အိုနာနာ နောက်ထက် တစ်ယောက်နဲ့ ဆွေးနွေးနေပြန်တဲ့ မန်ချက်စတာယူနိုက်တက် (ပရီးမီးယားလိဂ် သတင်းများ)

ဒီတစ်ခါ မှာတော့ ဩဂုတ်လ ၁၀ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။

အိုနာနာ နောက်ထက် တစ်ယောက်နဲ့ ဆွေးနွေးနေပြန်တဲ့ မန်ချက်စတာယူနိုက်တက် 

ပရီးမီးယားလိဂ် ကလပ် မန်ချက်စတာယူနိုက်တက်ဟာ အဲဗာတန် ကွင်းလယ် ကစားသမား အမာဒူ အိုနာနာကို ခေါ်ယူဖို့ အတွက် ပြောဆို ဆွေးနွေးခဲ့တယ်လို့ သတင်းတွေက ဖော်ပြခဲ့ပါတယ်။ 

မန်ချက်စတာယူနိုက်တက်နဲ့ အဲရစ်ခ် တန်ဟက်ဂ် တို့ဟာ ယခုနွေရာသီမှာ မေဆန် မောင့်၊ အန်ဒရီ အိုနာနာ၊ ရက်စ်မက်စ် ဟော့ဂျ်လန်း တို့ကို ခေါ်ယူထားနိုင်ခဲ့ပြီး ဖြစ်ပါတယ်။ ဒါ့အပြင် ဖီအိုရင်တီးနား ကွင်းလယ်လူ အမ်မရာဘတ်ကို ထိပ်တန်း ပစ်မှတ် အဖြစ် ခေါ်ယူဖို့ ကြိုးပမ်းနေတာ ဖြစ်ပါတယ်။ 

ဒါ့အပြင် နိုက်စ် နောက်ခံလူ ဂျင်းကလဲ တိုဒီဘို ကိုလည်း ပစ်မှတ်ထားနေတယ်လို့ Daily Mail က ဖော်ပြခဲ့ပြီး အဲဗာတန်က အမာဒူ အိုနာနာနဲ့ လိဒ်စ်ယူနိုက်တက်က တိုင်လာ အဒမ်စ် တို့နဲ့လည်း ပြောဆို ဆွေးနွေးခဲ့တယ်လို့ ဖော်ပြခဲ့တာ ဖြစ်ပါတယ်။

မန်စီးတီးရဲ့ အပြောင်းအရွှေ့က မလွယ်ကူနိုင်ဘူးလို့ သတိပေးခဲ့တဲ့ ရိုမာနို 

အပြောင်းအရွှေ့ အထူးကျွမ်းကျင်သူ ဖာဘရီဇီယို ရိုမာနိုက ဝက်စ်ဟမ်း ကြယ်ပွင့် လူးကပ်စ် ပက်ကေးတား အတွက် မန်ချက်စတာစီးတီးရဲ့ ကြီးမားတဲ့ ကမ်းလှမ်းမှု နောက်ကွယ်က အသေးစိတ် အချက်အလက်တွေကို ထုတ်ဖော် ပြောဆိုခဲ့ပါတယ်။ 

အင်္ဂါနေ့ညမှာ မန်ချက်စတာစီးတီးက ပက်ကေးတား အတွက် ပေါင်သန်း ၇၀ နဲ့ ကမ်းလှမ်းမှု ပြုလုပ်ခဲ့တာ ဖြစ်ပြီး ဝက်စ်ဟမ်းက ကြယ်ပွင့် ကစားသမားနဲ့ လမ်းခွဲလိုခြင်း မရှိတာကြောင့် ပေါင်သန်း ၇၀ ထက် ပိုပြီး တောင်းဆိုသွားမှာ ဖြစ်တယ်လို့ သိရပါတယ်။ 

