မေဆန် ဂရင်း၀ုဒ် ကတော့ မန်ချက်စတာယူနိုက်တက် ပရိသတ်တွေ လွမ်းနေအောင်ကို လုပ်ပြနေပါတယ်။ ညကလည်း စပိန် လာလီဂါ ပွဲစဉ် အဖြစ် ကစားခဲ့တဲ့ အယ်လ်မီရီယာနဲ့ ပွဲမှာ ဧရိယာ အပြင်ဘက် ကနေ ဘယ်ခြေနဲ့ အပြင်းကန်သွင်းပြီး ဂီတာဖေး အတွက် ချေပဂိုး ရယူပေးသွားတယ်။ သူ ကန်သွင်းနေကျ အတိုင်းပါပဲ။ ဘယ်ခြေကစ် အပြင်းစားကြီးနဲ့ ကန်ထည့်သွားပြီး ဂီတာဖေးတို အနိုင်ရအောင်လည်း သူ့ရဲ့ ချေပဂိုးက ကူညီပေးနိုင်ခဲ့ပါတယ်။
သစ်သားစိမ်းလေးဟာ ဂီတာဖေးမှာ အဓိက ကစားသမား အဖြစ်နဲ့ နေရာရနေပြီး ပရိသတ် အားပေးမှု ကလည်း အင်တိုက် အားတိုက် ဖြစ်နေသလို ဂရင်း၀ုဒ် အတွက်တော့ ပျော်ရွှင်စရာ ပတ်ဝန်းကျင် တစ်ခုလည်း ဖြစ်နေခဲ့ပါတယ်။ ဒီရာသီ လာလီဂါမှာ ၂ ဂိုး သွင်း၊ ၃ ကြိမ် ဖန်တီးပေးထားမှုက လက်ရှိ ယူနိုက်တက် တိုက်စစ်ကစားသမားတွေရဲ့ လိဂ်ပွဲ စွမ်းဆောင်ရည်တွေထက် အများကြီး သာလွန်နေတာပါ။ သူ အခုလို ခြေစွမ်းပြလေ ယူနိုက်တက် ပရိသတ်တွေက အသင်းဆီ ပြန်လာစေချင်လေပါပဲ။ ပြသနာအားလုံး ရှင်းပြီးခါမှ ဟိုဟာကြောင့်၊ ဒီဟာကြောင့်ဆိုပြီး ဆန္ဒပြခံရ၊ အသင်းမှာ ကစားရင် ဘာလုပ်မယ်၊ ညာလုပ်မယ် ဆိုတဲ့ သူတွေကြောင့် အိုးထရက်ဖိုဒ်နဲ့ သူ ဝေးခဲ့ရတာပါ။ အခုတော့ သူ့ခြေစွမ်းတွေက လွမ်းစရာတွေ ဖြစ်နေပါပြီ။ ရက်ရှ်ဖိုဒ်က အစ ခြေစွမ်းမပြနိုင်ဖြစ်နေပြီး ဂိုးလိုပြီဆို ဘယ်သူ့ အားကိုးလို အားကိုးရမှန်းမသိ ဖြစ်နေတဲ့ ယူနိုက်တက် အတွက် မေဆန် ဂရင်း၀ုဒ်လို ကစားသမားသာ ရှိနေခဲ့ရင်ဆိုတဲ့ အတွေးနဲ့တင် နှမျောစရာပါပဲ။
အန်တိုနီကို သန်း ၁၀၀ ပေးဝယ်ခဲ့ပေမယ့် အခုထိ အလုပ်မဖြစ်သေးတာကလည်း ဂရင်း၀ုဒ်ကို ပိုပြီး တမ်းတချင်စရာ ဖြစ်နေပါတယ်။ ယူနိုက်တက် ကသာ ပြန်ခေါ်ချင်ရင် ဂရင်း၀ုဒ်ကို အချိန်မရွေး ပြန်ခေါ်လို့ ရပါသေးတယ်။ ဂီတာဖေးကို အပြီးသတ် ပြောင်းရွှေ့တာ မဟုတ်သေးတာကြောင့်ပါ။ ဒါပေမယ့် သူ့ခြေစွမ်းကို သဘောကျပြီး အသင်းကြီးတွေက