လာလီဂါ လက်ရှိ ချန်ပီယံ ရီးရဲလ်မက်ဒရစ် ကတော့ ရာသီ အစပိုင်းမှာ အနည်းငယ် ရုန်းကန်ခဲ့ရပေမယ့် လက်ရှိမှာတော့ ရလဒ်တွေ တောက်လျောက် ပြန်ကောင်းနေပြီး ချန်ပီယံဆုကို ဆက်လက် ထိန်းသိမ်းနိုင်ဖို့ အခြေအနေ ကောင်းနေဆဲ ဖြစ်ပါတယ်။ ဒီအချိန်မှာ ရီးရဲလ်မက်ဒရစ် နည်းပြ ကာလို အန်ဆယ်လော့တီက ဒီရာသီ လာလီဂါ ချန်ပီယံလုပွဲဟာ ပြိုင်ဆိုင်မှု ပြင်းထန်ဖို့ ရှိပြီး ချန်ပီယံ ဖြစ်ဖို့ ရမှတ် ၉၀ ရဖို့ မလိုအပ်ကြောင်း ပြောကြားလာခဲ့ပါတယ်။
လာလီဂါ ပွဲစဉ် ၁၈ အပြီး မှာတော့ အက်တလက်တီကိုမက်ဒရစ်က ရမှတ် ၄၁ မှတ်နဲ့ အမှတ်ပေးဇယား ထိပ်ဆုံးမှာ ရပ်တည်နေပြီးတော့ ရီးရဲလ်မက်ဒရစ်က ရမှတ် ၄၀နဲ့ ဘာစီလိုနာက ၃၈ မှတ် ရရှိထားပါတယ်။ ဒီအခြေအနေမှာ အက်တလက်တီကိုမက်ဒရစ်နဲ့ ရီးရဲလ်မက်ဒရစ် တို့က ဘာစီလိုနာထက် တစ်ပွဲလျော့ ကစားထားပါသေးတယ်။ ဘာစီလိုနာဟာ ရာသီ အစပိုင်းမှာ တာထွက်ကောင်းခဲ့ပေမယ့် နောက်ပိုင်း ပွဲစဉ်တွေမှာ တောက်လျောက် ခြေချော်ပြီးတော့ မက်ဒရစ်မြို့ခံ နှစ်သင်းရဲ့ ကျော်တက်ခြင်း ခံခဲ့ရတာ ဖြစ်ပါတယ်။
ဘာစီလိုနာ နည်းပြ ဟန်ဆီ ဖလစ်ခ် ကိုယ်တိုင် ကတော့ သူတို့ အသင်း ရလဒ်တွေ ဆိုးရွားနေတာကြောင့် ဆောင်းရာသီ နားရက် လိုအပ်နေပြီ ဖြစ်ကြောင်း ဝန်ခံ ပြောဆိုထားခဲ့ပါတယ်။ ဘာစီလိုနာဟာ နောက်ဆုံး ကစားခဲ့တဲ့ လာလီဂါ အရေးကြီး ပွဲစဉ်မှာ အက်တလက်တီကိုမက်ဒရစ်ကို အိမ်ကွင်းမှာ ရှုံးနိမ့်ခဲ့သလို လာလီဂါ နောက်ဆုံး ၇ ပွဲမှာ နိုင်ပွဲ ၁ ပွဲသာ ရခဲ့ပြီး ရလဒ်တွေ ဆိုးရွားနေတာ ဖြစ်ပါတယ်။ ဘာစီလိုနာက ရာသီ အစပိုင်းမှာ ချန်ပီယံ ဖြစ်ဖို့ ထိပ်ဆုံးက ရေပန်းစားခဲ့ပေမယ့် လက်ရှိမှာတော့ လာလီဂါ ချန်ပီယံဆု အတွက် အသင်း ၄ သင်း အထိ အပြိုင်အဆိုင် ဖြစ်နေပါပြီ။
ဒါကြောင့် ရီးရဲလ်မက်ဒရစ် နည်းပြ ကာလို အန်ဆယ်လော့တီက ဒီရာသီ လာလီဂါ ချန်ပီယံလုပွဲက အကြိတ်အနယ် ဖြစ်လာမှာ ဖြစ်ပြီး ရမှတ် ၉၀ အောက်နဲ့တင် ချန်ပီယံ ဖြစ်နိုင်ကြောင်း ပြောကြားခဲ့တာ ဖြစ်ပါတယ်။ “လာလီဂါ ပြိုင်ပွဲက ပြီးခဲ့တဲ့ နှစ်တွေမှာ အရမ်းကို အကြိတ်အနယ် ရှိတဲ့ ပြိုင်ပွဲ ဖြစ်လာခဲ့ပါပြီ။
ဒီရာသီမှာ အက်တလက်တီကိုမက်ဒရစ် အသင်းက လူအင်အား ဖြည့်တင်းပြီး ချန်ပီယံဆုကို ရယူဖို့ ကြိုးစားနေပါတယ်။ ဒီရာသီ လာလီဂါ ပြိုင်ပွဲက နောက်ဆုံး ပွဲစဉ်တွေ အထိ ချန်ပီယံဆု အတွက် အကြိတ်အနယ် ဖြစ်နိုင်ပြီး ဖျော်ဖြေမှု အပြည့်အဝ ပေးနိုင်မယ်လို့လည်း ထင်ပါတယ်။ ဒီရာသီ လာလီဂါ ချန်ပီယံဆုကို ရမှတ် ၉၀ အောက်နဲ့ ရယူနိုင်ပါတယ်” လို့ ပြောကြားခဲ့ပါတယ်။ ရီးရဲလ်မက်ဒရစ် ကတော့ ဒီရာသီ လာလီဂါမှာ ရှုံးပွဲ ၂ ပွဲသာ ရှိထားပြီး ၄ ပွဲ သရေကျကာ ၁၂ ပွဲ အထိ အနိုင်ရထားခဲ့ပါတယ်။ အက်တလက်တီကိုမက်ဒရစ် ကတော့ ရှုံးပွဲ ၁ ပွဲသာ ရှိထားခဲ့ပြီးတော့ ဘာစီလိုနာ ကတော့ ရှုံးပွဲ ၅ ပွဲ ရှိထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
