အန်တိုနီ အီလန်ဂါ ကတော့ ပရီးမီးယားလိဂ် ကလပ် နော့တင်ဟမ်ဖောရက်စ်နဲ့ အတူ အကောင်းဆုံး ခြေစွမ်းတွေ ပြသထားနိုင်သူလည်း ဖြစ်ပါတယ်။ အီလန်ဂါက ယူနိုက်တက် ကစားသမားဟောင်း ဖြစ်ပြီးတော့ သူ့ အနေနဲ့ ယူနိုက်တက်နဲ့ လမ်းခွဲပြီးနောက် နော့တင်ဟမ်ကို ပြောင်းရွှေ့ခဲ့တာဟာ မှန်ကန်တဲ့ ဆုံးဖြတ်ချက် ဖြစ်ခဲ့တယ်လို့ ဖွင့်ဟ ပြောကြားလာခဲ့ပါတယ်။
လက်ရှိမှာ အသက် ၂၂ နှစ် အရွယ် ရှိပြီ ဖြစ်တဲ့ အီလန်ဂါက လက်ရှိမှာ နော့တင်ဟမ်ဖောရက်စ် အတွက် အမာခံ ကစားသမား အဖြစ် ခြေစွမ်းပြနေသူ ဖြစ်ပါတယ်။ အီလန်ဂါက ပြီးခဲ့တဲ့ ရာသီက ပရီးမီးယားလိဂ် အပါအဝင် ပြိုင်ပွဲစုံ ၃၉ ပွဲ ကစားပြီး ၅ ဂိုး သွင်း၊ ၉ ဂိုး ဖန်တီးနိုင်ခဲ့ပါတယ်။ ဒီရာသီမှာလည်း ဆွီဒင်သားက ၃၂ ပွဲ ကစားပြီးချိန်မှာတင် ၅ ဂိုးသွင်းကာ ၉ ဂိုး ဖန်တီးနိုင်ခဲ့ပါတယ်။
ဒီလို ခြေစွမ်းပြနေတဲ့ အီလန်ဂါက အင်တာဗျူး တစ်ခုမှာ အခုလိုပဲ ပြောကြားခဲ့ပါတယ်။ အီလန်ဂါက “ယူနိုက်တက်က ကမ္ဘာ့အကောင်းဆုံး အသင်းတွေထဲက တစ်သင်းပါ။ ကျွန်တော် ဒီအသင်းကို ချစ်နေတုန်းပါပဲ။ သူတို့ရဲ့ ပွဲတွေ ကိုလည်း မကြာမကြာ ကြည့်ပါတယ်။ သူတို့ ကောင်းကောင်း မစွမ်းဆောင်နိုင်တဲ့ အခါ ကျွန်တော့် အနေနဲ့ နည်းနည်းတော့ နာကျင်ခံစားရပါတယ်။ ဒါပေမယ့် ကျွန်တော် ကောင်းမွန်တဲ့ ဆုံးဖြတ်ချက် ချမှတ်နိုင်ခဲ့တယ်လို့ ထင်ပါတယ်။ ကျွန်တော် ကောင်းမွန်တဲ့ ဆုံးဖြတ်ချက် တစ်ခုကို ချလိုက်ပြီလို့ ထင်ပါတယ်။ ကျွန်တော် ကျေနပ်ပါတယ်။” လို့ ပြောကြားခဲ့ပါတယ်။
သတင်းတွေအရ ဆိုရင်တော့ ဖောရက်စ် အတွက် ခြေစွမ်းပြနေတဲ့ အီလန်ဂါကို ပရီးမီးယားလိဂ် ပြိုင်ဘက် နယူးကာဆယ်က ခေါ်ယူဖို့ ကြိုးပမ်းနေပါတယ်။ ဒါ့အပြင် လက်ရှိ ကလပ် ကလည်း အီလန်ဂါရဲ့ ပြောင်းရွှေ့ကြေး တန်ဖိုးကို ပေါင်သန်း ၅၀ သတ်မှတ်ထားပါတယ်။ ဆွီဒင် တောင်ပံ တိုက်စစ် ကစားသမားဟာ လက်ရှိမှာ အကောင်းဆုံး ပုံစံ ရရှိနေတာကြောင့် သူ့ရဲ့ ခြေစွမ်းကို ဥရောပ ထိပ်တန်း ကလပ်တွေရဲ့ စိတ်ဝင်စားခြင်း ခံနေရတာ ဖြစ်ပါတယ်။
ဒီအခြေအနေနဲ့ ပတ်သတ်လို့ “ကျွန်တော့်မှာ ရာသီကောင်း တစ်ခု ရရင် စကားပြောချင်တဲ့ အသင်းတွေ အမြဲတမ်း ရှိနေမှာပါ။ ဒါပေမယ့် အခုအချိန်မှာ ကျွန်တော် နော့တင်ဟမ်ဖောရက်စ်မှာ နေပြီး ကျွန်တော် ပျော်ရွှင်နေပါတယ်။” လို့ အီလန်ဂါက Fotbollskanalen ကို ပြောကြားခဲ့ပါတယ်။ ဆက်လက်ပြီး အီလန်ဂါက “နော့တင်ဟမ်က တော်တော်လေး ကောင်းသွားပါပြီ။ ကျွန်တော်တို့ လုပ်ဆောင်နေတာ တော်တော်လေး ကောင်းပါတယ်။ အတတ်နိုင်ဆုံး အကောင်းဆုံး ရာသီသိမ်းနိုင်မယ်လို့ မျှော်လင့်ပါတယ်။ ကျွန်တော်တို့ ဒီထက် ပိုကောင်းအောင် လုပ်ဆောင်နိုင်ပါတယ်။ အသင်း အတွက် ကစားသမား အားလုံး အားစိုက် ကြိုးစားနေပြီး ကျွန်တော်တို့ အားလုံး ဒီထက်ပိုကောင်းနိုင်တယ် ဆိုတာ သိပါတယ်။” “ကျွန်တော် တို့မှာ အရေးကြီးတဲ့ ပွဲစဉ် ၉ ပွဲ ကျန်နေပါသေးတယ်။ လူတော်တော်များများက ဥရောပ (ချန်ပီယံလိဂ် ဝင်ခွင့်) အကြောင်း ပြောနေကြပြီး ဒါက ဖြစ်နိုင်ခြေ တစ်ခု ဖြစ်ပေမယ့် ကျွန်တော်တို့ ပွဲတွေကို အနိုင်ရဖို့ လိုအပ်ပါတယ်။ အခုထိ ကျွန်တော်တို့ ကောင်းကောင်း ကစားထားနိုင်ခဲ့ပေမယ့် ရာသီက ရှည်ကြာနေဆဲပါ။ ဆက်ပြီး အနိုင်ရဖို့ လိုပါတယ်။ ကျွန်တော် တို့က အမြဲတမ်း ပိုလိုချင်သူတွေပါ။” လို့ အန်တိုနီ အီလန်ဂါက ပြောကြားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
