အောက်တိုဘာ ၁၉ ရက်နေ့ မနက်ခင်း အထိ နောက်ဆုံး ရရှိထားသမျှ ပရီးမီးယားလိဂ် သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
ရော်နယ်ဒိုကို လျှော့မတွက်တဲ့ ကွန်တီ
တော့တင်ဟမ်ဟော့စပါး နည်းပြ အန်တိုနီယို ကွန်တီ ကတော့ ယနေ့ညမှာ ကစားရမယ့် မန်ချက်စတာယူနိုက်တက်နဲ့ ပရီးမီးယားလိဂ် ပွဲစဉ် မတိုင်ခင် ပြိုင်ဘက်ကစားသမား ရော်နယ်ဒိုကို ချီးကျူးမှုတွေ ပြုလုပ်သွားခဲ့ပါတယ်။ ဒီရာသီမှာ ခြေစွမ်းပြနိုင်ဖို့ ရုန်းကန်နေရတဲ့ ရော်နယ်ဒိုကို ကွန်တီက လျှော့တွက်ထားတာမျိုး မလုပ်ဘဲ ပွဲအဖြေကို ပြောင်းလဲပေးနိုင်မယ့်သူလို့ ယူဆထားတာပါ။
ရော်နယ်ဒိုရဲ့ ခြေစွမ်းနဲ့ ပတ်သက်ပြီး သူ့ကို မေးမြန်းခဲ့ချိန်မှာ “ရော်နယ်ဒိုရဲ့ ခြေစွမ်းနဲ့ ပတ်သက်ပြီး မေးမြန်းခံရတဲ့ နောက်ဆုံးလူက ကျနော် ဖြစ်မယ်ထင်တယ်၊ ဘာလို့လဲ ဆိုတော့ ပြီးခဲ့တဲ့ ရာသီက သူက ကျနော်တို့ကို ဟက်ထရစ် သွင်းခဲ့တာလေ၊ အရမ်း အံ့အားသင့်ဖို့ ကောင်းတဲ့ ကစားသမား တစ်ဦး ဖြစ်ပြီး ကစားပေးနေတဲ့ အသင်း အတွက် ခြားနားချက် တစ်ခုကို ဖန်တီးပေးနေဦးမယ့်သူ တစ်ဦး အကြောင်းကို ကျနော်တို့ ပြောနေကြတာပါ”
“မနှစ်က ၃-၂ နဲ့ ရော်နယ်ဒိုကို ကျနော်တို့ ရှုံးခဲ့ပါတယ်၊ ယူနိုက်တက်ကို ရှုံးတာ မဟုတ်ဘူးနော်၊ ရော်နယ်ဒိုကို ရှုံးခဲ့တာပါ၊ ကျနော် ကောင်းကောင်း မှတ်မိတာပေါ့၊ ကျနော်တို့ ပွဲကောင်း တစ်ပွဲကို ကစားနိုင်ခဲ့ပေမယ့် သူက ပွဲအဖြေကို ပြောင်းလဲပေးခဲ့တာပါ” လို့ ပြောဆိုသွားခဲ့ပါတယ်။ ရော်နယ်ဒို ကတော့ ဒီရာသီမှာ လိဂ်ဂိုး ၁ ဂိုးတည်းသာ ရရှိထားပြီး ခြေစွမ်းပြနိုင်ဖို့ ရုန်းကန်နေရပါတယ်။
ကမ္ဘာ့ဖလားနဲ့ လွဲချော်ခဲ့ပြီဖြစ်တဲ့ ဒီယိုဂို ဂျိုတာနဲ့ အန်ဂိုလို ကန်တေ
ပရီးမီးယားလိဂ် ကလပ်တွေ ဖြစ်တဲ့ လစ်ဗာပူးလ်နဲ့ ချဲလ်ဆီးအသင်းတို့ ကစားသမားတွေ ဖြစ်တဲ့ ဂျိုတာနဲ့ ကန်တေ တို့ဟာ ဒဏ်ရာ ပြသနာတွေကြောင့် ကမ္ဘာ့ဖလားနဲ့ ကိုယ်စီလွဲချော်ခဲ့ကြပြီ ဖြစ်ပါတယ်။ ဂျိုတာဟာ မန်ချက်စတာစီးတီးနဲ့ ကစားခဲ့တဲ့ ပွဲမှာ ဒဏ်ရာရရှိခဲ့တာ ဖြစ်ပြီး အဲ့ဒီ ဒဏ်ရာကြောင့် ၂ လခန့် အနားယူရတော့မှာ ဖြစ်ပြီး ကမ္ဘာ့ဖလားကို လွဲချော်တော့မယ်လို့ လစ်ဗာပူးလ် နည်းပြ ဂျာဂျင် ကလော့ပ်က အတည်ပြုခဲ့ပါတယ်။
