ပွဲကြိုသုံးသပ်ချက် | ခရစ္စတယ်ပဲလေ့စ် – အက်စတွန်ဗီလာ (ပရီးမီးယားလိဂ်)

ခရစ္စတယ်ပဲလေ့စ် – အက်စတွန်ဗီလာ

စနေနေ့ည မှာတော့ ပရီးမီးယားလိဂ် ပွဲစဉ်တွေ ဆက်လက် ယှဉ်ပြိုင်ကစားဖို့ ရှိပြီး ခရစ္စတယ်ပဲလေ့စ်က အက်စတွန်ဗီလာကို ဆဲလ်ဟတ်စ်ပါ့ခ်မှာ ဧည့်ခံရမှာ ဖြစ်ပါတယ်။ အသင်းကြီးတွေနဲ့ ရာသီ အဖွင့် ၂ ပွဲဆက် ကစားထားရလို့ ၁ မှတ်သာ ရရှိထားတဲ့ ပဲလေ့စ်တို့ ခြေစွမ်း မတည်ငြိမ်သေးတဲ့ ဗီလာ ဆီက အမှတ်ရအောင် ယူနိုင်မလား ဆိုတာ စောင့်ကြည့်ရမှာ ဖြစ်ပါတယ်။

ပဲလေ့စ်တို့ ပရီးမီယားလိဂ် ရာသီ အဖွင့် ၂ ပွဲဆက် အာဆင်နယ်၊ လစ်ဗာပူးလ် တို့လို အသင်းကြီးတွေနဲ့ တွေ့ဆုံထားခဲ့လို့ ရမှတ် ၁ မှတ်နဲ့ အတူ အမှတ်ပေးဇယား အဆင့် ၁၆ နေရာကို ရောက်ရှိနေပါတယ်။ ဗီအဲရာ အနေနဲ့ အသင်းဟောင်းနဲ့ ပြန်အတွေ့မှာ အတိုင်းအတာ တစ်ခု အထိ ဒုက္ခပေးနိုင်ခဲ့ပေမယ့် တစ်ဖက်က ဂန်းနားတွေရဲ့ ခြေစွမ်း ထက်မြတ်နေမှုကြောင့်သာ ၀-၂ ရလဒ်နဲ့ အရှုံးပေးခဲ့ရတာ ဖြစ်ပါတယ်။ ပွဲစဉ် (၂) မှာတော့ ပဲလေ့စ်တို့ ကလော့ပ်ရဲ့ အသင်းကို အကောင်းဆုံး တုန့်ပြန် ကစားနိုင်ခဲ့ပြီး အန်ဖီးလ် ကနေ သရေ ၁ မှတ် ပိုက်ပြီး အိမ်ပြန်နိုင်ခဲ့ပါတယ်။ ပဲလေ့စ်တို့ ရလဒ်ပိုင်းမှာသာ အားရစရာ မရှိပေမယ့် ခြေစွမ်းပိုင်း ကတော့ အားရစရာ အပြည့်ပါပဲ။ ပက်ထရစ် ဗီအဲရာ တည်ဆောက်နေတဲ့ ပဲလေ့စ်က ပြီးခဲ့တဲ့ ရာသီတွေကထက် ပိုမို တောင့်တင်းလာသလို အသင်းကြီးတွေ ကိုတောင် ပွဲချိန်ပြည့် ခြေရည်တူ ယှဉ်ကစားနိုင်စွမ်း ရှိလာတာ တွေ့ရပါတယ်။ ဒီပွဲကို ဂိုးသမား ဂျက် ဘတ်လန်း၊ တွမ် ကင်န်စ်နဲ့ ဂျိမ်းစ် မက်အာသာတို့ ကတော့ လွဲချော်ဦးမှာ ဖြစ်ပြီး ကျန်အဓိက ကစားသမား အားလုံး ကတော့ ပွဲထွက်နိုင်ဖို့ ရှိနေတယ်လို့ သိရပါတယ်။

