ဒီတစ်ခါ မှာတော့ ဩဂုတ်လ ၃၁ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
ချဲလ်ဆီးမှာ ခြေစွမ်းမပြနိုင်တဲ့ ကူကူရယ်လာကို လိုချင်နေတဲ့ တန်ဟက်ဂ်
မန်ချက်စတာယူနိုက်တက် နည်းပြ အဲရစ် တန်ဟက်က ပရီးမီးယားလိဂ် ပြိုင်ဘက် ချဲလ်ဆီးမှာ နေရာမရဖြစ်နေတဲ့ နောက်ခံလူ မာ့စ် ကူကူရယ်လာကို ပစ်မှတ်ထားလာခဲ့ပါတယ်။ လုခ်ရှောဟာ ပြီးခဲ့တဲ့ အပတ်မှာ ရရှိခဲ့တဲ့ ကြွက်သားဒဏ်ရာကြောင့် နိုဝင်ဘာလ အထိ အနားယူရတော့မှာ ဖြစ်ပါတယ်။
ချဲလ်ဆီး နောက်ခံလူ ကူကူရယ်လာ၊ စပါးစ်နောက်ခံလူ ရီဂူလွန်၊ ဘာစီလိုနာ နောက်ခံလူ မားကို့စ် အလွန်ဆိုတို့ အားလုံးဟာ တန်ဟက်ဂ်ရဲ့ ပစ်မှတ် စာရင်းထဲမှာ ပါဝင်ခဲ့တာ ဖြစ်ပြီး စတန်းဖို့ဒ်ဘရစ်ချ်မှာ ခြေစွမ်းမပြသနိုင်တာကြောင့် နေရာမရ ဖြစ်နေတဲ့ စပိန် နောက်ခံလူကို စိတ်ဝင်စားမှုက အများစု အတွက် အံ့အားသင့်စရာ ဖြစ်ခဲ့တာ ဖြစ်ပါတယ်။
ဒါပေမယ့်လည်း ဂျရတ် ရိုမဲရိုးရဲ့ ပြောကြားချက်အရ အဲရစ်ခ် တန်ဟက်ဂ်ဟာ ကူကူရယ်လာကို ကာလရှည် သဘောကျ နှစ်သက်နေခဲ့တာ ဖြစ်ပြီး ၂၀၂၀ ဖေဖော်ဝါရီတုန်းက ယူရိုပါလိဂ်မှာ ဂီတာဖေးနဲ့ ကစားခဲ့တဲ့ ပွဲစဉ်ကတည်းက အဲဒီအချိန်တုန်းက အေဂျက်စ် နည်းပြ ဖြစ်ခဲ့တဲ့ မန်ယူနိုက်တက် နည်းပြနဲ့ ၎င်းရဲ့ နည်းပြ အဖွဲ့ဝင်တွေက အသက် ၂၅ နှစ် အရွယ် နောက်ခံလူကို သဘောကျခဲ့တာလို့ သိရပါတယ်။
ဗာရန်း ကိုပါ ထပ်မံ ဆုံးရှုံးခဲ့ရတဲ့ မန်ယူနိုက်တက်
မန်ချက်စတာယူနိုက်တက်ဟာ မေဆန် မောင့်ကို ဒဏ်ရာကြောင့် ဆုံးရှုံးခဲ့ရပြီးနောက် နောက်ထပ် အဓိက ကစားသမား တစ်ဦး ဖြစ်တဲ့ ရာဖေးလ် ဗာရန်း ကိုပါ မဖော်ပြနိုင်တဲ့ ဒဏ်ရာကြောင့် ရက်သတ္တပတ် အနည်းငယ် ဆုံးရှုံးရမှာ ဖြစ်တယ်လို့ ယနေ့မှာ အတည်ပြုခဲ့ပါတယ်။
ဗာရန်းဟာ နော်တင်ဟမ်ဖောရက်စ်ကို ၃-၂ နဲ့ အနိုင်ရခဲ့တဲ့ ပရီးမီးယားလိဂ် ပွဲစဉ်မှာ ပထမပိုင်း အပြီးမှာပဲ လူစားလဲခံခဲ့ရတာ ဖြစ်ပါတယ်။ လုခ်ရှောနဲ့ မေဆန် မောင့် တို့ကို ရာသီအဖွင့် ရက်သတ္တပတ်မှာပဲ ဒဏ်ရာကြောင့် ဆုံးရှုံးခဲ့ရပြီး ဖြစ်ပါတယ်။
ဗာရန်းရဲ့ ဒဏ်ရာကြောင့် မန်ချက်စတာယူနိုက်တက်ဟာ ဗဟိုခံစစ်နေရာ အတွက် လင်ဒီလော့ဖ်နဲ့ မက်ဂွိုင်းယား တို့သာ ရွေးချယ်စရာ ရှိတော့တာ ဖြစ်ပြီး လာမယ့် အပတ်မှာ အာဆင်နယ် အိမ်ကွင်းကို သွားရောက်ယှဉ်ပြိုင်ရမယ့်ပွဲ မတိုင်ခင် သတင်းဆိုးကို ကြားခဲ့ရတာ ဖြစ်ပါတယ်။
ဗန်ဒိုက်ခ် ဘယ်လောက်ကြာကြာ ပွဲပယ်ခံရနိုင်သလဲ ဆိုတာ သဲလွန်စပေးခဲ့တဲ့ ပရီးမီးယားလိဂ်
