ဒီတစ်ခါ မှာတော့ ဇူလိုင်လ ၂၇ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
ရော်နယ်ဒိုကို ဘယ်လောက်ထိ ယုံကြည်သလဲ ဆိုတာ ပြောပြခဲ့တဲ့ ရက်ရှ်ဖို့ဒ်
ပရီးမီးယားလိဂ် ကလပ် မန်ချက်စတာယူနိုက်တက် တိုက်စစ်မှူး မားကပ်စ် ရက်ရှ်ဖို့ဒ်က ခရစ္စတီယာနို ရော်နယ်ဒို အပေါ် ဘယ်လောက်အထိ ယုံကြည်လဲ ဆိုတာ ဖွင့်ဟသွားခဲ့ပါတယ်။ အမေးအဖြေ ပြုလုပ်ခဲ့ရာမှာ ရက်ရှ်ဖို့ဒ်က ပြောဆိုခဲ့တာပါ။
ရက်ရှ်ဖို့ဒ်က “ ကျနော့် ဘ၀ကို ကယ်တင်ဖို့ အတွက် နောက်ဆုံး မိနစ် ပင်နယ်တီ ကန်ရမယ့်သူ ဆိုရင် ရော်နယ်ဒိုပဲ ဖြစ်ပါလိမ့်မယ်၊ ကျနော် သူ့ကို ရာနှုန်းပြည့် ယုံကြည်ပါတယ်” လို့ ပြောဆိုခဲ့တာပါ။ သူတို့ နှစ်ဦးဟာ မန်ချက်စတာ ယူနိုက်တက်မှာ အသင်းဖော်တွေ အဖြစ် အချိန် အနည်းငယ်ကြာ ကစားခဲ့သူတွေပါ။
ရော်နယ်ဒိုက ရက်ရှ်ဖို့ဒ်ရဲ့ စီနီယာ၊ ငယ်ဘ၀ ဟီးရိုး တစ်ဦးလည်း ဖြစ်ပါတယ်။ အသင်းဖော်တွေ ဖြစ်လာချိန်မှာလည်း ရော်နယ်ဒို ဆီကနေ သင်ယူမှုတွေ အများကြီး ရရှိခဲ့တယ်လို့ ရက်ရှ်ဖို့ဒ်က ဖွင့်ဟဖူးပြီး အခုအခါမှာတော့ သူ့ရဲ့ ယုံကြည်မှု ကိုပါ ပြောဆိုခဲ့တာ ဖြစ်ပါတယ်။
နော်တင်ဟမ်ကို အပြီးသတ် ရောက်ရှိခဲ့ပြီ ဖြစ်တဲ့ အီလန်ဂါ
မန်ချက်စတာယူနိုက်တက် အသင်းရဲ့ တောင်ပံ ကစားသမား အီလန်ဂါဟာ ပရီးမီးယားလိဂ် ပြိုင်ဘက် နော်တင်ဟမ် ဖောရက်စ် အသင်းကို အပြီးသတ် ပြောင်းရွှေ့ခဲ့ပြီ ဖြစ်ပါတယ်။ ဒီညနေမှာပဲ အတည်ပြု သတင်းထုတ်ပြန်ခဲ့ပြီး ယူနိုက်တက်ဟာ ဆွီဒင် ကစားသမား အတွက် ပေါင် ၁၅ သန်း လက်ခံရရှိမှာပါ။
အီလန်ဂါဟာ ယူနိုက်တက်မှာ ပုံမှန်ကစားခွင့်ရဖို့ မသေချာတော့တာကြောင့် အသင်းပြောင်းရွှေ့ခဲ့ရတာပါ။ သူ့ကို အဲဗာတန်က ခေါ်ယူဖို့ ကမ်းလှမ်းခဲ့သေးပေမယ့် ကစားသမားက ငြင်းဆန်ခဲ့ပြီး နော်တင်ဟမ်ဖောရက်စ် ကိုသာ ရွေးချယ်သွားခဲ့တာ ဖြစ်ပါတယ်။
အီလန်ဂါ ကလည်း သူ့ရဲ့ လူမှုကွန်ယက်က တဆင့် အသင်းနဲ့ ပရိသတ်တွေကို နှုတ်ဆက် စကားဆိုခဲ့ပြီး ကျေးဇူးတင်ကြောင်းလည်း ဖွင့်ဟခဲ့ပါတယ်။ သူဟာ ယူနိုက်တက် အသင်းကြီး အတွက် ပွဲပေါင်း ၅၀ ကျော် ကစားပေးနိုင်ခဲ့ပြီး သွင်းဂိုး အနည်းငယ် ရရှိခဲ့ပါတယ်။
ဝေါ်လ်ကာ ဆက်ရှိနေဖို့ မျှော်လင့်နေတဲ့ ဂွါဒီယိုလာ
ပရီးမီးယားလိဂ် ထိပ်သီး မန်ချက်စတာစီးတီး နည်းပြ ပပ် ဂွါဒီယိုလာက သူ့အသင်းမှာ ညာအစွန်နောက်ခံလူ ကိုင်လီ ဝေါ်လ်ကာ ဆက်ရှိနေဖို့ကို မျှော်လင့်နေပါတယ်။ ဝေါ်လ်ကာဟာ ဘွန်ဒက်လီဂါ ကလပ် ဘေယန်မြူးနစ်ကို ပြောင်းရွှေ့ဖို့ သတင်းတွေ ထွက်နေပြီး နီးစပ်မှု ရနေပြီလို့လည်း ဖော်ပြနေကြပါတယ်။
ဂွါဒီယိုလာက “ သူ ကျနော် တို့နဲ့ ဆက်ရှိနေဖို့ မျှော်လင့်ပါတယ်၊ သောမတ် တူချယ်ရဲ့ ကိုင်လီနဲ့ ပတ်သက်ပြီး ပြောခဲ့တာကို ကျနော် ကြားမိပါတယ်၊ ကျနော်လည်း အလားတူပဲလို့ ပြောရမှာပါ၊ သူက ကျနော်တို့ အတွက် အရေးကြီးပါတယ်၊ သူ့အတွက် တိုက်ခိုက်ရမှာပါ” လို့ ဆိုပါတယ်။
ဝေါ်လ်ကာကို ဘေယန်မြူးနစ်က အလေးထား ချိတ်ဆက်နေတာ ဖြစ်ပြီး ညာအစွန်ခံစစ်လူ အသင့်မရှိတာမို့ သူထွက်ခဲ့မယ် ဆိုရင် ဂွါဒီယိုလာက အစားထိုးဖို့ရာ အခက်တွေ့နေပါတယ်။ ဒါကြောင့် ဝေါ်လ်ကာ ဆက်ရှိနေဖို့ကို သူက ပြောဆိုခဲ့တာ ဖြစ်ပြီး အင်္ဂလန်သားရဲ့ အနာဂတ်က စိတ်ဝင်စားစရာ ကောင်းလာခဲ့ပါပြီ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