ဒါ့အပြင် ချဲလ်ဆီး ကွင်းလယ်လူ ကန်တေ ဟာလည်း ဒဏ်ရာကြောင့် ၄ လကြာ အနားယူရမယ်လို့ ကလပ် အသင်း ဘက်က ပြောဆိုခဲ့ပါတယ်။ ဒါကြောင့် ကန်တေဟာ နောက်နှစ် ဖေဖော်ဝါရီလောက်မှ အသင်း အတွက် ပြန်လည် ကစားပေးနိုင်ဖွယ် ရှိနေပြီး ကမ္ဘာ့ဖလားကို ဂျိုတာ နည်းတူ လွဲချော်ခဲ့ပြီ ဖြစ်ကာ နာမည်ကျော် ကစားသမား နှစ်ဦး ကတော့ ကာတာကို လိုက်ပါခွင့် ဆုံးရှုံးခဲ့ပြီ ဖြစ်ပါတယ်။
ကမ္ဘာ့ဖလား ပြိုင်ပွဲကို လာမယ့် နိုဝင်ဘာလ အလယ်မှာ စတင် ကျင်းပမှာ ဖြစ်ပြီး ကစားသမားတွေ အတွက်တော့ တော်တော်လေး အခက်တွေ့နေပါတယ်။ ကလပ်အသင်း ပွဲစဉ်တွေကို တောက်လျာက် ကစားရဖို့ ရှိနေပြီး ပြိုင်ပွဲ ကျင်းပဖို့ တစ်ပတ် အလိုထိ ကစားပေးခဲ့ရမှာ ဖြစ်လို့ လာမယ့် ကာလတွေ မှာလည်း ဒဏ်ရာပြသနာကြောင့် လွဲချော်နိုင်တဲ့ ကစားသမားတွေ ထပ်မံ ထွက်ပေါ်လာနိုင်ပါတယ်။
ချန်ပီယံရှစ် ပွဲစဉ်တွေကို ကိုင်တွယ်လိုက်ရတဲ့ ခရိတ်ပေါလ်ဆင်
မန်ချက်စတာယူနိုက်တက်နဲ့ နယူးကာဆယ်ယူနိုက်တက် တို့ရဲ့ ပရီးမီးယားလိဂ် ပွဲစဉ်မှာ အငြင်းပွားဖွယ်ရာ ဖြစ်ရပ်တွေကို ဖန်တီးခဲ့တဲ့ ကွင်းလယ်ဒိုင်လူကြီး ခရိတ် ပေါလ်ဆင်ဟာ ဘလက်ဘန်းနဲ့ ဆန်းဒါလန်းတို့ ကစားခဲ့တဲ့ ချန်ပီယံလိဂ်ရှစ် ပွဲစဉ်ကို ကိုင်တွယ်ခဲ့ရပါတယ်။ မနေ့ညက ကစားခဲ့တဲ့ ပွဲကို ကိုင်တွယ်ခဲ့ရတာ ဖြစ်ပြီး ဒီနေ့မှာ ပရီးမီးယားလိဂ် ပွဲစဉ်တွေ ရှိနေပေမယ့် သူ့ကို ရပ်နားထားခဲ့တာ ဖြစ်ပါတယ်။
ဒါဟာ ယူနိုက်တက်တို့ ရရှိခဲ့သင့်တဲ့ အခွင့်အရေးတွေကို ငြင်းဆန် ပယ်ချခဲ့ပြီး အငြင်းပွားဖွယ်ရာ လုပ်ရပ်တွေ ဖြစ်ပေါ်ခဲ့တာကြောင့်လို့ ယူဆရပါတယ်။ အဆိုပါပွဲမှာ ယူနိုက်တက်တို့ ဆန်ချို ပြစ်ဒဏ်ကျူးလွန်ခံခဲ့ရပေမယ့် ပင်နယ်တီ မရခဲ့သလို ရော်နယ်ဒိုက ပြိုင်ဘက် ဂိုးသမား ကန်တင်ဖို့ လုပ်နေချိန် ကြားဖြတ်ဝင်ပြီး ကန်သွင်းခဲ့တဲ့ ဂိုးကိုလည်း ခွင့်ပြုမခံခဲ့ရပါဘူး။
အနှေးပြကွက်တွေနဲ့ ကျွမ်းကျင်သူတွေရဲ့ အဆိုအရတော့ အဆိုပါ ဖြစ်ရပ်တွေမှာ ယူနိုက်တက်တို့ အခွင့်အရေး ရခဲ့သင့်တယ်လို့ မှတ်ချက်ပြုမှုတွေ ရှိခဲ့ပြီး ခရိတ် ပေါလ်ဆင်လည်း ဝေဖန်ခံခဲ့ရပါတယ်။ ဒါကြောင့် သူ့ကို ချန်ပီယံရှစ်ပွဲတွေ ပြောင်းလဲ ကိုင်တွယ်စေခဲ့တယ်လို့ အားလုံးက ယူဆနေပါတယ်။ ဘလက်ဘန်းနဲ့ ဆန်းဒါးလန်းပွဲ မှာလည်း သူက အငြင်းပွားစရာ ဆုံးဖြတ်ချက် တချို့ ထပ်လုပ်ခဲ့ပြန်တယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