Football Insider ရဲ့ ဖော်ပြချက်အရ ဝက်စ်ဟမ်းဟာ ပက်ကေးတား အတွက် ပေါင်သန်း ၈၀ နဲ့ အထက် ကမ်းလှမ်းမှု ကိုမှ လက်ခံသွားမယ်လို့ သိရပါတယ်။ ကစားသမားက ပြောင်းရွှေ့ချင်ပေမယ့်လည်း ဝက်စ်ဟမ်းနဲ့ ညှိနှိုင်း ဆွေးနွေးမှုက ပေါင်သန်း ၇၀ နဲ့ မလုံလောက်နိုင်ဘဲ လွယ်ကူတဲ့ အပြောင်းအရွှေ့ ဖြစ်လာမှာ မဟုတ်ဘူးလို့ ရိုမာနိုက ပြောကြားခဲ့တာ ဖြစ်ပါတယ်။ 

ပေါ်တူဂီ ကြယ်ပွင့်ကို ဒုတိယအကြိမ် ကမ်းလှမ်းသွားနိုင်တဲ့ ချဲလ်ဆီး 

ခရစ္စတိုဖာ အန်ကွန်ကူဟာ ရာသီကြိုမှာ ရရှိခဲ့တဲ့ ဒဏ်ရာကြောင့် ၁၆ ပတ် အထိ အနားယူရနိုင်တာကြောင့် ပိုချက်တီနို အနေနဲ့ အချိန်ရှိတုန်း တိုက်စစ်မှူး တစ်ဦး အမြန်ခေါ်ယူဖို့ မဖြစ်မနေလိုအပ်လာပြီ ဖြစ်ပါတယ်။ 

ရာဟင်းမ် စတာလင် ကလည်း ရုန်းကန်နေရပြီး အာမန်ဒို ဘရိုဟာ အတွက် အသင်းရဲ့ အစီအစဉ် ကလည်း မရှင်းမလင်းဖြစ်နေချိန်မှာ ရာသီကြိုမှာ ခြေစွမ်းပြသနေတဲ့ အန်ကွန်ကူက ရာသီဝက်အထိ လွဲချော်တော့မှာ ဖြစ်ပါတယ်။ ချဲလ်ဆီးဟာ ပြီးခဲ့တဲ့နှစ်ကလို ဆေးမြီးတိုနည်းကို အသုံးပြုသွားဖွယ် ရှိပြီး ဂျာအို ဖီးလစ်ကို ကာလတို စာချုပ်နဲ့ အငှား ခေါ်ယူပြီး တိုက်စစ်ကို အင်အားဖြည့်တင်းခဲ့တာ ဖြစ်ပါတယ်။ ပေါ်တူဂီ တိုက်စစ်မှူးဟာ ချဲလ်ဆီး အတွက် ပရီးမီးယားလိဂ် အပါအဝင် ပွဲ ၂၀ မှာ ၄ ဂိုးသာ သွင်းယူနိုင်ခဲ့ပါတယ်။ ဒါပေမယ့် နည်းပြ အပြောင်းအလဲတွေ အောက်မှာ ကစားခဲ့ရတာကြောင့် ခြေစွမ်းပိုင်းကို ဝေဖန်ဖို့ ခက်ခဲပြီး ပိုချက်တီနို လက်ထက် မှာတော့ ဖီးလစ်ရဲ့ အကောင်းဆုံး ပုံစံကို မြင်တွေ့ရနိုင်ပါတယ်။ အသက် ၂၃ နှစ် အရွယ် တိုက်စစ်မှူးကို ပြန်ခေါ်ဖို့ကို ယခုနွေရာသီအစောပိုင်း ကတည်းက ချဲလ်ဆီးက စဉ်းစားခဲ့ပေမယ့်လည်း ပိုချက်တီနိုက ဂျာအို ဖီးလစ်ကို အပြီးသတ် ခေါ်ယူမယ့် ကိစ္စကို ငြင်းပယ်ခဲ့တာ ဖြစ်ပါတယ်။ အခုအချိန်မှာတော့ အန်ကွန်ကူလည်း ဒဏ်ရာကြောင့် ပါဝင်ကစားပေးနိုင်ခြင်း မရှိတော့တာကြောင့် ပိုချက်တီနို အတွက် ရွေးချယ်စရာ မရှိတဲ့ အခြေအနေ ဖြစ်လာပြီး အက်သလက်တီကို မက်ဒရစ် တိုက်စစ်မှူး ကိုပဲ ဒုတိယအကြိမ် အခွင့်အရေး ပေးသွားဖွယ် ရှိနေပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.