အခုတစ်ခါ မှာတော့ ဇူလိုင် ၂၉ ရက်နေ့ နံနက်ခင်းမှာ ရရှိထားတဲ့ လာလီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
ဘာစီလိုနာဟာ နောက်ထပ် ခြေလှမ်း တစ်ခုလို့ ဆိုလိုက်တဲ့ ကွန်ဒေး
ဆီဗီလာ ဟာ အသင်းကြီး တစ်သင်း ဖြစ်ပေမယ့် ဘာစီလိုနာ ကတော့ သူ့ရဲ့ ကစားသမား ဘဝ နောက်ထပ် ခြေလှမ်း တစ်ခု ဖြစ်ကြောင်း လာလီဂါ ထိပ်သီး ကလပ်ကို ပြောင်းရွှေ့ခဲ့တဲ့ ဂျူးလ်စ် ကွန်ဒေးက ပြောကြားလိုက်ပါတယ်။
အသင်းသစ်နဲ့ ပထမဦးဆုံး အင်တာဗျူးမှာ ပြင်သစ် ကြယ်ပွင့်က “ကျွန်တော် အရမ်းကို ဝမ်းသာ ဂုဏ်ယူပြီး စိတ်လှုပ်ရှားမိပါတယ်။ ဘာကြောင့်လဲ ဆိုတော့ အရမ်းကို ကြီးမားတဲ့ အသင်းတစ်သင်းကို ပြောင်းရွှေ့ဖြစ်ခဲ့လို့ပါပဲ။ ကျွန်တော် ကစားဖို့ မစောင့်နိုင်တော့ဘူး။ အရမ်းလည်း စိတ်လှုပ်ရှားနေတယ်။”
“ဆီဗီလာက အသင်းကြီး တစ်သင်းပါ။ ဒါပေမယ့် ဘာစီလိုနာကို ပြောင်းရွှေ့ခဲ့တာဟာ ကျွန်တော့်ရဲ့ ကစားသမားဘဝ အတွက် နောက်ထပ် ခြေလှမ်းဖြစ်ပါတယ်။ အထူးသဖြင့် အားကစား အဆင့် တစ်ခု အနေနဲ့ပေါ့။” လို့ ကွန်ဒေးက ပြောကြားခဲ့တာပါ။
အဲ့နောက် ကွန်ဒေးက အခုလို ပြောင်းရွှေ့ ဖြစ်ခဲ့တဲ့ အတွက် ဇာဗီကို အထူးတလည် ကျေးဇူးတင်ရှိကြောင်း၊ ဇာဗီနဲ့စကားတွေ အများကြီး ပြောဖြစ်ခဲ့ပြီး စိတ်လည်း လှုပ်ရှားခဲ့ရကြောင်း၊ နောက်ဆုံး မှာတော့ သူနဲ့ ဇာဗီဟာ ဘောလုံးအပေါ် ရှုမြင်ပုံချင်း တူညီကြောင်း ပြောကြားသွားခဲ့ပါသေးတယ်။
ဂျူဗင်တပ်စ်နဲ့ ပွဲမှာ ပြန်လည် ပါဝင်လာဖို့ ရှိနေတဲ့ ကာဗာဟယ်
ဥရောပထိပ်သီး ကလပ် နှစ်ခုဟာ အမေရိကန် နိုင်ငံ လော့စ်အိန်ဂျလိစ်မြို့မှာ ခြေစမ်းသွားကြမှာ ဖြစ်ပြီး အဲ့ဒီပွဲ မှာတော့ ရီးရဲယ်မက်ဒရစ် ဘက်က အဓိက ညာနောက်ခံလူ ဒန်နီရယ် ကာဗာဟယ် ပါဝင်ကစားနိုင်ဖို့ ရှိနေပေမယ့် ကွင်းလယ်လူ မိုဒရစ် ကတော့ လွဲချော်ဖွယ် ရှိနေတယ်လို့ သိရပါတယ်။
လူကာမိုဒရစ် ကတော့ ကိုရိုနာဗိုင်းရပ်စ် ကူးစက်ခံထားရခြင်း မရှိပေမယ့် အဖျားရှိနေသေးတာကြောင့် ပါဝင်ကစားဖို့ မသေချာဖြစ်နေတယ်လို့ သိရပါတယ်။
ညာနောက်ခံလူ နေရာ အတွက် မိုလီနာကို ခေါ်ယူနိုင်ခဲ့တဲ့ အက်တလက်တီကို
လာလီဂါ ကလပ် အက်တလက်တီကိုမက်ဒရစ် အသင်း ကတော့ အာဂျင်တီးနား လက်ရွေးစင် ညာနောက်လံလူ နာဟူးလ် မိုလီနာကို ခေါ်ယူနိုင်ခဲ့ပြီလို့ သိရပါတယ်။
အသက် ၂၄ နှစ် အရွယ် ညာနောက်ခံလူဟာ စီးရီးအေ ကလပ် အူးဒီးနီးစ်မှာ ခြေစွမ်းပြနိုင်ခဲ့တာကြောင့် နည်းပြ ဆီမြွန်နီ စိတ်ကြိုက် ရွေးချယ် ခေါ်ယူခြင်း ခံခဲ့ရသူ ဖြစ်ပါတယ်။ မိုလီနာရဲ့ ပြောင်းရွှေ့ကြေး ကိုတော့ ဖော်ပြထားခြင်းမရှိပေမယ့် ၂၀၂၇ ခုနှစ် အထိ ၅ နှစ် သက်တမ်း ရှိတဲ့ စာချုပ်သစ် ချုပ်ဆိုခဲ့တယ်လို့တော့ သိရပါတယ်။
မိုလီနာဟာ စီးရီးအေ ကလပ်မှာ ၂ ရာသီ အတွင်း ၆၈ ပွဲ ကစားပြီး ၁၀ ဂိုး သွင်းယူ နိုင်ခဲ့ပါတယ်။ အာဂျင်တီးနား လက်ရွေးစင် အသင်း အတွက် ၅ ပွဲသာ ကစားရသေးပေမယ့် ၂၀၂၁ ကိုပါအမေရိကဖလား ကိုတော့ ဆွတ်ခူးထားနိုင်ခဲ့ပါတယ်။ အက်တလက်တီကိုမက်ဒရစ်ဟာ ကီရင် ထရစ်ပီယာ၊ ဗာဆဲလ်ဂျ်ကိုတို့ ထွက်ခွာသွားပြီးနောက် ရေရှည် အတွက် အရည်အသွေ ရှိတဲ့ ညာနောက်ခံလူ တစ်ဦးကို ရှာဖွေနေခဲ့တာ ဖြစ်ပြီး မိုလီနာ ကိုတော့ အခက်အခဲ မရှိ ခေါ်ယူနိုင်ခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
