အခုလာမယ့် စနေနေ့ မှာတော့ မန်ချက်စတာစီးတီး – လစ်ဗာပူးလ် ပွဲအပြင် ချဲလ်ဆီး၊ အာဆင်နယ် တို့ရဲ့ ပရီးမီးယားလိဂ် ပွဲစဉ်ကောင်းတွေ ကစားခဲ့ပါတယ်။ ပရိသတ် ထင်မှတ်သလို အကြိတ်အနယ် ဖြစ်တဲ့ ပွဲတွေ နည်းပါးခဲ့ပြီး အသင်းလေးတွေရဲ့ ပွဲတွေက မထင်မှတ်ဘဲ ကြည့်ကောင်းခဲ့ပါတယ်။ ဝက်စ်ဟမ်းက အဝေးကွင်းမှာ ဘန်လေကို နောက်ကျ သွင်းဂိုးတွေနဲ့ အနိုင်ရသွားခဲ့ပြီး ကွန်ပနီရဲ့ အသင်းကို ဇယားအောက်မှာပဲ ထပ်နေခိုင်းခဲ့ပါတယ်။ လူတန်တောင်း ကတော့ ပဲလေ့စ်ကို အနိုင်ယူပြီး သူတို့ အိမ်ကွင်းမှာ ဆိုရင် ဘယ်အသင်းကို မဆို ခြိမ်းခြောက်နိုင်တယ် ဆိုတာကို ပြသပြီး အဆင့် ၁၇ အထိ ရောက်သွားပါပြီ။
အမှတ်ခွဲယူခဲ့တဲ့ မန်စီးတီးနဲ့ လစ်ဗာပူးလ်
မန်ချက်စတာစီးတီး ၁-၁ လစ်ဗာပူးလ်
ပရီးမီးယားလိဂ် ဇယား ထိပ်ဆုံးက နှစ်သင်း တွေ့ဆုံမှုဟာ ထင်သလောက် မဟုတ်ခဲ့ပါဘူး။ မန်စီးတီးက အိမ်ကွင်းမှာ အသာစီးနဲ့ ကစားခဲ့ပြီး ဦးဆောင်ဂိုးလည်း ရခဲ့တယ်။ ဒါပေမယ့် ပွဲကို အပြတ်ဖြတ်ဖို့ မလုပ်ဘဲ ထိန်းကစားနေရင်း မိနစ် ၈၀ မှ ချေပဂိုး ပြန်ပေးရကာ ၁ ဂိုးစီ သရေကျခဲ့တာပါ။ မန်စီးတီး အတွက် နစ်နာခဲ့တဲ့ ပွဲ ဖြစ်ပြီး လစ်ဗာပူးလ် ကတော့ အဖိုးတန် သရေ တစ်မှတ် ရသွားပါတယ်။ အောက်စည်း သရေ ကစားပြီးတော့ ရခဲ့တဲ့ အမှတ်ပါ။ ဒီပွဲမှာ ဟာလန်း ဂိုးသွင်းနိုင်ခဲ့လို့ ပရီးမီးယားလိဂ်မှာ ပထမဆုံး အကြိမ် အဖြစ် လစ်ဗာပူးလ် ဘက်ကို ဂိုးသွင်းနိုင်ခဲ့သလို ဂိုး ၅၀ အမြန်ဆုံး ပြည့်တဲ့ ကစားသမားလည်း ဖြစ်လာပါတယ်။ အမှတ်ပေးပွဲ ၄၈ ပွဲပဲ ကစားပြီး ဂိုး ၅၀ ရခဲ့တာပါ။
စိတ်ပျက်ဖွယ်ရာ ချဲလ်ဆီးရဲ့ အခြေအနေ
နယူးကာဆယ်ယူနိုက်တက် ၄-၁ ချဲလ်ဆီး
