ဟော့ဂျ်လန်းကို နူးညက်ဇ်နဲ့ ဥပမာပေးပြီး သတိပေးခဲ့တဲ့ ဖာဒီနန် (ပရီးမီးယားလိဂ် သတင်းများ)

ဒီတစ်ခါ မှာတော့ ဩဂုတ်လ ၃ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။

ဟော့ဂျ်လန်းကို နူးညက်ဇ်နဲ့ ဥပမာပေးပြီး သတိပေးခဲ့တဲ့ ဖာဒီနန် 

မန်ချက်စတာယူနိုက်တက် ဂန္တဝင် ရီယို ဖာဒီနန်က အိုးထရက်ဖို့ဒ်ကို ပြောင်းရွှေ့လာတော့မယ့် ရက်စ်မက်စ် ဟော့ဂျ်လန်းဟာ လစ်ဗာပူးလ်က ဒါဝင် နူးညက်ဇ် လိုပဲ အသားကျဖို့ အချိန်ယူရလိမ့်မယ်လို့ ပြောကြားခဲ့ပါတယ်။ 

ဖာဒီနန်က ဟော့ဂျ်လန်းဟာ မန်ချက်စတာယူနိုက်တက်ရဲ့ တိုက်စစ်ကို ဦးဆောင်ဖို့ အရည်အချင်း အားလုံး ရှိတယ်လို့ ပြောကြားခဲ့ပေမယ့်လည်း အသက် ၂၀ အရွယ် ကစားသမားက ပတ်ဝန်းကျင်သစ်နဲ့ ပရီးမီးယားလိဂ်က စိန်ခေါ်မှုတွေကို အသားကျဖို့ အချိန်ယူရလိမ့်မယ်လို့ သတိပေးခဲ့တာ ဖြစ်ပါတယ်။ 

“ခင်ဗျား အရင်ဆုံးကြည့်ရမယ့် အရာက ကြီးမားတဲ့ အလားအလာ ရှိတယ် ဆိုတာပါပဲ။ သူ ကစားတာ မြင်ခဲ့တဲ့ ဘယ်သူမဆို ခင်ဗျား နှစ်သက်တဲ့ အရည်အချင်းတွေ ရှိတယ်ဆိုတာကို မြင်မှာပါ။ သူက ပရီးမီးယားလိဂ်နဲ့ သင့်တော်တယ်။ စျေးနှုန်း ကတော့ သူနဲ့ မဆိုင်ဘူးလို့ ထင်တယ်။ လစ်ဗာပူးလ်က ဒါဝင် နူးညက်ဇ်နဲ့ နည်းနည်းတူတယ်လို့ ကျွန်တော် ထင်တယ်။ ပြီးခဲ့တဲ့ရာသီက သူ အသားကျအောင် လုပ်ခဲ့ရတဲ့ ရာသီပါ။ သူက လိဂ်ကို ရောက်လာတဲ့ ငယ်ရွယ်တဲ့ တိုက်စစ်မှူးပါ။ ပရီးမီးယားလိဂ်မှာ သူ့မှာ ရှိတဲ့ အရာအားလုံးက ကွက်တိ အံဝင်မှာပါ။ ဒါပေမယ့် သူဖြစ်ချင်သလိုတော့ မဖြစ်ခဲ့ပါဘူး။ ဒီရာသီက လစ်ဗာပူးလ် အတွက် မတူညီတဲ့ ကစားသမားကို ကျွန်တော်တို့ မြင်ရလိမ့်မယ်လို့ ထင်တယ်။ ဟော့ဂျ်လန်း ကိုလည်း ကျွန်တော် နူးညက်ဇ်ထက် ပိုကောင်းတဲ့ ရာသီ ပိုင်ဆိုင်စေချင်ပေမယ့်လည်း သူ့လိုမျိုး ဖြစ်ခဲ့မယ် ဆိုရင်လည်း အံ့အားသင့်စရာ မဟုတ်တော့ပါဘူး။ သူ ကောင်းကောင်း လုပ်နိုင်ပါလိမ့်မယ်။ ဒါပေမယ့် အသားကျအောင် အချိန်ယူရပါလိမ့်မယ်။ အရည်အချင်းတွေ ကတော့ ရှိပေမယ့်လည်း ခင်ဗျား ကြီးမားတဲ့ ပေးဆပ်မှု ပြုလုပ်ရမှာပါ” လို့ ပြောကြားခဲ့ပါတယ်။ 