ပရီးမီးယားလိဂ်ဟာ တနင်္ဂနွေနေ့က နယူးကာဆယ်နဲ့ ပွဲစဉ်မှာ အနီကတ် ပြသခံခဲ့ရတဲ့ ဗာဂျယ် ဗန်ဒိုက်ခ် အနေနဲ့ ဘယ်လောက် အထိ ပွဲပယ်ခံရနိုင်လဲ ဆိုတာကို သဲလွန်စပေးခဲ့ပါတယ်။
အသက် ၃၂ နှစ် အရွယ် နောက်ခံလူဟာ ဒိုင်လူကြီးရဲ့ ဆုံးဖြတ်ချက်ကို ဒေါသတကြီးနဲ့ တုံ့ပြန်ခဲ့ပြီးနောက် VAR က ဆုံးဖြတ်ချက်ကို ပြန်မပြင်ဖို့ ဆုံးဖြတ်ခဲ့ချိန်မှာ ပိုလို့တောင် ဒေါသထွက်ခဲ့တာ ဖြစ်ပါတယ်။ ဗန်ဒိုက်ခ်ဟာ ဒိုင်လူကြီး ဘရွတ်ခ်စ်ကို လက်ညှိုး ငေါက်ငေါက်ထိုးပြီး ကွင်းထဲကနေ ထွက်ခွာဖို့ ငြင်းဆန်ပြီးနောက် ဆက်လက် စောဒကတက်နေခဲ့တာ ဖြစ်ပြီး ပြီးတဲ့နောက်မှသာ ကွင်းထဲကနေ ထွက်သွားခဲ့တာ ဖြစ်ပါတယ်။
ဒတ်ချ် နောက်ခံလူဟာ ယခုရာသီမှာ စည်းမျဉ်းသစ်တွေနဲ့ အကာအကွယ်ပေးမှုတွေ ပိုမိုရရှိထားတဲ့ ဒိုင်လူကြီးကို ဒေါသတကြီး တုံ့ပြန်ခဲ့တဲ့ အတွက် အက်ဖ်အေရဲ့ နောက်ထပ် ပွဲပယ် ပြစ်ဒဏ် ချမှတ်ခံရနိုင်တယ်လို့ သတင်းတွေ ထွက်ပေါ်ခဲ့ပြီးနောက် လက်ရှိ မှာတော့ ပရီးမီးယားလိဂ်က လစ်ဗာပူးလ် ကြယ်ပွင့် အနေနဲ့ ဘယ်လောက်ကြာကြာ ပွဲပယ်ခံရနိုင်လဲ ဆိုတာကို သဲလွန်စပေးခဲ့ပြီ ဖြစ်ပါတယ်။ ရှင်းလင်းတဲ့ ဂိုးသွင်းခွင့်ကို ငြင်းပယ်မှုကြောင့် ပြသတဲ့ တိုက်ရိုက် အနီကတ် အတွက် ပရီးမီးယားလိဂ်မှာ သတ်မှတ်ထားတဲ့ စံနှုန်းအရ ၁ ပွဲပယ်ခံရမှာ ဖြစ်ပြီး ပြင်းထန်တဲ့ အပြုအမူ သို့မဟုတ် အန္တရာယ်ရှိတဲ့ ဖျက်ထုတ်မှု ဖြစ်ရင်တော့ ၃ ပွဲနဲ့ ၃ ပွဲနဲ့ အထက် ပွဲပယ်ခံရနိုင်ပါတယ်။
အနီကတ်ပြသခံရပြီးနောက် နောက်ဆက်တွဲ အငြင်းပွားမှုက ၂ ပွဲပယ် ပြစ်ဒဏ် ကျခံရနိုင်တယ်လို့ စည်းမျဉ်းထဲမှာ ဖော်ပြထားပါတယ်။ ဒါပေမယ့်လည်း ပရီးမီးယားလိဂ်ရဲ့ တရားဝင် ဖန်တက်ဆီ ဝက်ဘ်ဆိုက် မှာတော့ ဗန်ဒိုက်ခ်ကို စက်တင်ဘာ ၁၆ ရက်နေ့ အထိ ပွဲပယ်စာရင်းထဲမှာ ထည့်သွင်းထားတာ ဖြစ်ပါတယ်။ ဒီကြားထဲမှာ နိုင်ငံတကာပွဲစဉ် အားလပ်ရက် ရှိသေးတာ ဖြစ်ပြီး လစ်ဗာပူးလ်ဟာ တနင်္ဂနွေနေ့မှာ အက်စတွန်ဗီလာကို အိမ်ကွင်းမှာ လက်ခံ ယှဉ်ပြိုင်သွားရမှာ ဖြစ်ပြီး ဗန်ဒိုက်ခ်ဟာ အဲဒီပွဲကို ပွဲပယ်ပြစ်ဒဏ်ကြောင့် ကျိန်းသေပေါက် လွဲချော်နိုင်ပြီး အသက် ၃၂ နှစ် အရွယ် ကစားသမားဟာ တစ်ပွဲပယ် ပြစ်ဒဏ်ကြောင့် စက်တင်ဘာ ၁၆ ရက်နေ့ ဝုဗ် အိမ်ကွင်းကို သွားရောက်ရမယ့် ပွဲစဉ်မှ ပြန်လည် ပါဝင်ကစားပေးနိုင်မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
