ပရီးမီးယားလိဂ် အပါအဝင် ဥရောပထိပ်သီးလိဂ်တွေရဲ့ အပြောင်းအရွှေ့ သတင်းတွေကို ဆက်လက် စုစည်း ဖော်ပြသွားမှာ ဖြစ်ပါတယ်။
ဆော်ဒီပရိုလိဂ် ကလပ်တွေ ကတော့ ပရီးမီးယားလိဂ် ကလပ် လစ်ဗာပူးလ် အသင်းရဲ့ ဂိုးသမား အလီဆွန် ဘက်ကာကို ခေါ်ယူဖို့ ပစ်မှတ်ထား စောင့်ကြည့်တယ်လို့ သိရပါတယ်။ ကမ္ဘာ့အကောင်းဆုံး ဂိုးသမားတွေထဲက တစ်ဦး ဖြစ်တဲ့ အလီဆွန်ကို ခေါ်ယူဖို့ အတွက် ဆော်ဒီပရိုလိဂ်ဟာ မြင့်မားတဲ့ ပြောင်းရွှေ့ကြေး တစ်ရပ်နဲ့ ကမ်းလှမ်းသွားဖို့ အဆင်သင့် ရှိနေတာ ဖြစ်ပါတယ်။
မန်ချက်စတာယူနိုက်တက်နဲ့ ချဲလ်ဆီး အသင်း တို့ဟာ ပရီးမီးယားလိဂ် ကို ပြန်လာချင်နေတဲ့ သောမက်စ် တူချယ်ကို ခေါ်ယူဖို့ ဆွေးနွေးမှုတွေ လုပ်နေတယ်လို့ သတင်းတွေ ထွက်လာပါတယ်။ တူချယ်ဟာ ဒီရာသီအကုန်မှာ ဘေယန်မြူးနစ်နဲ့ လမ်းခွဲထားခဲ့တာ ဖြစ်ပြီး သူ့ကို အသင်းဟောင်း ချဲလ်ဆီးက အံ့အားသင့်ဖွယ် ပြန်လည် ခေါ်ယူချင်နေတယ် ဆိုတဲ့ သတင်းတွေ ကလည်း ကျယ်လောင်နေခဲ့ပါတယ်။
ပရီးမီးယားလိဂ် ထိပ်သီး အာဆင်နယ် အသင်းရဲ့ အဓိက ပစ်မှတ် တိုက်စစ်မှူးတွေ ကတော့ နယူးကာဆယ်က အလက်ဇန်းဒါး အိဆက်ခ်နဲ့ အေဂျက်စ် တိုက်စစ်မှူး ဘရိုင်ယန် ဘရော့ဘီ တို့ ဖြစ်တယ်လို့ Independent က ဖော်ပြလာပါတယ်။ ဂန်းနားတွေဟာ အမေရိကန် ရာသီကြို ခြေစမ်းပွဲ မတိုင်ခင်မှာ ဒီကစားသမားတွေနဲ့ သဘောတူညီမှု ရယူနိုင်ဖို့ ကြိုးစားနေတယ်လို့လည်း သိရပါတယ်။
ဘေယန်မြူးနစ် ကတော့ သောမက်စ် တူချယ် နေရာ ဆက်ခံမည့်သူကို ဆက်လက် ရှာဖွေလျက် ရှိပြီး ဘန်လေ နည်းပြ ဗင်းဆင့် ကွန်ပနီ၊ ဘရန့်ဖို့ဒ် နည်းပြ သောမက်စ် ဖရန့်ခ် တို့ကို ချိတ်ဆက်နေတယ်လို့ သိရပါတယ်။ ကွန်ပနီ ကလည်း တက်ဖ်မောမှာ နှစ်ရာသီ ဖြတ်သန်းခဲ့ပြီးနောက် ဘေယန်မြူးနစ်ကို ဆွေးနွေးဖို့ စိတ်ဝင်စားနေတယ်လို့ သိရပါတယ်။
လစ်ဗာပူးလ် ကတော့ ဒုတိယအသင်းခေါင်းဆောင် ထရန့် အလက်ဇန္တား အာနိုးလ်ကို စာချုပ်သစ် ချုပ်ဆိုဖို့ ကမ်းလှမ်းခဲ့တယ်လို့ သိရပါတယ်။ အာနိုးလ်ကို စာချုပ်သက်တမ်း တိုးဖို့ဟာ လစ်ဗာပူးလ်ရဲ့ ထိပ်တန်း ဦးစားပေး ကိစ္စ တစ်ခု ဖြစ်ပါတယ်။
မန်ချက်စတာစီးတီးနှင့် နယူးကာဆယ်ယူနိုက်တက် တို့ဟာ ဝုလ်ဗာဟမ်တန်ဝမ်းဒါးရားစ် အသင်းရဲ့ တောင်ပံ ကစားသမား ပက်ဒရို နီတို ကို ခေါ်ယူချင်နေတယ်လို့ သိရပါတယ်။ ဒီကစားသမားကို ခေါ်ယူချင်ရင်တော့ အနည်းဆုံး ပေါင် သန်း 60 ပေးချေရမှာလည်း ဖြစ်ပါတယ်။
ချဲလ်ဆီး အသင်း ကတော့ နောက်ခံလူ ထရီဗော့ ချာလိုဘာကို အရောင်းစာရင်း တင်ထားပေမယ့် ပြောင်းရွှေ့ကြေး ပေါင် ၂၅ သန်းထက် နည်းတဲ့ ပမာဏနဲ့ ကမ်းလှမ်းရင်တော့ စဉ်းစားမှာ မဟုတ်ဘူးလို့ သိရပါတယ်။
ရီးယဲလ်မက်ဒရစ်ရဲ့ ထိပ်တန်း ပစ်မှတ် လီနီယိုရို အတွက် ပီအက်စ်ဂျီရဲ့ ယူရို သန်း ၅၀နဲ့ ကမ်းလှမ်းမှုကို လိုင်လီ ဘက်က လက်ခံလိုက်ပြီ ဖြစ်ပါတယ်။
လစ်ဗာပူးလ် မန်နေဂျာ အသစ် အာနေးဟာ ဖီယင်နော့ဒ်မှာ လက်တွဲခဲ့ဖူးတဲ့ လက်ရှိ ဘင်ဖီကာ ကွင်းလယ်လူ အော်ကန် ကော့ကူကို ခေါ်ယူလိုနေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
