ဒီကနေ့ မနက်ပိုင်း အထိ ရရှိထားတဲ့ ပရီးမီးယားလိဂ် သတင်း တချို့နဲ့ စိတ်ဝင်စားစရာ အပြောင်းအရွှေ့တွေကို ဆက်လက် ဖော်ပြပေးမှာ ဖြစ်ပါတယ်။
အကွက်ဝင်တာနဲ့ အသင်းဟောင်းကို ပညာပြခဲ့တဲ့ မော်ရင်ဟို
ရိုးမား ကွင်းလယ်လူ နီကိုလို ဇာနီယိုလိုကို ပရီးမီးယားလိဂ် ကလပ် တော့တင်ဟမ်ဟော့စပါးက ခေါ်ယူဖို့ နောက်ဆုံး အဆင့်ထိ ရောက်ရှိခဲ့ပေမယ့် နည်းပြဟောင်း မော်ရင်ဟိုရဲ့ ပိတ်ပင် တားဆီးမှုကြောင့် ပျက်ပြယ်ခဲ့တယ်လို့ သိရပါတယ်။
ဒါပေမယ့် စပါး နည်းပြဟောင်း မော်ရင်ဟိုက ဇန်နီယိုလိုကို လက်လွှတ်ဖို့ ငြင်းဆန်ခဲ့ပြီး လက်တလော မှာတော့ မြောက်လန်ဒန် ကလပ်က ပြောင်းရွှေ့ကြေး တိုးမြှင့် ကမ်းလှမ်းဖို့ ပြင်ဆင်နေတယ်လို့ သိရပါတယ်။ ဒါ့အပြင် စပါးက အပြောင်းအရွှေ့ တစိတ်တပိုင်း အဖြစ် အသင်း အတွက် အသုံးမလိုတော့တဲ့ အန်ဒွန်ဘီလီ ကိုပါ ထည့်သွင်း ကမ်းလှမ်းပေးသွားဖို့ ရှိနေတယ်လို့လည်း ဖော်ပြထားတာ တွေ့ရပါတယ်။
မန်စီးတီးရဲ့ ပစ်မှတ် စာရင်းထဲ ဝင်လာတဲ့ ဒေါ့မန် ဘယ်နောက်ခံလူ
ပရီးမီးယားလိဂ် ချန်ပီယံ မန်စီးတီး အသင်း ကတော့ ဘယ်နောက်ခံလူ ပြဿနာကို ဖြေရှင်းဖို့ အတွက် ဒေါ့မန် နောက်ခံလူ ရာဖေးလ် ဂွါရဲရိုးကို သူတို့ရဲ့ ပစ်မှတ် ကစားသမား စာရင်းထဲ ထည့်သွင်းလာခဲ့ပါတယ်။ မန်စီးတီးတို့ နောက်တန်း ဘယ်အစွန်မှာ ကစားတဲ့ ဇင်ချန်ကို,ကို ရောင်းထုတ်ထားသလို ဘင်ဂျမင် မန်ဒီ ကလည်း စွပ်စွဲခံထားရတဲ့ မုဒိမ်းမှုတွေ အတွက် တရားရင်ဆိုင်နေရဆဲ ဖြစ်တာကြောင့် ကစားသမားသစ် ခေါ်ယူဖို့ လိုအပ်နေတာပါ။
မန်စီးတီး ဟာ ဂွါရဲရိုး အပြင် စတုဂတ် နောက်ခံလူ ဘော်နာ ဆိုဆာနဲ့ ဘင်ဖီကာ နောက်ခံလူ အဲလက်စ်ဂရီ မယ်လ်ဒို တို့ကိုလည်း ပစ်မှတ်ထား စောင့်ကြည့်လျက် ရှိကြောင်းလည်း သိရပါတယ်။ မန်စီးတီးတို့ အစောပိုင်းမှာ ဘရိုက်တန် နောက်ခံလူ မာ့ခ် ကူကာရယ်လာကို ကြိုးပမ်းခဲ့သေးပေမယ့် ပြောင်းရွှေ့ကြေး ညှိနှိုင်းလို့ အဆင်မပြေခဲ့သလို ပြိုင်ဘက် ချဲလ်ဆီးရဲ့ ကြားဖြတ် ခေါ်ယူခြင်းလည်း ခံထားခဲ့ရပါတယ်။
ဘရန့်ဖို့ဒ်ကို ပြောင်းရွှေ့သွားတဲ့ ဆမ်ဒိုးရီးယား ကွင်းလယ်လူ
ဆမ်ဒိုးရီးယား တောင်ပံ ကစားသမား မီကယ်လ် ဒမ်းစ်ဂတ်ကို ခေါ်ယူနိုင်ခဲ့ပြီ ဖြစ်ကြောင်း ပရီးမီးယားလိဂ် ကလပ် ဘရန့်ဖို့ဒ်က တရားဝင် ကြေညာသွားခဲ့ပါတယ်။
ဒမ်းစဂတ် ရဲ့ အပြောင်းအရွှေ့ ကနေ ဆမ်ဒိုးရီးယားတို့ ယူရို (၁၅) သန်း ရရှိခဲ့ပြီး ကစားသမား ကတော့ ဘရန့်ဖို့ဒ်နဲ့ ၅ နှစ် စာချုပ်ချုပ်ဆိုခဲ့တယ်လို့ သိရပါတယ်။ ဒမ်းစဂတ်ဟာ ပြီးခဲ့တဲ့ ယူရို ၂၀၂၀ မှာ ဒိန်းမတ် အသင်း အတွက် ခြေစွမ်းပြနိုင်ခဲ့ပြီးနောက် ဥရောပ ထိပ်တန်း ကလပ် အများစုနဲ့ စောင့်ကြည့်ခြင်းခံခဲ့ရတဲ့ ကစားသမားလည်း ဖြစ်ပါတယ်။
ဘရန့်ဖို့ဒ်တို့ လက်ရှိ နွေရာသီမှာ ဒိန်းမတ် ကွင်းလယ်လူ အဲရစ်ဆင်ကို မန်ချက်စတာယူနိုက်တက် အသင်းထံ လက်လွှတ်ထားခဲ့ရပြီးနောက် နောက်ထပ် ဒိန်းမတ် လက်ရွေးစင် ကစားသမား တစ်ဦးကို ပြန်လည် ခေါ်ယူနိုင်ခဲ့တာလည်း ဖြစ်ပါတယ်။
နော့ဂျယ်လန်းမှာ ပရော်ဖက်ရှင်နယ် ကစားသမားဘဝကို စတင်ခဲ့တဲ့ ဒမ်းစဂတ်ဟာ စီးရီးအေ ကလပ်မှာ နှစ်ရာသီ ဖြတ်သန်းခဲ့ပြီးနောက် စိန်ခေါ်မှု အသစ်တွေနဲ့ ရင်ဆိုင်ဖို့ ပရီးမီးယားလိဂ်ကို ပြောင်းရွှေ့ကစားဖို့ ဆုံးဖြတ်ခဲ့တာ ဖြစ်တယ်လို့လည်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
