ဘာစီလိုနာ ကတော့ ဒီကနေ့ မနက် အစောပိုင်းမှာ ကစားခဲ့တဲ့ လာလီဂါ ပွဲစဉ် ၁၈ မှာ ကတ်တာလန် ပြိုင်ဘက် အက်စ်ပန်ညိုကို ၀-၂ ရလဒ်နဲ့ အနိုင်ရခဲ့ပါတယ်။ ဘာစီလိုနာက ပြိုင်ပွဲစုံ ၈ ပွဲဆက် အနိုင်ရခဲ့တာ ဖြစ်ပြီး လာလီဂါ မှာလည်း အမှတ်ပေးဇယား ထိပ်ကနေ ၇ မှတ်ဖြတ် ဦးဆောင်နိုင်ခဲ့ပါတယ်။
ဒီနေ့ပွဲမှာ ဘာစီလိုနာက ဖာရန်း တောရက်စ်ကို အထောင်တိုက်စစ်မှာ ထားပြီး ရာဖင်ညာကို အလယ်ပို့ကာ တောင်ပံတွေမှာတော့ ရက်ရှ်ဖို့ဒ်နဲ့ လာမင်း ယာမယ်ကို ပွဲထွက်စေခဲ့ပါတယ်။ ကွင်းလယ်မှာ ဂါစီယာနဲ့ ဒီယောင်တို့ ကစားခဲ့ပြီး ခံစစ် မှာတော့ ကူဘာဆီ၊ မာတင်၊ ဘဲလ်ဒီ၊ ကွန်ဒေး တို့လို လူငယ်တွေကို အားကိုးခဲ့ရပါတယ်။ အက်စ်ပန်ညို မှာတော့ ဖာနန်ဒက်ဇ်၊ အက်စ်ပိုစီတို၊ လိုဇာနို၊ မီလာ၊ ကာလီယို၊ ဒီမီထရိုဗစ် တို့လို အဓိက ကစားသမားတွေ ပွဲထွက်လာခဲ့ပါတယ်။
ဘာစီလိုနာက ပထမပိုင်းမှာ ရုန်းကန်ခဲ့ရပြီး အိမ်ရှင် အက်စ်ပန်ညိုက ပိုမို ထိရောက်တဲ့ ကစားဟန်ကို ပြသနိုင်ခဲ့ပါတယ်။ အက်စ်ပန်ညိုဟာ ပထမပိုင်းမှာ ဂိုးပေါက် ကန်ချက် ၇ ကြိမ် အထိ ပြုလုပ်နိုင်ခဲ့ပြီး ဂိုးပေါက် တည့်မှု ၃ ကြိမ် အထိ ရှိခဲ့ပါတယ်။ ပထမပိုင်း မပြီးခင်မှာ ရော်ဘတ်တို ဖာနန်ဒက်ဇ်ရဲ့ ခေါင်းတိုက်ချက်ကို ယိုအန် ဂါစီယာ တားဆီးနိုင်ခဲ့ပြီး တစ်ဖက်ကစားသမား မာကို ဒီမီထရိုဗစ် ကလည်း ပွဲပြီးခါနီးမှာ ဂျူးစ် ကွန်ဒေးနဲ့ အဲရစ်ခ် ဂါစီယာ တို့ရဲ့ ကန်ချက်တွေကို အံ့မခန်း ကာကွယ်နိုင်ခဲ့ပါတယ်။
ဒုတိယပိုင်း မှာတော့ လီဝမ်ဒေါစကီး၊ ပက်ဒရီ၊ ဒန်နီ အော်လမိုတို့ ဝင်ရောက်လာပြီးနောက် ဘာစီလိုနာက ကစားပုံ တိုးတက်လာခဲ့ပြီး တိုက်စစ်ကိုလည်း ပထမပိုင်းထက် ပိုပြီး ထိထိရောက်ရောက် ကစားနိုင်ခဲ့ပါတယ်။ ဒါပေမယ့်လည်း ပွဲချိန် ၈၆ မိနစ် အရောက်မှ ဘာစီလိုနာတို့ ဦးဆောင်ဂိုး ရသွားခဲ့ပြီး ဖာမင်း လိုပက်ဇ်ရဲ့ ဖန်တီးပေးမှု ကနေ ဒန်နီ အော်လမိုက သွင်းယူခဲ့တာ ဖြစ်ပါတယ်။ အဲဒီနောက် ပွဲချိန် မိနစ် ၉၀ မှာ ဖာမင်း လိုပက်ဇ်ရဲ့ ဖန်တီးပေးမှု ကနေပဲ ရောဘတ် လီဝမ်ဒေါစကီးက ဘာစီလိုနာ အတွက် အနိုင်သေချာစေမယ့် ဂိုးကို သွင်းယူနိုင်ခဲ့လို့ ၀-၂ ရလဒ်နဲ့ပဲ ပွဲပြီးဆုံးခဲ့ပါတယ်။
ဘာစီလိုနာ ကတော့ ဒီရာသီ လာလီဂါမှာ ၉ ပွဲဆက် အနိုင်ရခဲ့တာ ဖြစ်ပြီး ဒီနိုင်ပွဲဟာ ဟန်ဆီ ဖလစ်ခ် လက်ထက် ၂၀၂၅ ခုနှစ် ဇန်နဝါရီလနဲ့ မတ်လ အကြားမှာ ရရှိထားခဲ့တဲ့ စံချိန်နဲ့လည်း တူညီသွားခဲ့တာ ဖြစ်ပါတယ်။ ဘာစီလိုနာဟာ အက်စ်ပန်ညိုနဲ့ လာလီဂါ အဝေးကွင်း တွေ့ဆုံမှု ၁၇ ကြိမ်မှာ ရှုံးပွဲ မရှိသေးဘဲ ပြိုင်ပွဲ သက်တမ်း တစ်လျှောက် ပြိုင်ဘက် အသင်း တစ်သင်းတည်းကို အကောင်းဆုံး အနိုင်ယူနိုင်ခဲ့ပါတယ်။ ဘာစီလိုနာဟာ ဗီလာရီးရဲလ် ကိုလည်း ၁၇ ပွဲ အထိ အနိုင်ရထားပါသေးတယ်။
ဘာစီလိုနာဟာ နောက်ဆုံး ကစားခဲ့တဲ့ လာလီဂါ ပွဲစဉ် ၃၉ ပွဲမှာ ၁၀၅ ဂိုး သွင်းယူနိုင်ခဲ့ပြီး ဒါဟာ ဥရောပ ထိပ်တန်းလိဂ် ၅ ခုမှာ အကောင်းဆုံး စံချိန်လည်း ဖြစ်ပါတယ်။ ဒါပေမယ့်လည်း ပထမပိုင်းမှာ ဂိုးပေါက် ကန်ချက် ၃ ကြိမ်သာ ပြုလုပ်နိုင်ခဲ့တာက ဒီရာသီ လာလီဂါ ပွဲစဉ်တွေမှာ အနိမ့်ဆုံး စံချိန် ဖြစ်ခဲ့ပါတယ်။
ဖလစ်ခ်ရဲ့ အသင်းက တစ်ဖက်မှာ ယိုအန် ဂါစီယာကို ကျေးဇူးတင်ရမှာ ဖြစ်သလို ၂၀၂၃ ခုနှစ် နိုဝင်ဘာလက ရီးရဲလ်ဆိုစီဒက်နဲ့ ပွဲမှာ မာ့ခ်-အန်ဒရီ တာစတီဂျန် နောက်ပိုင်း စပိန် ထိပ်တန်း ပွဲစဉ် တစ်ပွဲမှာ ဂိုးမပေးရတဲ့ ဂိုးပေါက် ကာကွယ်မှု ၆ ကြိမ် ပြုလုပ်နိုင်တဲ့ ပထမဆုံး ဘာစီလိုနာ ဂိုးသမားလည်း ဖြစ်လာခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
