ပရီးမီးယားလိဂ် – နောက်ဆုံးရ သတင်းများ (၂၃/၈/၂၀၂၂)

ဩဂုတ်လ ၂၃ ရက်နေ့ အထိ နောက်ဆုံး ရရှိထားတဲ့ ပရီးမီးယားလိဂ် သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။

ကလပ်ရဲ့ ခေတ်သစ် တစ်ခု စတင်ပြီလို့ ကြုံးဝါးခဲ့တဲ့ တန်ဟက်ဂ်

မန်ချက်စတာယူနိုက်တက်က လစ်ဗာပူးလ်ကို အိုးထရက်ဖို့ဒ်မှာ ၂-၁ ရလဒ်နဲ့ အနိုင်ရရှိခဲ့ပြီးနောက် နည်းပြ ဖြစ်သူ အဲရစ်ခ် တန်ဟက်ဂ်က “ကလပ်မှာ ခေတ်သစ် တစ်ခု စတင်ပြီ” လို့ ကြုံးဝါး ပြောဆိုလိုက်ပါတယ်။

တန်ဟက်ဂ်က “ကျွန်တော့် အနေနဲ့ မတူညီတဲ့ ချဉ်းကပ်မှု ပုံစံ၊ မတူညီတဲ့ ခံယူချက်တွေကို လိုချင်ခဲ့တာပါ။ ဒါကို ကွင်းထဲအထိ သူတို့ သူတို့ ယူဆောင်လာနိုင်ခဲ့ပါတယ်။ ဒါကြောင့်လည်း ကျွန်တော် ကျေနပ်ရပါတယ်။ ကျွန်တော်တို့ နည်းဗျူဟာပိုင်းအရ ပြောစရာ ရှိပေမယ့် ဒါဟာ ခံယူချက်နဲ့ပဲ သက်ဆိုင်ပါတယ်။” “အခု ကျွန်တော်တို့ ကွင်းထဲမှာ ဘယ်လို ခံယူချက်မျိုးနဲ့ ကစားတယ် ဆိုတာ ခင်ဗျားတို့ မြင်ရပါလိမ့်မယ်။ တစ်ဦးနဲ့ တစ်ဦး ချိတ်ဆက်မှုတွေ ရှိလာတယ်။ တိုက်ပွဲဝင်စိတ်တွေ ရှိလာတယ်။ နောက်ပြီးတော့ ဘောလုံး ကောင်းကောင်း ကစားနိုင်ပြီး အောင်မြင်မှုတွေ ရယူနိုင်တဲ့ အသင်း တစ်သင်းကို ခင်ဗျားတို့ မြင်တွေ့ ရမှာပါ။”

ဆက်လက်ပြီး တန်ဟက်ဂ်က “ဒါက အစပဲ ရှိပါသေးတယ်။ ကျွန်တော်တို့ နှိမ့်ချနေဖို့ လိုတယ်၊ တည်ငြိမ်မှု ပိုရှိနေရင် ကျွန်တော်တို့ အများကြီး ပိုကောင်းအောင် ကစားနိုင်ပါတယ်။ ကျွန်တော်တို့မှာ ကစားသမားကောင်းတွေ ရှိပါတယ်၊ အခု အသင်းကောင်း တစ်သင်း ဖြစ်လာအောင် ကျွန်တော်တို့ လုပ်ဆောင်သွားမှာပါ။

ပရီးမီးယားလိဂ် ပွဲစဉ် (၃) ရဲ့ နောက်ဆုံး ပွဲစဉ် အဖြစ် ကစားခဲ့တဲ့ ဒီပွဲမှာ ယူနိုက်တက်က ဆန်ချို၊ ရက်ရှ်ဖို့ဒ် တို့ရဲ့ သွင်းဂိုးတွေနဲ့ အတူ အစဉ်အလာ ပြိုင်ဘက် လစ်ဗာပူးလ်ကို အနိုင်ရခဲ့တာ ဖြစ်ပါတယ်။ လစ်ဗာပူးလ် အတွက် တစ်လုံးတည်းသော ချေပဂိုးကို ပွဲချိန် ၈၁ မိနစ်မှာ မိုဟာမက် ဆာလာက သွင်းယူပေးခဲ့တာ ဖြစ်ပါတယ်။