ချဉ်းကပ် ခေါ်ယူသွားမယ် ဆိုရင်တော့ ယူနိုက်တက်တို့ နောင်တရနေပါလိမ့်မယ်။ ဂရင်း၀ုဒ်လို ကစားသမားမျိုးက တကယ် ခြေစွမ်းပြရင် အနည်းဆုံး ပေါင်သန်း ၅၀ လောက်ကနေ စျေးခေါ်လို့ ရတာကြောင့်ပါပဲ။ ဒီလို ကစားသမား တစ်ဦးကို သူတို့တွေ လွယ်လွယ်နဲ့ စွန့်လွှတ်လိုက်မှာလား ဆိုတာ ကလည်း စောင့်ကြည့်ရပါမယ်။
ဖြစ်ပြီးတဲ့ ပြသနာတွေက အားလုံး ဖြေရှင်းပြီးသားပါ။ ဒါပေမယ့် လူ့အခွင့်အရေး၊ အိမ်တွင်း အကြမ်းဖက်မှု ဆိုတဲ့ ခေါင်းစဉ်အောက်မှာ ဂရင်း၀ုဒ်က ထိန်းချုပ်ခံခဲ့ရပါတယ်။ သူ့ကို ကစားခွင့်ပေးရင် ဖြစ်လာမယ့် နောက်ဆက်တွဲ ပြသနာတွေကို ယူနိုက်တက်က ခေါင်းမခံချင်ပါဘူး။ အသင်း ပုံရိပ်ကို ထိမှာစိုးလို့ပါ။ ဒါပေမယ့် လာလီဂါ ကလပ် ဂီတာဖေး ကတော့ ဒါတွေကို ရင်ဆိုင်ခဲ့ပါတယ်။ ဂရင်း၀ုဒ်ကို ခေါ်လို့ ဝေဖန်ခံရတာတွေကို မတုန်မလှုပ်ပဲ ရှိနေပြီး ကစားသမား ဘက်ကနေ အပြည့်အ၀ ကာကွယ်ပေးခဲ့ပါတယ်။ ကစားသမား အပေါ် ခြိမ်းခြောက်မှုတွေ ကိုလည်း ရှေ့ကနေ ကာကွယ်ပေးပြီး သူတို့ ဘယ်လောက် တန်ဖိုးထားလဲ ဆိုတာကို ပြသခဲ့ပါတယ်။ အခု အဲဒီအကျိုးတွေကို ဂီတာဖေးက ခံစားနေရပါပြီ။
လက်ရှိမှာ ယူနိုက်တက် ပရိသတ် အများစု ကလည်း ဂရင်း၀ုဒ်ကို ပြန်ခေါ်စေချင်နေတာပါ။ အသင်း ဘက်က အင်းမလှုပ်၊ အဲမလှုပ် ဖြစ်နေပြီး ပြသနာကို ရဲရဲရင်မဆိုင်ရဲပါဘူး။ ဒါပေမယ့် အန်တိုနီ ပြသနာတက်ခဲ့တာ ကိုတော့ ဖြေရှင်းလို့ မပြီးခင်ပဲ ပြန်ကစားခွင့်ပေးခဲ့ပြန်ပါတယ်။ သူတို့ကိုက Double Standard ဖြစ်နေပြီး ပရိသတ်တွေ ကလည်း အဲဒီအပေါ် ပေါက်ကွဲခဲ့ပါတယ်။ အခုလို ဂရင်း၀ုဒ် ခြေစွမ်းပြနေတဲ့ အသင်း အပေါ် ပရိသတ်တွေက မကျေနပ်ချက်က ပိုပြီး တိုးပွားလေပါပဲ။ အသင်း အတွက် ဂိုးသွင်းပေးမယ့်သူ မရှိလေ ဂရင်း၀ုဒ်ကို တမ်းတလေပါပဲ။ သေချာတာ ကတော့ ဂရင်း၀ုဒ်ဟာ ယူနိုက်တက်ဖန်တွေကို လွမ်းနေအောင်ကို လုပ်ပြနေပါတော့တယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
