ပရီးမီးယားလိဂ် အပါအဝင် ဥရောပထိပ်သီးလိဂ်တွေရဲ့ အပြောင်းအရွှေ့ သတင်းတွေကို ဆက်လက် စုစည်း ဖော်ပြသွားမှာ ဖြစ်ပါတယ်။
ရီးရဲလ်မက်ဒရစ် အသင်းဟာ ပရီးမီးယားလိဂ် ကလပ် လစ်ဗာပူးလ် ကွင်းလယ်လူ အလက်ဆစ် မက် အယ်လစ္စတာကို ခေါ်ယူဖို့ ကြိုးပမ်းလာဖွယ် ရှိတယ်လို့ သိရပါတယ်။ အာဂျင်တီးနား ကွင်းလယ်လူဟာ လစ်ဗာပူးလ်နဲ့ လျှို့ဝှက် စာချုပ် ဖျက်သိမ်းကြေး ပေါင် သန်း ၆၀ တန်ကြေး ရှိသူ ဖြစ်ပြီး ဒီပမာဏကို ရီးရဲလ်မက်ဒရစ် ဘက်က အသုံးပြုဖို့ အဆင်သင့် ရှိနေတယ်လို့ သတင်းတွေက ဖော်ပြပါတယ်။ လက်ရှိ ရီးရဲလ်မက်ဒရစ် ကွင်းလယ်မှာ တိုနီ ခရူးစ်နဲ့ လူကာ မိုဒရစ် တို့ဟာ အသက်အရွယ် ရနေပြီ ဖြစ်တာကြောင့် ရေရှည် အတွက် အင်အား ဖြည့်တင်းဖို့ ပြင်ဆင်နေတာလည်း ဖြစ်ပါတယ်။ လက်ရှိ ရီးရဲလ်မက်ဒရစ် ကွင်းလယ်မှာတော့ ချူအာမန်နီ၊ ကာမာဗင်ဂါ အပြင် အာဒါဂူလာ ကလည်း ခြေစွမ်းပြနေခဲ့ပါတယ်။
လစ်ဗာပူးလ် အနေနဲ့ လေဗာကူဆင် ဗဟိုနောက်ခံလူ အိုဒီလွန် ကိုဆိုဆူနို ကို ခေါ်ယူနိုင်ဖို့ ရှိနေပေမယ့် အသက် ၂၃ နှစ် အရွယ် ကစားသမားကို ယူနိုက်တက်နဲ့ အပြိုင် ကြိုးပမ်းရဖွယ် ရှိနေတယ်လို့ သိရပါတယ်။ လစ်ဗာပူးလ်ဟာ လမ်းခွဲထားခဲ့တဲ့ ဂျိုဝဲလ် မက်တစ်ပ် နေရာ အတွက် အဓိက အင်အား ဖြည့်တင်းဖို့ ပြင်ဆင်နေတာလည်း ဖြစ်ပါတယ်။
အာဆင်နယ် ကတော့ ဘယ်နောက်ခံလူ နေရာကို ထပ်မံ အင်အားဖြည့်တင်းဖို့ ရှိပြီး ဖီနာဘာချီက ဖာဒီကာဒီယိုဂလူ အတွက် လာမယ့်လမှာ တရားဝင် ဆွေးနွေး ညှိနှိုင်းမှုတွေ ပြုလုပ်တော့မယ်လို့ သိရပါတယ်။ လက်ရှိ အာဆင်နယ် အသင်းရဲ့ ဘယ်နောက်ခံလူ နေရာမှာ အိုလက်ဆန်ဒါ ဇင်ချန်ကို၊ တိုမီယာဆု တို့ ရှိနေသလို တင်ဘားလည်း ဒဏ်ရာက ပြန်လည် သက်လာပြီ ဖြစ်ပေမယ့် နည်းပြ မီခဲလ် အာတေးတား ကတော့ အင်အား ထပ်မံ ဖြည့်တင်းချင်နေတာ ဖြစ်ပါတယ်။
ယူနိုက်တက် အနေနဲ့ အခု နွေရာသီမှာ တောင်ပံကစားသမား ဂျေဒန် ဆန်ချိုကို ဒေါ့မန် အသင်းထံ ပြန်လည် ရောင်းချသွားဖွယ် ရှိနေပါတယ်။ ဒါပေမယ့်လည်း ပရီးမီးယားလိဂ် ကလပ် ဘက်က် ကစားသမား အတွက် သူတို့ ခေါ်ယူခဲ့စဉ်က ပေးချေခဲ့ရတဲ့ ပေါင် ၇၅ သန်းရဲ့ ၇၅% ကို အနည်းဆုံး ပြန်လည် တောင်းဆိုဖို့ ရှိနေတယ်လို့ သိရပါတယ်။
နောက်ထပ် ပရီးမီးယားလိဂ် ထိပ်သီးကလပ် တစ်ခု ဖြစ်တဲ့ ချဲလ်ဆီး ကတော့ လစ်ဗာပူးလ်နဲ့ ဂျူဗင်တပ်စ် တို့ရဲ့ ပစ်မှတ် ဖြစ်တဲ့ အတ္တလန္တာ ကွင်းလယ်လူ တီယန် ကူမိုင်းနားကို ခေါ်ယူချင်နေတယ်လို့ သိရပါတယ်။ ချဲလ်ဆီးဟာ အတ္တလန္တာ ဘက်က လိုချင်တဲ့ ပေါင် ၅၁ သန်းကို ပေးချေဖို့ အဆင်သင့် ဖြစ်နေကြောင်းလည်း အီတလီ သတင်းတွေမှာ ဖော်ပြနေပါတယ်။
နာမည်ကျော် အေးဂျင့် ဂျော့ဂျ် မန်းဒက်စ် ကတော့ ဘာစီလိုနာ တောင်ပံ ကစားသမား ရာဖင်ညာကို ဆော်ဒီပရိုလိဂ် ကလပ်တွေနဲ့ ချိတ်ဆက်ပေးလျက် ရှိတယ်လို့ သိရပါတယ်။ မန်းဒက်စ်ဟာ ဒါဝင် နူညက်ဇ်ကို ဘာစီလိုနာ အသင်းထံ ပြောင်းရွှေ့ဖို့ ချိတ်ဆက် လုပ်ဆောင်ပေးနေသလို ရာဖင်ညာ ကိုလည်း ဆော်ဒီပရိုလိဂ် ကလပ်တွေထံ ကမ်းလှမ်းထားခဲ့တာ ဖြစ်ပါတယ်။ ရာဖင်ညာဟာ ၂၀၂၂ ခုနှစ်မှာ လိဒ်စ်ယူနိုက်တက် ကနေ ဘာစီလိုနာ အသင်းထံ ပြောင်းရွှေ့ခဲ့ပြီးတော့ ၈၇ ပွဲ ကစားရာမှာ ဂိုး ၂၀ သွင်းယူပေးထားပါတယ်။ ဒါပေမယ့်လည်း ကစားသမားရဲ့ ခြေစွမ်းကို ကတ်တာလန် ကလပ် ဘက်က အားရမှု မရှိတာကြောင့် ကျေနပ်လောက်တဲ့ ပြောင်းရွှေ့ကြေး ရရင် ရောင်းချသွားဖို့ ရှိနေတာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
