ပရီးမီးယားလိဂ် ထိပ်သီး မန်ချက်စတာယူနိုက်တက် ကတော့ နည်းပြသစ်နဲ့ အတူ အပြောင်းအလဲတွေ စတင် ပြုလုပ်ဖို့ သတင်းတွေ ဆက်တိုက် ထွက်ပေါ်နေခဲ့ပြီလည်း ဖြစ်ပါတယ်။ အခုနောက်ဆုံး ရရှိထားတဲ့ သတင်းတွေ အရ ယူနိုက်တက်ဟာ နာပိုလီ တောင်ပံ တိုက်စစ် ကစားသမား ခါဗီချာ ခါဗရာစခီလီယာကို မြင့်မားတဲ့ လုပ်ခလစာနဲ့ ကမ်းလှမ်းခဲ့တယ်လို့ သိရပါတယ်။
ယူနိုက်တက်ဟာ ခါဗရာစခီလီယာကို တစ်နှစ် လုပ်ခ လစာ ယူရို ၈ သန်း+အပိုဆုကြေးနဲ့ ကမ်းလှမ်းခဲ့ကြောင်း Sportmediaset က ဖော်ပြခဲ့တာ ဖြစ်ပါတယ်။ လက်ရှိမှာ အသက် ၂၃ နှစ် အရွယ် ရှိပြီ ဖြစ်တဲ့ ဂျော်ဂျီယာ လက်ရွေးစင် ကစားသမား ခါဗရာစခီလီယာဟာ နာပိုလီနဲ့ ၂၀၂၇ ခုနှစ် အထိ စာချုပ်သက်တမ်း ကျန်ရှိနေပြီး တစ်နှစ် လစာ ယူရို ၁.၅ သန်း ရရှိနေပါတယ်။ အခုလို သတင်းတွေ ထွက်နေချိန်မှာလည်း နာပိုလီဟာ ဂျော်ဂျီယာ ကြယ်ပွင့်ကို လုပ်ခလစာ တိုးမြှင့်ပေးပြီး စာချုပ်သစ် ချုပ်ဆိုဖို့ ဆွေးနွေးနေတယ်လို့လည်း သိရပါတယ်။
ဒီအခြေအနေမှာ ပရီးမီးယားလိဂ် ကလပ်က ခါဗရာစခီလီယာကို တစ်နှစ် လုပ်ခ လစာ ယူရို ၈ သန်း အပြင် အလွယ်တကူ ရရှိနိုင်တဲ့ ဆုကြေးတွေနဲ့ ကမ်းလှမ်းခဲ့ကြောင်း Sportmediaset က ဖော်ပြခဲ့တာ ဖြစ်ပါတယ်။ နာပိုလီဟာ ခါဗရာစီခီလီယာကို စာချုပ်သစ် ချုပ်ဆိုနိုင်ခြင်း မရှိရင်တော့ လာမယ့် ၂၀၂၅ ခုနှစ် နွေရာသီမှာ ယူရိုသန်း ၁၀၀ နဲ့ ရောင်းထုတ်ဖို့ စီစဉ်နေတယ်လို့ သိရပါတယ်။
စီးရီးအေ ကလပ် နာပိုလီ ဥက္ကဋ္ဌ ဒီလော်ရန်းတစ် ကတော့ သူတို့ရဲ့ ကစားသမား ခါဗရာစခီလီယာကို စာချုပ်သစ် ချုပ်ဆိုပြီး အသင်းမှာ ဆက်ထိန်းချင်ပေမယ့် တစ်နှစ် လုပ်ခ လစာ ယူရို ၆ သန်းထက် ပိုပေးဖို့ ဆန္ဒမရှိဘူးလို့ သိရပါတယ်။ ဒါကြောင့် နာပိုလီနဲ့ ကစားသမား အကြား စာချုပ်သစ် ဆွေးနွေးမှု ကိစ္စရပ်တွေမှာ အဆင်မပြေ ဖြစ်နေတယ်လို့ သိရပြီး ကြန့်ကြာနေကြောင်းလည်း သိရပါတယ်။
ရုရှား ကလပ်တွေမှာ ကစားသမားဘဝ စတင်ခဲ့တဲ့ ခါဗရာစခီလီယာ ကတော့ ၂၀၂၂ ခုနှစ်မှာ စီးရီးအေ ကလပ် နာပိုလီကို ပြောင်းရွှေ့ခဲ့ပါတယ်။ အဲဒီနောက် နာပိုလီ မှာတော့ ခါဗရာစခီလီယာက အကောင်းဆုံး တောက်ပခဲ့ပြီး ပထမ ရာသီမှာ ပြိုင်ပွဲစုံ ၄၃ ပွဲ ကစားရာမှာ ၁၄ ဂိုး သွင်းယူနိုင်ခဲ့သလို ဒုတိယ ရာသီမှာလည်း ၄၅ ပွဲ ကစားကာ ၁၁ ဂိုး သွင်းယူနိုင်ခဲ့ပါတယ်။ ခါဗရာစခီလီယာ အနေနဲ့ အခုနှစ် ဘောလုံး ရာသီမှာတော့ ပြိုင်ပွဲစုံမှာ ၅ ဂိုးသွင်းကာ ၂ ဂိုး ဖန်တီးပေးထားပါတယ်။
ခါဗရာစခီလီယာ အနေနဲ့ ဘယ်တောင်ပံ အပြင် အထောင် တိုက်စစ်နဲ့ နောက်ချန် တိုက်စစ် နေရာတွေမှာပါ ကစားနိုင်သူ ဖြစ်တာကြောင့် ယူနိုက်တက် လိုအပ်နေတဲ့ ကစားသမား တစ်ဦး ဖြစ်လာနိုင်ဖို့တော့ ရှိပါတယ်။ ဒီကစားသမား ကိုတော့ ပရီးမီးယားလိဂ် ကလပ် ယူနိုက်တက် အပြင် ဘာစီလိုနာနဲ့ ပီအက်စ်ဂျီ တို့ကလည်း ခေါ်ယူလိုနေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