ဒဏ်ရာရ ကစားသမားတွေ များပြားနေပြီး လူငယ်တွေတောင် ထည့်သုံးခဲ့ရတဲ့ နယူးကာဆယ် ယူနိုက်တက်ကို ၄-၁ နဲ့ ချဲလ်ဆီးတို့ ရှုံးချက်နာခဲ့တာပါ။ ၁ ဂိုးစီ သရေလိုက် ကစားနိုင်ခဲ့ပေမယ့် ၂ မိနစ် အတွင်း ၂ ဂိုး ပေးလိုက်ရတဲ့နောက် ပိုချက်တီနိုရဲ့ အသင်းဟာ ပြန်မလာနိုင်ခဲ့တော့ပါဘူး။ ဒီကြားထဲ ရိစ် ဂျိမ်းစ်ပါ အနီထိသွားတော့ ပွဲက ပြီးသွားခဲ့ပါတယ်။ နယူးကာဆယ်က အခွင့်အရေးတွေ ရတိုင်း ဂိုးရအောင် သွင်းနိုင်ခဲ့ပြိး အိမ်ကွင်းမှာ ဂိုးပြတ် နိုင်ပွဲ အရယူသွားခဲ့တာပါ။ စပါးနဲ့ မန်စီးတီး တို့ကို ၄ ဂိုးစီ သွင်းပြီး လမ်းကြောင်းမှန်ပေါ် ရောက်လာပြီ ဆိုတဲ့ ချဲလ်ဆီးတို့ စိန့်ဂျိမ်းပါ့ခ်မှာ ရုပ်ပျက်ဆင်းပျက်ကို ဖြစ်ခဲ့ရပါတော့တယ်။
အခွင့်အရေးယူနိုင်ခဲ့တဲ့ ဆင်ပျံကြီး
ဘရန့်ဖို့ဒ် ၀-၁ အာဆင်နယ်
ဆင်ပျံကြီး ကတော့ မန်စီးတီးတို့ သရေကျတာကို အခွင့်ကောင်းယူခဲ့ပါတယ်။ ဘရန့်ဖို့ဒ်ကို ကိုင် ဟာဗက်ဇ်ရဲ့ နောက်ကျ သွင်းဂိုးနဲ့ အနိုင်ရခဲ့ပြီး ဇယားထိပ်ဆုံး ကိုပါ တက်နိုင်ခဲ့ပါပြီ။ ပျားတွေရဲ့ ခံတုပ်အားကြောင့် ဆင်ပျံကြီးလည်း ဟိုလိုလို ဒီလိုလိုတော့ ဖြစ်ခဲ့ရပါသေးတယ်။ ဒါပေမယ့် ဝေဖန်ခံ၊ လှောင်ပြောင်ခံနေရတဲ့ ကင်းကိုင်က ကယ်တင်ရှင် ဖြစ်ခဲ့ပြီး အဖိုးတန် ၃ မှတ် ယူပေးသွားတာပါ။ ဒီ ၃ မှတ်က သူတို့ အတွက် အရမ်း အဖိုးတန်ပါတယ်။ အဓိက ပြိုင်ဘက်တွေ သရေကျချိန်မှာ သူတို့က အနိုင်ရခဲ့လို့ တွက်ကြည့်ရင် ဒီပွဲ ကနေ သူတို့က ၄ မှတ် ရခဲ့တဲ့ သဘောပါပဲ။ မန်စီးတီးနဲ့ လစ်ဗာပူးလ် တို့ထက် အမှတ်ပါ သာသွားခဲ့ပြီး ပရီးမီးယားလိဂ် ဇယား ထိပ်ဆုံးမှာ ခန့်ခန့်ကြီး ရှိနေပါပြီ။
အခြားပွဲရလဒ်များ
ဘန်လေ ၁-၂ ဝက်စ်ဟမ်း
လူတန်တောင်း ၂-၁ ခရစ္စတယ်ပဲလေ့စ်
နော့တင်ဟမ်ဖောရက်စ် ၂-၃ ဘရိုက်တန်
ရှက်ဖီးလ်ယူနိုက်တက် ၁-၃ ဘုန်းမောက်
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