ကွန်မြူနတီဒိုင်းလုပွဲကို ဟောကိန်း ထုတ်လိုက်တဲ့ ChatGPT

ကွန်မြူနတီဒိုင်းလုပွဲဟာ လာမယ့် တနင်္ဂနွေနေ့ ဝင်ဘလေကွင်းမှာ ကျင်းပသွားမှာ ဖြစ်ပါတယ်။ အာဆင်နယ်နဲ့ မန်ချက်စတာစီးတီး တို့ဟာ ပရီးမီးယားလိဂ် ရာသီသစ် မတိုင်ခင် အဓိက ဆုဖလား တစ်လုံး အတွက် ယှဉ်ပြိုင်သွားကြမှာ ဖြစ်ပါတယ်။

AI ဖြစ်တဲ့ ChatGPT က အာဆင်နယ်နဲ့ မန်ချက်စတာစီးတီး တို့ရဲ့ ပွဲစဉ်မှာ ဖြစ်ပွားမယ့် အရေးကြီးတဲ့ အခိုက်အတန့်တွေကို ဟောကိန်း ထုတ်လိုက်ပြီး ဂွါဒီယိုလာရဲ့ အသင်းက အာတေးတားရဲ့ အသင်းကို ၉ ပွဲ ဆက်တိုက် နိုင်ပွဲ ရရှိသွားလိမ့်မယ်လို့ သိရပါတယ်။ 

မန်ချက်စတာစီးတီး အတွက် အဖွင့်ဂိုးကို ဘာနာဒို ဆေးလ်ဗားက သွင်းယူပေးမှာ ဖြစ်ပြီး ဂါဘရီရယ် ဂျေဆုစ်က အာဆင်နယ်အတွက် ချေပဂိုးကို ထောင့်ကန်ဘောကနေ တဆင့် သွင်းယူပေးမယ်လို့ သိရပါတယ်။ မန်ချက်စတာစီးတီး အတွက် အာလင်း ဟာလန်းက နှစ်ဂိုး အထိ သွင်းယူပေးပြီး နောက်ဆုံးမှာ ဂွါဒီယိုလာရဲ့ အသင်းက ၃-၁ နဲ့ အနိုင်ရရှိပြီး ကွန်မြူနတီဒိုင်းကို ဆွတ်ခူးသွားနိုင်မှာ ဖြစ်တယ်လို့ ဟောကိန်းထုတ်ခဲ့တာ ဖြစ်ပါတယ်။ 

ဂျူဗင်တပ်နဲ့ သဘောတူညီမှု ရခဲ့တဲ့ လူကာကူ 

ရိုမယ်လူ လူကာကူဟာ ယခုနွေရာသီမှာ ချဲလ်ဆီး အသင်းကနေ ထွက်ခွာဖို့ ပြင်ဆင်နေပြီး ဂျူဗင်တပ် အသင်းနဲ့ သဘောတူညီမှု ရရှိခဲ့ပြီလို့ သိရပါတယ်။ 

အီတလီ ကလပ် အသင်းဟာ လူကာကူ အတွက် ဒူဆန် ဗလာဟိုဗစ်ချ်နဲ့ အလဲအထပ် ပြုလုပ်နိုင်ဖို့ မျှော်လင့်ခဲ့ပေမယ့်လည်း ချဲလ်ဆီး ဆီကနေ ယူရိုသန်း ၄၀ လည်း လိုချင်ခဲ့တာ ဖြစ်ပါတယ်။   

ချဲလ်ဆီးက အပြောင်းအရွှေ့ အပေါ် အပြီးသတ် ဆုံးဖြတ်ချက် ချမှတ်ဖို့ စောင့်ဆိုင်းနေဆဲ ဖြစ်ပြီး နည်းပြ ပိုချက်တီနိုက ဆုံးဖြတ်ချက် ချရာမှာ အရေးကြီးလိမ့်မယ်လို့ သတင်းတွေက ဖော်ပြခဲ့ပါတယ်။ 

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.