ဒီနိုင်ပွဲကြောင့် ယူနိုက်တက်တို့ ၃ ပွဲ ကစားပြီး ရမှတ် ၃ မှတ်နဲ့ အမှတ်ပေးဇယား အဆင့် ၁၉ နေရာ ကနေ အဆင့် ၁၄ အထိ တက်လှမ်းနိုင်ခဲ့သလို လစ်ဗာပူးလ် ကတော့ အဆင့် ၁၂ ကနေ ၁၆ နေရာ အထိ ကျဆင်းသွားခဲ့ပါတယ်။ ခြေစွမ်းပိုင်းအရ လစ်ဗာပူးလ်က အပြတ်အသတ် သာလွန်ခဲ့ပေမယ့် ပြိုင်ဘက်ရဲ့ ပွဲချိန်ပြည့် ဖိအားပေးမှုကို အကောင်းဆုံး တောင့်ခံနိုင်ခဲ့တဲ့ ယူနိုက်တက်က ပွဲအပြီးမှာ အနိုင်ရသွားခဲ့တာ ဖြစ်ပါတယ်။

ယူနိုက်တက်ကို ရှုံးပြီးနောက် အသင်းရဲ့ အခြေအနေကို စိုးရိမ်မိတယ်လို့ ဝန်ခံလာတဲ့ ကလော့ပ်

အိုးထရက်ဖို့ဒ်မှာ မန်ချက်စတာယူနိုက်တက်ကို ၂-၁ ရလဒ်နဲ့ ရှုံးနိမ့်ခဲ့ပြီးနောက် လစ်ဗာပူးလ် နည်းပြ ဂျာဂျင် ကလော့ပ်က အသင်းရဲ့ အခြေအနေကို စိုးရိမ်မိတယ်လို့ ဝန်ခံသွားခဲ့ပါတယ်။ လစ်ဗာပူးလ်ဟာ ပရီးမီးယားလိဂ် ပွဲစဉ် ၃ ပွဲ ကစားပြီးချိန်အထိ ၂ ပွဲသရေ၊ ၁ ပွဲ ရှုံး ရမှတ် ၂ မှတ်သာ ရရှိထားပြီး အမှတ်ပေးဇယား အဆင့် ၁၆ နေရာ အထိ ရောက်ရှိနေခဲ့တာ ဖြစ်ပါတယ်။

ပွဲအပြီးမှာ ဂျာမန်လူမျိုး နည်းပြ က ‘ရလဒ် အတွက် အရမ်း စိတ်ပျက်မိပါတယ်။ ‘ကျွန်တော်တို့ရဲ့ အခြေအနေကို စိတ်ပူမိပါတယ်၊ ဒါပေမယ့် ဒါက ဘယ်လိုလဲ။ ယူနိုက်တက် ဘာလို ကစားတယ် ဆိုတာ ရှင်းရှင်းလင်းလင်း သိတဲ့ ပွဲတစ်ပွဲပါ။ သူတို့က ကျွန်တော်တို့ထက် ပိုပြီး Aggressive ဆန်ဆန် ကစားနိုင်ခဲ့တယ်။ ဟုတ်တယ်။ ဒါဟာ ယူနိုက်တက် ကစားချင်တဲ့ ဂိမ်းပါ။ အဲဒါ ငါတို့ အပြစ်လို့ ပြောလို့ရတယ်။