ဗီလာ ကတော့ ပရီးမီးယားလိဂ် ပွဲစဉ် (၁) မှာ တန်းတက် ဘုန်းမောက်ကို မထင်မှတ်ပဲ ၂ ဂိုးပြတ် ရှုံးပြီး ပွဲစဉ် (၂) မှာတော့ အဲဗာတန်ကို ၂-၁ ရလဒ်နဲ့ အနိုင်ရထားခဲ့လို့ ရမှတ် ၃ မှတ်နဲ့ အဆင့် ၉ နေရာမှာ ရပ်တည်နေပါတယ်။ ဘုန်းမောက်နဲ့ ပွဲမှာ တိုက်စစ် အဆုံးသတ် အားနည်းခဲ့သလောက် အဲဗာတန်နဲ့ ပွဲမှာတော့ ဗီလာ တိုက်စစ်မှူးတွေ ဂိုးပေါက် ပြန်တွေ့ခဲ့တယ်လို့ပဲ ဆိုရပါမယ်။ လီယွန် ဘိုင်လီကို အနားပေးပြီး ဝက်ကင်န်နဲ့ အင့်ဂ်ကို တိုက်စစ်မှာ တွဲပေးခဲ့တဲ့ ဂျရတ်နဲ့ နည်းစနစ် ရွေးချယ်မှု မှန်ကန်ခဲ့ပြီး အဲဗာတန် ဂိုးပေါက်ကို ၁၂ ကြိမ် ကန်ခဲ့ပြီး ဂိုးပေါက်တည့် ကန်ချက် ၄ ကြိမ် ကနေ သွင်းဂိုး ၂ ဂိုး ရခဲ့တာ ကတော့ မဆိုးဘူးလို့ ပြောလို့ ရပါတယ်။ ဂျရတ် အနေနဲ့ အခုပွဲမှာ ကော်တင်ဟိုကို အရန်ခုံ ပို့ပြီး ပြီးခဲ့တဲ့ ပွဲမှာ ခြေစွမ်းပြခဲ့တဲ့ ဘူအန်ဒီရာကို ပွဲထုတ်လာဖို့ များပါတယ်။ တိုက်စစ် မှာတော့ အင့်ဂ်နဲ့ ဝက်ကင်န် အတွဲပဲ မြင်ရဖို့ ရှိပြီး ဗဟို ခံစစ်မှာ ဒီယေဂို ကားလို့စ် ဒဏ်ရာရနေလို့ မင်းဂ်နဲ့ ကွန်ဆာ အတွဲအဖက် ကိုပဲ အသုံးပြုဖွယ် ရှိနေပါတယ်။

ဖြစ်နိုင်ဖွယ် လူစာရင်း

ခရစ္စတယ်ပဲလေ့စ် – ဂိုက်တာ၊ ကလိုင်း၊ အန်ဒါဆင်၊ ဂေးဟ်၊ မစ်ချဲလ်၊ ဒူကိုရေး၊ ရှလက်ပ်၊ အိုလစ်စ်၊ အီးဇီး၊ ဇာဟာ၊ အက်ဒ်ဝက်ဒ်

အက်စတွန်ဗီလာ – မာတီနက်ဇ်၊ ကတ်ရှ်၊ ကွန်ဆာ၊ မင်းဂ်၊ ကာမာရာ၊ မက်ဂင်းန်၊ ရမ်ဆေး၊ ဘူအန်ဒီရာ၊ အင့်ဂ်၊ ဝက်ကင်န်

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

ဆဲလ်ဟတ်စ်ပါ့ခ်မှာ ကစားခဲ့တဲ့ နောက်ဆုံး ၁၆ ကြိမ်မှာ ပဲလေ့စ်တို့ အက်စတွန်ဗီလာကို ၂ ကြိမ်သာ ရှုံးနိမ့်ခဲ့ဖူးပါတယ်။ ဒါ့ပေမယ့် ပရီးမီးယားလိဂ် တွေ့ဆုံမှု နောက်ဆုံး ၁၀ ကြိမ် မှာတော့ အက်စတွန်ဗီလာက ၅ ကြိမ်နိုင်၊ ၂ ကြိမ် သရေကျပြီး ပဲလေ့စ် ကတော့ ၃ ကြိမ် ပြန်လည် အနိုင်ရထားပါတယ်။ ပြီးခဲ့တဲ့ရာသီက ပရီးမီးယားလိဂ် အိမ်ကွင်း၊ အဝေးကွင်း ၂ ကျော့စလုံး မှာလည်း ဗီလာတို့ ပဲလေ့စ်ကို ၁ ပွဲနိုင်၊ ၁ ပွဲသရေ ကစားထားနိုင်ပါတယ်။

လောင်းကစားဆိုင်ရာ အကြံပြုချက်များ

SBOTOP 1X2 မှာ ခရစ္စတယ်ပဲလေ့စ် အနိုင် အတွက် ၂.၄၇ ဆ၊ အက်စတွန်ဗီလာ အနိုင် ဆိုရင် ၂.၈၅ ဆ၊ သရေ အတွက် ကတော့ ၃.၂၀ ဆ ဆိုပြီး ကြေးဖွင့်ပေးထားတာ တွေ့ရပါတယ်။ ခြေညီတဲ့ နှစ်သင်းရဲ့ တွေ့ဆုံမှုလို့ ပြောလို့ ရပြီး ဘယ်အသင်း အသာရသွားမလဲ ဆိုတာ ခန့်မှန်းရခက်ပါတယ်။ နှစ်သင်းစလုံး ရဂိုးထက် ပေးဂိုးက ပိုများနေတာကြောင့် ဒီပွဲမှာလည်း အပြန်အလှန် သွင်းဂိုး တချို့ မြင်တွေ့ရဦးမယ် ထင်ပါတယ်။ လက်ရှိ ကြေးဖွင့်မှု အနေအထားအရလည်း ဘက်ရွေးရတာ အန္တရာယ်များပါတယ်။ ဒီတော့ ပေါက်မယ့် နဖူး မထူးပါဘူး။ ၃ ဆကျော် ရမယ့် သရေ ရလဒ်ကိုပဲ အရဲစွန့် ရွေးချယ်ထားချင်ပါတယ်။

ခန့်မှန်းရလဒ်

ခရစ္စတယ်ပဲလေ့စ် ၁-၁ အက်စတွန်ဗီလာ

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.