ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် ကောလာဟလတွေကို ဖော်ပြပေးသွားမှာ ဖြစ်ပါတယ်။
မန်ချက်စတာစီးတီး နည်းပြ ပပ် ဂွါဒီယိုလာ ကတောာ့ အက်စတွန်ဗီလာ ကွင်းလယ်လူ ဂျကော့ပ် ရမ်ဆေးကို ခေါ်ယူချင်နေတယ်လို့ သိရပါတယ်။ ပရီးမီးယားလိဂ် ထိပ်သီး တို့ဟာ အင်္ဂလန် ကွင်းလယ် ကစားသမားကို ခေါ်ယူချင်ရင်တော့ ပေါင် သန်း ၅၀ ကျော် ပေးချေရမှာလည်း ဖြစ်ပါတယ်။ မန်စီးတီး ကတော့ အနာဂတ်မှာ ကွင်းလယ်ပိုင်းကို ပြန်လည် တောင့်တင်းစေဖို့ လူငယ် ကြယ်ပွင့်တွေနဲ့ အားဖြည့်ဖို့ ကြိုးပမ်းနေတာ ဖြစ်ပါတယ်။
အာဆင်နယ် ကတော့ ရီးရဲလ်ဆိုစီဒက် ကွင်းလယ်လူ မာတင် ဇူဘီမန်ဒီကို ခေါ်ယူနိုင်ဖို့ အခြေအနေ ကောင်းနေပြီး ပြိုင်ဘက် မန်ချက်စတာယူနိုက်တက် ကိုလည်း ညှိနှိုင်း စားပွဲ ကနေ ထွက်ခွာသွားဖို့ တွန်းအားပေးနိုင်ခဲ့ပါတယ်။ ဇူဘီမန်ဒီဟာ ပြီးခဲ့တဲ့ ဆောင်းရာသီ အပြောင်းအရွှေ့ ကတည်းက အာဆင်နယ်နဲ့ ပုဂ္ဂိုလ်ရေးအရ သဘောတူညီမှု ရရှိထားပေမယ့် တခြားသော ကလပ်တွေက ဝင်ရောက် ကြိုးပမ်းလာခဲ့တာလည်း ဖြစ်ပါတယ်။
ဟာဗေး အဲလီယော့တ် ကတော့ လစ်ဗာပူးလ်မှာ သူ့အနေနဲ့ ပွဲချိန် အကန့်အသတ်နဲ့ ကစားနေရတာကြောင့် မပျော်ရွှင်ကြောင်း ဖွင့်ဟ ပြောဆိုလာခဲ့ပါတယ်။ ပရီးမီးယားလိဂ် ကလပ်ဟာ သူတို့ရဲ့ ကွင်းလယ်လူကို လာမယ့် ရာသီမှာ အငှားချဖို့ ဆန္ဒရှိနေပေမယ့် အပြီးတိုင် ရောင်းထုတ်လိုခြင်းတော့ မရှိကြောင်း သိရပါတယ်။
မန်စီးတီး ကတော့ လာမယ့် နွေရာသီမှာ အသင်း ကနေ ထွက်ခွာဖွယ် ရှိနေတဲ့ အီဒါဆန်ရဲ့ နေရာမှာ အစားထိုးဖို့ ဘင်ဖီကာ ဂိုးသမား အနာတိုလီ ထရူဘင် ကိုလည်း စိတ်ဝင်စားနေတယ်လို့ သိရပါတယ်။ ဒါ့အပြင် မန်စီးတီးက လိုင်လီက လူးကပ်စ် ချက်ဗလီယာနဲ့ ပါးမားက ဇီယွန် ဆူဇူကီး တို့ကိုလည်း ပစ်မှတ် စာရင်းထဲ ထည့်သွင်းထားကြောင်း သိရပါတယ်။ လူးကပ်စ် ချက်ဗလီယာ ကိုတော့ လာလီဂါ ထိပ်သီး ဘာစီလိုနာ ကလည်း ခေါ်ယူဖို့ စိတ်ဝင်စားနေကြောင်း Fichajes က ဖော်ပြထားပါတယ်။
အကယ်၍ ဘာစီလိုနာ ကသာ နေမာကို ပြန်လည် ခေါ်ယူဖို့ စိတ်ဝင်စားမှု မရှိရင်တော့ တူရကီ ထိပ်သီး ကလပ် ဂါလာတာဆာရေးက ဘရာဇီးသားကို ကမ်းလှမ်းသွားဖို့ ဆန္ဒရှိနေကြောင်း စပိန် သတင်းစာ El Nacional က ဖော်ပြပါတယ်။ နေမာ ကတော့ လက်ရှိမှာ သူ့ရဲ့ ဘရာဇီးလ် ငယ်ဘဝ ကလပ် ဆန်းတို့စ်မှာ ကစားနေပြီးတော့ ၇ ပွဲ ကစားပြီး ၃ ဂိုး သွင်း၊ ၃ ဂိုး ဖန်တီးပြီး ခြေစွမ်းပြလျက်ရှိနေပါတယ်။
ဘာစီလိုနာ အားကစား ဒါရိုက်တာ ဒေကို ကတော့ အေစီမီလန် တောင်ပံ ကြယ်ပွင့် ရာဖေးလ် လီယောင်ထက် အတ္တလန္တာ တိုက်စစ် ကစားသမား အဒမ်မိုလာ လွတ်ခ်မန်းကို ပိုမို နှစ်သက်ကြောင်း ပြောကြားလာခဲ့ပါတယ်။ ဆော်ဒီပရိုလိဂ် ကလပ် အများအပြား ကတော့ ဘာစီလိုနာ တိုက်စစ်မှူး ရာဖင်ညာကို ယူရို သန်း ၁၀၀နဲ့ ကမ်းလှမ်းဖို့ အဆင်သင့် ရှိနေကြကြောင်း သိရပါတယ်။ ရာဖင်ညာ ကတော့ လက်ရှိ ဘာစီလိုနာမှာ ခြေစွမ်းပြနေပြီးတော့ အသင်း ပြောင်းဖို့ ဆန္ဒ မရှိသေးသူလည်း ဖြစ်ပါတယ်။ ဘရာဇီးလ်သား ကတော့ ဒီရာသီမှာ ဘာစီလိုနာ အတွက် ပြိုင်ပွဲစုံ ပွဲ ၄၀ ကစားပြီး ၂၅ ဂိုး သွင်းကာ ၁၆ ဂိုး ဖန်တီးထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
