အခုတစ်ခါ မှာတော့ ဇူလိုင်လ ၂၂ ရက်နေ့ မနက်ခင်း အထိ ရရှိထားသမျှ လာလီဂါ သတင်းတချို့ စုစည်း ဖော်ပြပေးသွားမှာ ဖြစ်ပါတယ်။
ဘာဆာတို့ ချန်ပီယံလိဂ် ဖလားကို စိန်ခေါ်နိုင်စွမ်း ရှိလာလိမ့်မယ် ဆိုပြီး ခန့်မှန်းလိုက်တဲ့ အဂွဲရိုး
လီဝမ်ဒေါစကီးကို ခေါ်ယူနိုင်ခဲ့ပြီးနောက် လာလီဂါ ထိပ်သီး ဘာစီလိုနာ ဟာ ချန်ပီယံလိဂ် ဖလားကို စိန်ခေါ်နိုင်စွမ်း ရှိလာလိမ့်မယ်လို့ ဆာဂျီယို အဂွဲရိုးက ခန့်မှန်းသုံးသပ်လိုက်တာပါ။ “ လီဝမ်ဒေါစကီးဟာ ထိပ်တန်းအဆင့် နံပါတ် ၉ တိုက်စစ်မှူးပါ၊ ဘာစီလိုနာ အတွက် သူဂိုးတွေ အများကြီး သွင်းပေးနိုင်ပါလိမ့်မယ်၊ အဲဒီက ကစားသမားတွေနဲ့ တွဲဖက် ကစားနိုင်ရင် သူဂိုးတွေသွင်းဖို့ အခွင့်အရေး မရစရာ အကြောင်း မရှိပါဘူး။” လို့ အဂွဲရိုးက ဆိုခဲ့တာ ဖြစ်ပါတယ်။
ဆက်လက်ပြီး အာဂျင်တီးနား တိုက်စစ်မှူးဟောင်း “ အခုဆိုရင် အသင်းရဲ့ အင်အား ဖြည့်တင်းမှုတွေက အရမ်းကို ကောင်းနေပါတယ်၊ အထူးသဖြင့် ကွင်းလယ်နဲ့ တိုက်စစ်မှာပေါ့၊ ဘာဆာ အနေနဲ့ အရာရာတိုင်းကို ယှဉ်ပြိုင်နိုင်ပါလိမ့်မယ်၊ အသင်းသစ် တစ်သင်းလို ဖြစ်နေလို့ ဥရောပ ချန်ပီယံ ဖြစ်ဖို့က ခက်ခဲမှာ သေချာပါတယ်၊၊ ဒါပေမယ့် ဘာစီလိုနာက အဲဒီအဆင့်မှာ ကောင်းကောင်း ယှဉ်ပြိုင်နိုင်တဲ့ အသင်းပါ။” လို့ အဂွဲရိုးက သုံးသပ်ခဲ့ပါသေးတယ်။
ကတ်တာလန် ထိပ်သီး ဘာစီလိုနာဟာ အခုနွေရာသီ အပြောင်းအရွှေ့မှာ ရာဖင်ညာ၊ ကက်ဆေး၊ ခရစ္စတန်ဆန်၊ လီဝမ်ဒေါစကီး တို့လို ကစားသမားကောင်းတွေ ခေါ်ယူထားနိုင်ခဲ့သလို အရင် ရှိပြီးသား ကစားသမားတွေနဲ့ ပေါင်းစပ်လိုက်မယ် ဆိုရင်တော့ အရင် ခေတ်က ပြိုင်ဘက်တိုင်း ထိတ်လန့်ခဲ့ရတဲ့ ဘာစီလိုနာ အသင်းမျိုးတောင် ပြန်ပြီး မြင်တွေ့ရဖွယ် ရှိနေတာ ဖြစ်ပါတယ်။
ရာဖင်ညာရဲ့ ပြောစကားကို ဘာသာတလွဲ ပြန်ခဲ့ကြတဲ့ စပိန် မီဒီယာများ
အင်တာမိုင်ယာမီနဲ့ ခြေစမ်းပွဲမှာ အကောင်းဆုံး ပုံစံတွေ ပြသနာ ရာဖင်ညာ ကတော့ ပွဲပြီး အင်တာဗျုးမှာ ဘာစီလိုနာဟာ ရီးရဲယ်မက်ဒရစ်ထက် ပိုကောင်းတယ်ဆိုပြီး ပြောကြားခဲ့ကြောင်း စပိန် မီဒီယာတွေက ဖော်ပြနေပါတယ်။ အမှန်တကယ်တော့ ရာဖင်ညာရဲ့ ပြောဆိုမှုကို ဘာသာပြန် လွဲမှားခဲ့တာဖြစ်ပြီး တကယ်တမ်း ကစားသမားဘက်က အဲဒီလိုမျိုး ပြောဆိုခဲ့တာ မဟုတ်ဘူးလို့ သိရပါတယ်။
