မန်ချက်စတာယူနိုက်တက်ရဲ့ စွန့်ပစ်ခြင်း ခံခဲ့ရတဲ့ မေဆန် ဂရင်းဝုဒ်ဟာ ကစားသမားဘဝ အသက်ပြန်သွင်းဖို့ လာလီဂါ ကလပ် ဂီတာဖေးကို ဒီနွေရာသီမှာ ပြောင်းရွှေ့သွားခဲ့ပြီးနောက် ပထမဆုံး သွင်းဂိုးကို သွင်းယူနိုင်ခဲ့ပါတယ်။
အသက် ၂၁ နှစ် အရွယ် တိုက်စစ်မှူးဟာ ဘောလုံး မကစားဘဲ ၁၈ လ ကျော်ကြာ နေထိုင်ခဲ့ရပြီး ၂၀၂၂ ခုနှစ် ဇန်နဝါရီလမှာ မုဒိမ်းမှု၊ ကိုယ်ထိလက်ရောက် တိုက်ခိုက်မှုတွေနဲ့ ဖမ်းဆီးခံရပြီးကတည်းက မန်ယူနိုက်တက်က ငါတို့နဲ့ လာမပတ်သက်နဲ့လို့ ဖယ်ကျဉ်တာ ခံခဲ့ရတာ ဖြစ်ပါတယ်။
အဲဒီစွဲချက်တွေက ၂၀၂၃ ခုနှစ် ဖေဖော်ဝါရီလမှာ အကုန် ပလပ်ခြင်းခံခဲ့ရပေမယ့်လည်း မန်ချက်စတာယူနိုက်တက် ဘုတ်အဖွဲ့ထဲမှာ ဘယ်လိုမှ ပြန်လက်မခံချင်တဲ့ အုပ်စုက အားကောင်းနေတာကြောင့် အိုးထရက်ဖို့ဒ်ရဲ့ အဝေးကို လွင့်ခဲ့တာ ဖြစ်ပါတယ်။ စက်တင်ဘာလမှာ ဂရင်းဝုဒ်ဟာ ဂီတာဖေး အတွက် လာလီဂါ ပွဲဦးထွက် အဖြစ် အက်သလက်တစ် ကလပ်နဲ့ ပွဲမှာ ပါဝင် ကစားပေးခဲ့ပါတယ်။ အဲဒီပွဲစဉ်နဲ့ မန်ချက်စတာယူနိုက်တက် အတွက် နောက်ဆုံး ပါဝင်ကစားပေးခဲ့တဲ့ ပွဲစဉ်ကြားမှာ ရက်ပေါင်း ၆၁၃ ရက် တိတိ ကွာဟနေခဲ့တာ ဖြစ်ပါတယ်။
လက်ရှိ မှာတော့ သစ်သားစိမ်းလေးဟာ နောက်ဆုံး ကစားခဲ့တဲ့ ဆယ်တာဗီဂိုနဲ့ လာလီဂါ ပွဲမှာ ပထမဆုံး အကြိမ် ဂိုးပေါက် ပြန်လည် ရှာတွေ့ခဲ့တာ ဖြစ်ပါတယ်။ ဘော်ဂျာ မာယော်ရယ်ရဲ့ ဘယ်တောင်ပံ ကနေ ချိုးပေးလိုက်တဲ့ ဘောလုံးကို ပင်နယ်တီ ဧရိယာအစွန် ကနေ အတွင်းထဲကို ပြေးဝင်လာပြီးနောက် ညာဘက် ဂိုးအပေါ် ထောင့်ကျဉ်းထဲကို ဆယ်တာဗီဂို နောက်ခံလူတွေ ကာကွယ်ထားတဲ့ကြားက ကန်သွင်းယူခဲ့တာ ဖြစ်ပါတယ်။
ဂီတာဖေး အတွက် သူက ဂိုးဖန်တီးမှု လုပ်ပေးထားနိုင်ခဲ့ပြီး ဖြစ်ကာ သွင်းဂိုး ကတော့ အခုမှစရခဲ့တာပါ။ ဒီဂိုးက ဂရင်း၀ုဒ်ကို စိတ်ဓာတ် ခွန်အားပေးစွမ်းနိုင်မှာ သေချာပါတယ်။ သူ ဂိုးရဖို့ အတွက် စောင့်ဆိုင်းနေတဲ့ ပရိသတ်တွေလည်း ကျေနပ်နေခဲ့မှာ သေချာပါတယ်။
သစ်သားစိမ်းလေးဟာ ဂိုးသွင်းယူပြီးနောက် အရင်လို အပြုံးတွေနဲ့ အောင်ပွဲခံခဲ့ခြင်း မရှိဘဲ မန်ချက်စတာ ယူနိုက်တက် အတွက် ဂိုးသွင်းယူပေးရတာ ဆိုရင် ဘယ်လောက် ကောင်းလိုက်မလဲလို့များ စိတ်ထဲမှာ တွေးနေမလား မသိနိုင်ပါဘူး။ ဂရင်းဝုဒ်ကို ရည်ရွယ်ပြီး ကွင်းထဲမှာ တိုက်ခိုက် စော်ကားတဲ့ ကြွေးကြော်သံတွေ ကလည်း ဆက်လက် ရှိနေခဲ့ပါတယ်။
ပွဲအပြီးမှာတော့ ဂရင်းဝုဒ်က သူ့ရဲ့ အင်စတာဂရမ် အကောင့် ကနေ ဂီတာဖေး အတွက် ပထမဆုံး သွင်းဂိုးကို သွင်းယူနိုင်ခဲ့ပြီး အဝေးကွင်းမှာ အံ့အားသင့်ဖွယ် အသင်းအဖွဲ့ စိတ်ဓာတ်နဲ့ သရေ ၁ မှတ် ရယူနိုင်ခဲ့လို့ ပျော်ရွှင်မိတဲ့ အကြောင်း ရေးသားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
