ချဲလ်ဆီးဟာ ညက ကစားခဲ့တဲ့ အင်္ဂလန် ပရီးမီးယားလိဂ် ပွဲစဉ် ဖြစ်တဲ့ တော့တင်ဟမ်ဟော့စပါး-ချဲလ်ဆီးပွဲ ကတော့ တကယ်ကို ပြောစရာတွေ အများကြီးပါပဲ။
ပွဲရလဒ် ကတော့ ၁-၄ နဲ့ ချဲလ်ဆီးက အဝေးကွင်းမှာ အနိုင်ရခဲ့ပြီး စပါးရဲ့ ဒီရာသီ ရှုံးပွဲမရှိစံချိန်ကို ချိုးဖျက်လိုက်ပါတယ်။ အသင်းဟောင်းကို ပိုချက်တီနို အနေနဲ့ အနိုင်ရရှိခဲ့တာ ဖြစ်ပြီး စပါးတို့ ရှုံးချက်နာခဲ့ရပါတယ်။ ဒီပွဲစဉ် အနှစ်ချုပ်ကို ကြည့်ရင် ဒီလိုပဲ ရှင်းရှင်းလင်းလင်း မြင်ရပါလိမ့်မယ်။
၁၄ မိနစ် – ဆွန်ဟောင်မင်ရဲ့ ဂိုး ပယ်ဖျက်ခံရ
၂၁ မိနစ် – စတာလင်ရဲ့ဂိုး ပယ်ဖျက်ခံရ
၂၈ မိနစ် – ကိုင်စီဒိုရဲ့ဂိုး ပယ်ဖျက်ခံရ
၃၃ မိနစ် – ရိုမဲယိုအနီကတ်ထိ
၃၅ မိနစ် – ပယ်လ်မာ ပင်နယ်တီကတဆင့် ဂိုးသွင်း
၃၇ မိနစ် – နစ်ကလပ်ဂျက်ဆန်ရဲ့ ဂိုး ပယ်ဖျက်ခံရ
၄၁ မိနစ် – အန်ဂီ အဝါထိ
နာကျင်အချိန်ပို ၁၂မိနစ်ထိ ပေး
၅၄ မိနစ် – အူဒိုဂီ အနီကတ်
၇၅ မိနစ် – ဂျက်ဆန် ဂိုးသွင်း
အဲရစ်ဒီယာရဲ့ သွင်းဂိုး ပယ်ဖျက်ခံရ
အချိန်ပို ၉ မိနစ်အထိ ပေး
၉၃ မိနစ် – နစ်ကလပ်ဂျက်ဆန် ဂိုးသွင်း
၉၆ မိနစ် – နစ်ကလပ်ဂျက်ဆန် ဂိုးသွင်း
ဒီရာသီ ပရီးမီးယားလိဂ်မှာ VAR အများဆုံး ပြန်ကြည့်ခဲ့ရတဲ့ ပွဲစဉ် ဖြစ်ပြီး ဒိုင်လူကြီးလည်း တော်တော်လေး အလုပ်ရှုပ်ခဲ့ရပါတယ်။ အဝါကတ်၊ အနီကတ်တွေလည်း ပလူပျံခဲ့ကာ ပရိသတ်တွေလည်း ကြည့်ရကျိုးနပ်ခဲ့ပါတယ်။
ဦးဆောင်ဂိုး ရပြီး ခြေစွမ်းအရလည်း ချဲလ်ဆီးကို ယှဉ်နိုင်ခဲ့ပေမယ့် စပါးတို့ တစ်ယောက် အထုတ်ခံရပြီး ပင်နယ်တီပေးရချိန်မှာ ပြိုဆင်းသွားပါတော့တယ်။ ချဲလ်ဆီးက ဒီအခွင့်အရေးကို လက်လွှတ်မခံဘဲ ဖိအားပေး ကစားခဲ့ပြီး အူဒိုဂီပါ ထပ်အထုတ်ခံရချိန်မှာ စပါးတောင့်မခံနိုင်တော့ပါဘူး။ နီကိုလပ်စ် ဂျက်ဆန်က ဟက်ထရစ်သွင်းယူနိုင်တဲ့ အထိပါ ဖြစ်ခဲ့ပြီး စပါးတို့ အိမ်ကွင်းမှာပဲ ရေတိမ်နစ်ခဲ့ရပါတယ်။
အခုဆိုရင် ပရီးမီးယားလိဂ်မှာ ရှုံးပွဲ မရှိတဲ့ အသင်း မရှိတော့ပါဘူး။ စပါးရဲ့ ဆုဖလား အိပ်မက် ကလည်း ဒီရှုံးပွဲနဲ့အတူ ယိုင်နဲ့သွားပြီ ဖြစ်ပြီး သူတို့ ပြန်ရုန်းထွက်နိုင်ဖို့ လုပ်ရပါတော့မယ်။ ကံဆိုးတာက အနီကတ် ၂ ယောက် ထိတဲ့ အပြင် အဓိက ကစားသမားတွေ ဖြစ်တဲ့ မက်ဒီဆန်နဲ့ ဗန်ဒီဗန် တို့ပါ ဒဏ်ရာကြောင့် လူစားလဲခဲ့ရတာပါ။ နည်းပြကြီး အန်ဂျီ ပိုစတီကိုဂလူး အတွက်တော့ ဒါက စိန်ခေါ်မှု တစ်ခု ဖြစ်ပြီး သူ အသင်းကို လမ်းကြောင်းမှန်ပေါ် ပြန်တည့်မတ်ပေးနိုင်မလား ဆိုတာ စိတ်ဝင်စားစရာ ဖြစ်လာခဲ့ပါပြီ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
