ဒီတစ်ခါ မှာတော့ ဇူလိုင်လ ၂၃ ရက်နေ့ အထိ ရရှိထားသမျှ လာလီဂါ သတင်းတွေကို ဖော်ပြပေးသွားမှာ ဖြစ်ပါတယ်။
အမ်ဘာပေး အတွက် ရီးရဲလ်နဲ့ ဆွေးနွေးဖို့ အဆင်သင့် ဖြစ်နေတဲ့ ပီအက်စ်ဂျီ
ကီလီယန် အမ်ဘာပေးဟာ လီဂူးဝမ်း ချန်ပီယံတွေကို စွန့်ခွာတော့မယ့်ပုံ ပိုပေါ်လာပြီး လာလီဂါ ကလပ် ရီးရဲလ်မက်ဒရစ် ကသာ ပြောင်းရွှေ့နိုင်ချေ အရှိဆုံး နေရာ ဖြစ်ဖို့ များနေတာ ဖြစ်ပါတယ်။
The Telegraph ရဲ့ ဖော်ပြချက်အရ ပီအက်စ်ဂျီဟာ လာမယ့်ရက်ပိုင်း အတွင်းမှာ အမ်ဘာပေးရဲ့ ထွက်ခွာမှု အတွက် အသင်း အများအပြားနဲ့ စကားပြောဆိုသွားမယ့် အထဲမှာ ရီးရဲလ်မက်ဒရစ် အသင်းလည်း ပါဝင်တယ်လို့ သိရပါတယ်။ လာလီဂါ ထိပ်သီး အသင်းကြီးဟာ ပြင်သစ် တိုက်စစ်မှူးကို ယခုနွေရာသီမှာ ခေါ်ယူနိုင်ဖို့ လုံလောက်တဲ့ ငွေကြေး ပမာဏ ကမ်းလှမ်းနိုင်မလား ဆိုတဲ့ ကိစ္စ ဆွေးနွေးသွားမှာ ဖြစ်ပါတယ်။
ဂျူဗင်တပ်နဲ့ ပွဲပျက်ပြီးနောက် ကိုယ့်စကားနဲ့ကိုယ် ဝဋ်လည်နေတဲ့ ဇာဗီ
ဘာစီလိုနာ အသင်းဟာ ယူအက်စ်အေ ရာသီကြို ခရီးစဉ်ရဲ့ တစ်စိတ်တပိုင်း အဖြစ် Levi’s ကွင်းမှာ ဂျူဗင်တပ် အသင်းနဲ့ ယှဉ်ပြိုင် ကစားဖို့ စီစဉ်ထားတဲ့ ချစ်ကြည်ရေး ခြေစမ်းပွဲကို အစာအိမ် ဝေဒနာကြောင့် ဖျက်သိမ်းခဲ့ရပါတယ်။
ဇာဗီရဲ့ အသင်းဟာ ယူအက်စ်အေ ခရီးစဉ်ကို ဥရောပ ချန်ပီယံ ၃ ကြိမ် ဖြစ်ဖူးတဲ့ ဂျူဗင်တပ်နဲ့ ၂၂ ရက်နေ့ ည ၇ နာရီ ၃၀ မိနစ်မှာ ဖွင့်လှစ်ဖို့ စီစဉ်ထားတာ ဖြစ်ပါတယ်။ ဒါပေမယ့်လည်း အသင်း လူစာရင်းထဲက အဓိက ကစားသမားတွေ အကြားမှာ အစာအိမ်ဝေဒနာ ဖြစ်ပွားနေမှုကြောင့် ဖျက်သိမ်းခဲ့ရတာ ဖြစ်ပါတယ်။ လွန်ခဲ့တဲ့ ၈ နှစ်တုန်းက ဘာစီလိုနာ နည်းပြ ဇာဗီ ဟာနန်ဒက်ဇ်က အစာအိမ်ဝေဒနာ ဆိုတာ ဆင်ခြေ တစ်ခုထက် ဘာမှမပိုဘူးလို့ ပြောဆိုခဲ့ဖူးတာ ဖြစ်ပြီး အဲဒီစကားဟာ လီယွန်နယ် မက်ဆီက လေ့ကျင့်ရေး ကနေ နာမကျန်း ဖြစ်မှုကြောင့် ထွက်ခွာသွားပြီးနောက် ၃ ရက်အကြာမှာ ပြောဆိုခဲ့တာ ဖြစ်ပါတယ်။
