ပရီးမီးယားလိဂ် ကလပ် မန်ချက်စတာယူနိုက်တက် ကတော့ လာမယ့် နွေရာသီမှာ အသင်းရဲ့ ကစားသမား အနည်းဆုံး ၁၀ ဦးလောက်နဲ့ လမ်းခွဲဖွယ် ရှိနေကြောင်း Manchester Evening News က ဖော်ပြလာခဲ့ပါတယ်။ ယူနိုက်တက်ဟာ လာမယ့်ရာသီမှာ အသင်းကို ပြုပြင်ပြောင်းလဲမှု များစွာ ပြုလုပ်ဖို့ ရှိနေပြီး အသင်း အတွက် အကျိုးမပြုနိုင်တဲ့ ကစားသမား တော်တော်များများကို ရှင်းထုတ်ဖို့ စီစဉ်ထားတာ ဖြစ်ပါတယ်။
ယူနိုက်တက်ဟာ ဒီရာသီမှာ နည်းပြ အဲရစ်ခ် တန်ဟက်ဂ်ကို ထုတ်ပယ်ခဲ့ပြီးတော့ လူငယ် နည်းပြ ရူဘင် အမော်ရင်နဲ့ အစားထိုးခဲ့ပေမယ့် လက်ရှိ အချိန်ထိတော့ ယူနိုက်တက်က ရုန်းကန်နေရဆဲ ဖြစ်ပါတယ်။ ဒါကြောင့် လာမယ့် နွေရာသီမှာ ပြုပြင်ပြောင်းလဲမှုတွေ ပြုလုပ်သွားဖို့ စီစဉ်နေပြီး အသင်းရဲ့ ပူးတွဲ ပိုင်ရှင် ဆာဂျင်မ် ရက်ကလစ်ဖ်က ပရီးမီးယားလိဂ် ချန်ပီယံဆုကို လာမယ့် ၃ နှစ် အတွင်း ပြန်လည် ရယူနိုင်ဖို့ ရည်မှန်းထားပါတယ်။ ဒါကြောင့် ယူနိုက်တက်က ဒီနှစ်ပိုင်း အတွင်းမှာ အကြီးစား ပြင်ဆင်မှုတွေ ပြလုပ်သွားဖို့ ရှိနေတာ ဖြစ်ပါတယ်။
အဓိက ကတော့ ယူနိုက်တက်ဟာ ထိပ်တန်း ကစားသမားသစ် များစွာ ခေါ်ယူ အားဖြည့်ဖို့ ရည်ရွယ်ထားပြီး နည်းပြ ရူဘင် အမော်ရင်ရဲ့ နည်းစနစ်နဲ့ မကိုက်ညီတဲ့ လက်ရှိ အသင်းမှာ ရှိတဲ့ ကစားသမား တော်တော်များများနဲ့ လမ်းခွဲဖို့ စီစဉ်နေတာ ဖြစ်ပါတယ်။ သတင်းတွေ အရ ဆိုရင်တော့ လက်ရှိ ကစားသမားတွေထဲမှ ဂျွန်နီ အီဗန်စ်နဲ့ တွမ် ဟီတန် တို့ကတော့ လာမယ့် နွေရာသီမှာ ကစားသမား ဘဝ ကနေ အနားယူတောမှာ ဖြစ်ပြီး ခရစ္စတီယန် အဲရစ်ခ်ဆင်နဲ့ ဗစ်တ လင်ဒီလော့ဖ် တို့ကတော့ စာချုပ် သက်တမ်း ကုန်ဆုံးမှာ ဖြစ်ပါတယ်။
ယူနိုက်တက်ဟာ အဲဒီ ကစားသမား ၄ ဦးနဲ့ သေချာပေါက် လမ်းခွဲမှာ ဖြစ်ပြီး လက်ရှိအချိန်မှာ အငှားချထားတဲ့ မားကပ်စ် ရက်ရှ်ဖို့ဒ်၊ အန်တိုနီနဲ့ ဂျေဒန် ဆန်ချို တို့ကိုလည်း အသင်းမှာ ပြန်လည် နေရာပေးလိုခြင်း မရှိတော့တဲ့ အတွက် အပြီးသတ် ရောင်းထုတ်ဖို့ ဆုံးဖြတ်ထားကြောင်း သိရပါတယ်။ နည်းပြ ရူဘင် အမော်ရင် ကတော့ အသင်းရဲ့ နေရာစုံမှာ အားဖြည့်မှုတွေ ပြုလုပ်ဖို့ ဆန္ဒ ပြင်းပြနေပြီး ဂိုးသမားသစ် တစ်ဦး၊ တောင်ပံကစားသမား တစ်ဦးနဲ့ တိုက်စစ်မှူး တစ်ဦး တို့ဟာ အမော်ရင် အလိုအရှိဆုံး ကစားသမားတွေ ဖြစ်ပါတယ်။
ယူနိုက်တက်ဟာ ဒီရာသီမှာ ယူရိုပါလိဂ် ဖလား မရယူနိုင်ခဲ့ရင် ချန်ပီယံလိဂ် ဝင်ခွင့်နဲ့ လွဲချော်မှာ ဖြစ်ပြီး ဝင်ငွေလည်း လျော့ကျသွားမှာ ဖြစ်ပါတယ်။ ဒါ့အပြင် ထိပ်တန်း ကစားသမား တော်တော်များများဟာ ချန်ပီယံလိဂ် ကစားချင်ကြတာကြောင့် ယူနိုက်တက် အနေနဲ့ ကစားသမား ခေါ်ယူရာမှာ အခက်အခဲ ရှိနိုင်ပါတယ်။ ကစားသမားသစ်တွေ ခေါ်ယူဖို့လည်း အသင်းမှာ ရှိတဲ့ ကစားသမားတွေကို ဦးစွာ ရောင်းထုတ်ကာ အသုံးစရိတ် ရှာဖွေရမယ့် အခြေအနေ ဖြစ်ပါတယ်။ လက်ရှိ မှာတော့ ကစားသမား အများစုဟာ ယူနိုက်တက်မှာ အနာဂတ် မသေချာ မရေမရာ ဖြစ်နေခဲ့ပြီလည်း ဖြစ်ပါတယ်။
ယူနိုက်တက်ဟာ ပရီးမီးယားလိဂ် ပွဲစဉ် ၂၉ ပွဲ ကစားပြီးချိန်မှာ ရမှတ် ၃၇ မှတ်နဲ့ အမှတ်ပေးဇယား အဆင့် ၁၃ နေရာမှာ ရပ်တည်နေပါတယ်။ ယူနိုက်တက်ဟာ ပရီးမီးယားလိဂ် လက်ကျန် ပွဲစဉ်တွေ အဖြစ်တော့ ခက်ခဲတဲ့ အသင်းတွေနဲ့ ရင်ဆိုင်ကစားရဦးမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