ရာဖင်ညာ အမှန်တကယ် ပြောဆိုခဲ့တာ ကတော့ “ ရီးရဲလ်နဲ့ ကစားရမယ့် ပွဲက အကောင်းဆုံးပွဲ ဖြစ်လို့ စိတ်အားထက်သန်နေပါတယ် (“ Tenho muita vontade de jogar esses jogos, que são os melhores,” )” လို့ သာဖြစ်ပါတယ်။ ဒါပေမယ့် စပိန်မီဒီယာတွေက နားကြားမှားခဲ့ပြီး ‘somos mejores’ လို့ကြားခဲ့ရာမှာ “ ငါတို့က ပိုကောင်းတယ်” လို့ ရေးသားမိခဲ့ပြီး ရှုပ်ထွေးမှုတွေ ဖြစ်ပေါ်ခဲ့ပါတယ်။
ဘာစီလိုနာနဲ့ ရီးရဲယ်မက်ဒရစ် တို့ဟာ ဇူလိုင်လ ၂၄ ရက်နေ့မှာ ခြေစမ်းပွဲအဖြစ် ကစားရမှာဖြစ်ပါတယ်။ အမေရိကမှာ ကျင်းပမယ့် အယ်လ်ကလက်စီကိုပွဲ ဖြစ်ပြီး ထုံးစံ အတိုင်း ပရိသတ်တွေကို စိတ်လှုပ်ရှားမှုပေးမယ့် ပွဲတစ် ပွဲ ဖြစ်လာဖို့တော့ ရှိနေပါတယ်။
ဘ၀ရဲ့ နောက်ဆုံးသော ဘောလုံး ရာသီလို အသည်းအသန် ကြိုးစားနေတဲ့ ဟာဇက်
လာလီဂါ ထိပ်သီး ရီးရဲယ်မက်ဒရစ် တောင်ပံ တိုက်စစ် ကစားသမား အီဒင် ဟာဇက် ကတော့ ရာသီသစ် အတွက် အသည်းအသန် ပြင်ဆင်မှုတွေကို ပြုလုပ်နေပါတယ်။ ပရီးမီးယားလိဂ် ကလပ် ချဲလ်ဆီး ကနေ ပြောင်းရွှေ့လာပြီး ကတည်းက ကိုယ်အလေးချိန် မြင့်တက်ခဲ့ပြီး အမြဲတမ်းလိုလို ဒဏ်ရာ ပြသနာတွေနဲ့ပဲ လုံးပန်းနေတဲ့ အခြေအနေကို ဟာဇက်က အနေနဲ့ အဆုံးသတ်ဖို့ မျှော်လင့်နေတာ ဖြစ်ပါတယ်။
လာမယ့် ဘောလုံး ရာသီဟာ သူ့အတွက် ဖြစ်ရမယ်လို့လည်း ဟာဇက်က ကြုံးဝါးထားပြီး သူ့ရဲ့ ကြိုးစားအားထုတ်မှုတွေကို အသင်းဘက် ကလည်း အထင်ကြီးနေတယ်လို့လည်း ဆိုပါတယ်။ နည်းပြ အန်ဆယ်လော့တီ ဆိုရင် ဟာဇက်ရဲ့ အခုလက်ရှိ ကိုယ်ခန္ဓာပုံစံကို သူ အရင်တုန်းက တခါမှ မမြင်ဖူးဘူးလို့ ပြောဆိုခဲ့တဲ့ အထိ ဖြစ်ခဲ့ပြီး အခွင့်အရေး ပေးသွားမယ်လို့လည်း ကတိပေးထားကြောင်း သိရပါတယ်။
ဘယ်လ်ဂျီယံ ကြယ်ပွင့်ဟာ ဘာနေဗျူးမှာ ရော်နယ်ဒို နေရာမှာ အစားထိုးဖို့ အတွက် ခေါ်ယူခံခဲ့ရသူ ဖြစ်ပေမယ့် ထင်မှတ်ထားသလိုတော့ ဖြစ်မလာခဲ့တဲ့ ကစားသမားလည်း ဖြစ်ပါတယ်။ အသင်းက အောင်မြင်တွေမှု ရရှိနေပေမယ့် ဟာဇက် ကတော့ ကြီးမားတဲ့ ပါဝင်ပတ်သက်မှုမျိုး မရှိခဲ့ဘဲ သူ့အတွက် အနည်းနဲ့ အများတော့ သိမ်ငယ်စရာ ဖြစ်နေခဲ့ရပြီး လာမယ့်ရာသီမှာ ချေဖျက်နိုင်ဖို့ အားခဲနေတာပဲ ဖြစ်ပါတယ်။ ဘယ်ဂျီယံ လက်ရွေးစင် လာလီဂါ ထိပ်သီး ရီးရဲယ်မက်ဒရစ် အတွက် ၃ ရာသီ အတွင်း ၆၆ ပွဲသာ ကစားနိုင်ခဲ့ပြီး တစ်ရာသီ ၂ ဂိုးနှုန်းသာ သွင်းယူထားနိုင်တဲ့ အီဒင်ဟာဇက်
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