ဒါပေမယ့်လည်း ဇာဗီက အဲဒီမှတ်ချက်ဟာ လီယွန်နယ် မက်ဆီရဲ့ ဖြစ်စဉ်နဲ့ ဆက်စပ်ပြီး ပြောဆိုခဲ့တာဟုတ်၊ မဟုတ်ကိုတော့ ဘယ်တုန်းကမှ အတည်မပြုခဲ့ပေမယ့်လည်း အစာအိမ် ပြဿနာရှိရင် ဆေးသောက်ကစားလို့ ရပြီး အရိုးအဆစ်တွေ နာကျင်မှုကသာ အဆိုးရွားဆုံးလို့ ပြောဆိုခဲ့တာ ဖြစ်ပါတယ်။
လီဂူးဝမ်း ကြယ်ပွင့်ကို အရခေါ်မယ့် အက်သလက်တီကို မက်ဒရစ်
လာလီဂါ ကလပ် အက်သလက်တီကို မက်ဒရစ်ဟာ လာမယ့်လမှာ မောင့်ပယ်လီယာ တိုက်စစ်မှူး အယ်လီ ဝါဟီကို ခေါ်ယူဖို့ အလေးအနက် လုပ်ဆောင်သွားမယ်လို့ သိရပါတယ်။ ဒီယေဂို ဆီမြွန်နီရဲ့ အသင်းဟာ လာမယ့် ရက်သတ္တပတ်တွေ အတွင်းမှာ ကစားသမားသစ်တွေ ပိုမို ခေါ်ယူသွားဖို့ စီစဉ်ထားတာ ဖြစ်ပါတယ်။ အက်သလက်တီကို မက်ဒရစ်ဟာ ဝါရင့် စပိန် နောက်ခံလူ အက်ဇ်ပီလီကွေတာ အပါအဝင် အသင်းခံစစ်ကို နောက်ခံ ကစားသမားသစ် ၄ ဦး အထိ ခေါ်ယူပြီး ကြီးမားတဲ့ အပြောင်းအလဲတွေ ပြုလုပ်ထားပြီး ဖြစ်ပါတယ်။
ဒါပေမယ့်လည်း ဆီမြွန်နီက ၂၀၂၃-၂၀၂၄ ရာသီမှာ အသင်းရဲ့ သွင်းဂိုးကို မြှင့်တင်ပေးချင်နေတာ ဖြစ်ပြီး မိုရာတာကလည်း ယခုနွေရာသီမှာ အီတလီကို ပြန်လည် ပြောင်းရွှေ့နိုင်ခြေ ရှိနေတာကြောင့် ပြင်သစ် ယူ-၂၁ တိုက်စစ်မှူး အယ်လီ ဝါဟီကို ခေါ်ယူဖို့ စိတ်ဝင်စားကြောင်း အခိုင်အမာ ပြသခဲ့တယ်လို့ L’Equipe က ဖော်ပြခဲ့ပါတယ်။
မောင့်ပယ်လီယာ တိုက်စစ်မှူးဟာ ပြီးခဲ့တဲ့ရာသီမှာ လီဂူးဝမ်း သွင်းဂိုး ၁၉ ဂိုးအထိ သွင်းယူနိုင်ခဲ့တာကြောင့် ပရီးမီးယားလိဂ် ကလပ် ဖြစ်တဲ့ ချဲလ်ဆီး ကလည်း ခေါ်ယူဖို့ စိတ်ဝင်စားနေတာပါ။ မောင့်ပယ်လီယာ အသင်း ကတော့ အသက် ၂၀ အရွယ် ကစားသမား အတွက် ယူရို ၃၅ သန်း ဝန်းကျင် တောင်းဆိုသွားဖွယ် ရှိပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
