကဂျရမီဖရင်မ်ပေါင်အနေနဲ့ဒီနွေရာသီမှာအန်ဖီးလ်ကိုရောက်ရှိလာမည်ဖြစ်ကြောင်းDefensa Central ကဖော်ပြပါတယ်။
ဂါလာတာဆာရေးကတော့သူတို့စိတ်ဝင်စားနေတဲ့မန်စီးတီးကွင်းလယ်လူအိုင်ခေးဂွန်ဒိုအန်ကိုခေါ်ယူနိုင်တော့မှာဖြစ်ကြောင်းသိရပါတယ်။တူရကီကလပ်ဟာဒီကစားသမားကိုမန်စီးတီးမှာပေးချေခဲ့တဲ့လုပ်ခလစာအတိုင်းပေးချေမှာဖြစ်ပြီးတော့နှစ်နှစ်စာချုပ်ချုပ်ဆိုသွားမယ်လို့သိရပါတယ်။
ပရီးမီးယားလိဂ်ကလပ်မန်ချက်စတာစီးတီးကတော့တိုရီနိုဂိုးသမားဗန်ဂျာမီလင်ကိုဗစ်ဆာဗစ်ကိုနွေရာသီပစ်မှတ်စာရင်းမှာထည့်သွင်းလိုက်ကြောင်းTuttosportကဖော်ပြပါတယ်။
အင်တာမီလန်ကတော့နွေရာသီအပြောင်းအရွှေ့မှာချဲလ်ဆီးနောက်ခံလူဂျော့ရှ်အာချင်မ်ပေါင်ကိုခေါ်ယူဖို့ကင်းထောက်တွေစေလွှတ်ထားကြောင်းသိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