ဆက်လက်ပြီး “ဒါပေမယ့် နောက်ဆုံး အထိ ကျွန်တော်တို့ ကစားသင့်သလောက် ကစားနိုင်ခဲ့ပါတယ်။ ဧရိယာထဲမှာ ကျွန်တော်တို့ တတ်နိုင်တဲ့ အခိုက်အတန့်တွေ အများကြီးရှိခဲ့တယ်။” လို့ ကလော့ပ်က ပြောကြားသွားခဲ့ပါသေးတယ်။

ဂီးလ် နေရာမှာ ဒန်ဂျိမ်းစ်နဲ့ အစားထိုးချင်နေတဲ့ စပါး

ပရီးမီးယားလိဂ် ကလပ် တော့တင်ဟမ်ဟော့စပါး ကတော့ အသင်းရဲ့ ဘယ်တောင်ပံ ကစားသမား ဘရိုင်ယန် ဂီးလ်သာ ဗလင်စီယာကို ပြောင်းရွှေ့ဖြစ်ခဲ့ရင် လိဒ်စ်က ဒန်နီရယ် ဂျိမ်းစ်နဲ့ ပြန်လည် အစားထိုးဖို့ စဉ်းစားနေတယ်လို့ သိရပါတယ်။

လက်တလောမှာ အသက် ၂၁ နှစ် အရွယ် စပိန် တောင်ပံ ကစားသမား ဘရိုင်ယန် ဂီးလ်ဟာ လာလီဂါ ကလပ် ဗလင်စီယာ အသင်းထံ နောက်တစ်ကြိမ် ပြောင်းရွှေ့ ကစားဖို့ ဆန္ဒ ရှိနေတာကြောင့် စပါးက နောက်ထပ် တောင်ပံ ကစားသမား တစ်ဦး ရှာဖွေရဖို့ ရှိနေတာ ဖြစ်ပါတယ်။ ဒန်ဂျိမ်းစ်ဟာ ကွန်တီ သဘောကျတဲ့ ကစားသမား ဖြစ်ပြီး ပြီးခဲ့တဲ့ ရာသီတွေ တုန်းကလည်း ခေါ်ယူဖို့ စိတ်ဝင်စားခဲ့ဖူးပါသေးတယ်။

ဂီးလ် အသင်း ကနေ ထွက်ခွာဖို့ ဖြစ်နိုင်ချေ ရှိမရှိနဲ့ ပတ်သတ်လို့ မေးမြန်းတာကို စပါး နည်းပြ အန်တိုနီယို ကွန်တီက “အသင်း ကနေ တစ်ယောက်ယောက်က ထွက်သွားရင် နောက်တစ်ယောက် ထပ်လာဖို့ လိုအပ်ပါတယ်။ အဲ့လိုမှ မဟုတ်ရင်တော့ အသင်းမှာ ရှိတဲ့သူတွေနဲ့ပဲ ဆက်သွားရမှာပါ။ ကျွန်တော် ကတော့ တစ်ယောက်ထွက်ရင် တစ်ယောက် ပြန်ခေါ်ချင်ပါတယ်။ ဒါက ကျွန်တော့် အတွက် ရော၊ ကလပ် အတွက်ပါ ရှင်းနေတဲ့ အရာပါ။ အဲ့ဒီ အတွက်လည်း အလုံးစုံ သဘောတူထားပါတယ်။”လို့ ပြောကြားသွားခဲ့တာ ဖြစ်ပါတယ်။

တော့တင်ဟမ်ဟော့စပါးဟာ အခုနှစ် နွေရာသီမှာ ပါရီဆစ်၊ ဖရေဆာ ဖော်စတာ၊ ဘစ်ဆူးမား၊ ရစ်ချာလီဆင်၊ လန်းဂ်လတ်၊ ဂျက်ဒ် စပန့်စ်၊ အူဒိုဂီ စုစုပေါင်း ကစားသမား ၇ ဦးအထိ ခေါ်ယူထားတဲ့ အသင်းလည်း ဖြစ်ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.