ပရီးမီးယားလိဂ် ကလပ် မန်ချက်စတာယူနိုက်တက် အသင်း ကတော့ နွေရာသီ ဈေးကွက် အတွင်းမှာ ခံစစ်ပိုင်း အားဖြည့်တင်းဖို့ အတွက် အဲဗာတန် ခံစစ် ကြယ်ပွင့် ဂျရတ် ဘရန့်ဝိတ်သ်ကို ခေါ်ယူချင်နေတာ ဖြစ်ပါတယ်။ ယူနိုက်တက်ဟာ အင်္ဂလန် နောက်ခံလူ အတွက် ပထမအကြိမ် ကမ်းလှမ်းမှု ပြုလုပ်ထားခဲ့ပေမယ့် ပယ်ချခံထားရပြီး နောက်ထပ် တစ်ကြိမ် ကမ်းလှမ်းမှု ထပ်မံ လုပ်ဆောင်သွားဖို့ ရှိနေတယ်လို့ သိရပါတယ်။
ယူနိုက်တက်ဟာ နောက်ခံလူ ရာဖေးလ် ဗာရန်း၊ အီဗန့်စ် တို့နဲ့ စာချုပ် သက်တမ်း ကုန်ဆုံးသွားပြီ ဖြစ်သလို လင်ဒီလော့ဖ်နဲ့ မက်ဂွိင်းယား တို့နဲ့လည်း အနာဂတ် မသေချာတော့တာကြောင့် ခံစစ် ကစားသမားသစ်တွေကို ခေါ်ယူဖို့ ပစ်မှတ်ထားနေတာ ဖြစ်ပါတယ်။ အသက် (၂၁) နှစ် အရွယ် ဗဟိုခံစစ်မှူးလေး ဘရန့်ဝိတ်သ်ဟာ လက်ရှိမှာ ယူနိုက်တက်ရဲ့ ဦးစားပေး ပစ်မှတ်ထဲမှာ ပါဝင်နေပြီး အခြား ခံစစ်မှူးတွေ ကိုလည်း စောင့်ကြည့်နေတဘ်လို့ သိရပါတယ်။
ဘရန့်ဝိတ်သ်ဟာ ၂၀၁၉ ခုနှစ် ကမှ အဲဗာတန်ဆီ ရောက်ရှိလာခဲ့ပြီးတော့ ဘလက်ဘန်း၊ ပီအက်စ်ဗွီ အင်ဟိုဗင် တို့မှာ အငှားထွက် ကစားခဲ့သလို ပြီးခဲ့တဲ့ ၂ဝ၂၃-၂၄ ဘောလုံးရာသီမှာ အဲဗာတန် အတွက် အသေအချာ ကစားခွင့်ရရှိခဲ့တာ ဖြစ်ပါတယ်။ ဘရန့်ဝိတ်သ်ဟာ အဲဗာတန်ရဲ့ တစ်ရာသီ အတွင်း အကောင်းဆုံး ကစားသမားဆုနဲ့ လူငယ် ကစားသမားဆုတွေ ကို သိမ်းပိုက်နိုင်ခဲ့တဲ့ အထိ အသင်းရဲ့ ခံစစ်မှာ ခြေစွမ်းပြနိုင်ခဲ့သူ ဖြစ်ပါတယ်။
သတင်းတွေအရ ဆိုရင် ဘရန့်ဝိတ်သ်ကို ပရီးမီးယားလိဂ် ကလပ်တွေ အပြင် ရီးရဲလ်မက်ဒရစ် ကပါ စိတ်ဝင်စားမှုတွေ ရှိနေတယ်လို့ သိရပါတယ်။ ယူနိုက်တက်ဟာ အဲဗာတန် ကနေ ရွန်နီ၊ လူကာကူ၊ ဖယ်လိုင်နီ တို့ကို ခေါ်ယူခဲ့ဖူးပြီး လက်ရှိမှာ ယူနိုက်တက် အနေနဲ့ ခံစစ်မှူးလေး ဘရန့်ဝိတ်သ် ကိုပါ ထပ်မံ ခေါ်ယူနိုင်သွားမလား ဆိုတာ စောင့်ကြည့်ရမှာ ဖြစ်ပါတယ်။ ယူနိုက်တက်ဟာ ကစားသမားနဲ့ လစာကိစ္စ စာချုပ်ကိစ္စတွေမှာ သဘောတူညီမှု ရယူနိုင်ခဲ့သလို ဘရန့်ဝိတ်သ် ကလည်း ယူနိုက်တက်ဆီ ပြောင်းရွှေ့ချင်နေတယ်လို့ သိရပါတယ်။ ဒါပေမယ့်လည်း ပရီးမီးယားလိဂ် ကလပ် နှစ်ခု အကြား ဘရန့်ဝိတ်သ် အတွက် ပြောင်းရွှေ့ကြေးကိစ္စ မှာတော့ အဆင်မပြေနိုင်သေးပဲ ဖြစ်နေရပါတယ်။
ယူနိုက်တက်ဟာ ဘရန့်ဝိတ်သ် အတွက် ကနဦး အနေနဲ့ ပြောင်းရွှေ့ကြေး ပေါင် (၄၃) သန်းနဲ့ ကမ်းလှမ်းထာခဲ့ပေမယ့်လည်း အဲဗာတန် ကတော့ ဒီကမ်းလှမ်းချက်ကို ပယ်ချထားခဲ့ပါတယ်။ သတင်းတွေ အရ ဆိုရင် အဲဗာတန်ဟာ သူတို့ရဲ့ ကစားသမား အတွက် အနိမ့်ဆုံး ပေါင် (၆၅) သန်းလောက် အထိ အလိုရှိနေတာ ဖြစ်ပါတယ်။ ယူနိုက်တက် အနေနဲ့ ကတော့ အဲဗာတန် အလိုရှိနေတဲ့ တန်ကြေး အတိုင်း ကမ်းလှမ်းဖို မလွယ်ကူသေးပေမယ့်လည်း ဘရန့်ဝိတ်သ် အတွက် ဒုတိယအကြိမ် ကမ်းလှမ်းမှု လုပ်ဆောင်သွားဖို့ ပြင်ဆင်နေပြီလို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
