မန်ချက်စတာယူနိုက်တက်နဲ့ ဒီနေ့ညမှာ ကစားရမယ့် ချန်ပီယံလိဂ် အုပ်စု နောက်ဆုံး ပွဲစဉ် မတိုင်ခင် ဘေယန်မြူးနစ် နည်းပြ သောမတ် တူချယ်က အခုလိုမျိုး ပြောကြားခဲ့ပါတယ်။
“ကျွန်တော် ယူနိုက်တက်နဲ့ ပတ်သက်လို့ လေ့လာကြည့်တဲ့အခါ သူတို့မှာ တစ်ဦးချင်း အရည်အသွေး အများကြီး ရှိတာကို တွေ့ရပါတယ်။ နောက်ပြီး ယူနိုက်တက်မှာ ကောင်းကွက်တွေလည်း အများကြီး ရှိပါတယ်။ ဒါပေမယ့် သူတို့က ဒရိုင်ဘာ ထိုင်ခုံမှာ ထိုင်နေရသလို အဖြစ်အပျက်တွေလည်း ဖြစ်နေပါတယ်။ အစ္စတန်ဘူလ်မှာလိုမျိုးပေါ့”
“အချို့ မိနစ်တွေက အရာအားလုံးကို ပြောင်းလဲသွားစေနိုင်လောက်တဲ့ အထိ လှုပ်ခတ်စေပါတယ်” လို့ ပြောခဲ့တာပါ။ ယူနိုက်တက်ဟာ တူချယ် ပြောသလို ကစားသမားကောင်းတွေ ရှိတယ်၊ စာရွက်ပေါ်က လူစာရင်းအရ ကြယ်ပွင့်တွေကို ပိုင်ဆိုင်ထားတဲ့ အသင်း တစ်သင်းပါ။ ဒါပေမယ့် ဒီကစားသမား တစ်ယောက်ချင်းစီက သူတို့ရဲ့ အကောင်းဆုံး ပုံစံကို မရရှိနိုင်တဲ့ အခါ၊ အသင်း လိုက်စုဖွဲ့မှု အတွက် လိုအပ်တဲ့ Chemistry တွေကို မဖန်တီးနိုင်တဲ့ အခါ အသင်းက ရလဒ်တွေဆိုး၊ ပုံပျက်ပန်းပျက် ဖြစ်လာခဲ့ပါတယ်။
ကုန်ပစ္စည်း သဘောအရ ပြောရမယ် ဆိုရင် လက်ရှိ ယူနိုက်တက် ကစားသမားတွေက High-end ကစားသမားတွေပါ။ ယူနိုက်တက်ကြောင့် စျေးတက်သွားတယ်လို့ ဆိုချင်ရင်တောင်မှ ဒီနေ့ခေတ် စျေးကွက်၊ တောင်းဆိုမှု၊ ကစားသမားတွေရဲ့ အရည်အချင်း အစရှိတာတွေအရ ဖြစ်သင့် ဖြစ်ထိုက်တဲ့ အနေအထားပါ။ ဒါပေမယ့် ဒီကစားသမားတွေက အခုနှစ် ချန်ပီယံလိဂ်မှာ တော်တော်လေးကို ရုပ်ပျက်ဆင်းပျက် ဖြစ်နေကြပါတယ်။ အထူးသဖြင့် အိုနာနာပါ။ ယူနိုက်တက် တိုက်စစ်ပိုင်းက ဂိုးတွေ သွင်းလေ၊ သူက နောက်မှာ ဂိုးတွေ ပြန်ပေးလေပါပဲ။ ဂါလာတာစာရေး၊ ကိုပင်ဟေဂင် တို့နဲ့ ပွဲတွေမှာ ဒါမျိုးတွေဖြစ်ခဲ့တာက နှမြောဖို့ အရမ်းကောင်းပါတယ်။
အဲ့ဒါကြောင့်လည်း အခု ချန်ပီယံလိဂ် အုပ်စု နောက်ဆုံးပွဲမှာ ကိုယ်တိုင် နိုင်ဖို့ လိုအပ်ရုံတင်မကဘ အခြား ပွဲတစ်ပွဲ ကိုပါ စောင့်ကြည့်ရမယ့် အနေအထားမျိုး ရောက်သွားခဲ့တာပါ။ တူချယ် ပြောတဲ့ “မိနစ်အချို့” ဆိုတာက စကားထဲမှာ ပါသလို တူရကီမှာလည်း ဖြစ်တယ်၊ ဒိန်းမတ် မှာလည်း ဖြစ်တယ်၊ မြူးနစ်မြို့ မှာလည်း ဖြစ်ခဲ့ပြီးသားပါ။ ယူနိုက်တက်လို အသင်း အတွက် ဒါမျိုး ထောက်ပြခံရတာ၊ ဒီလိုမျိုး လက်လွတ်စပယ် ဂိုးတွေ ပေးလိုက်ရတာကို ပြန်ပြီး စဉ်းစားကြည့်ရင် အင်မတန် အသည်းနာဖို့ ကောင်းပါတယ်။ အိုနာနာက ပရီးမီးယားလိဂ်ရဲ့ အကောင်းဆုံး ဂိုးသမားတွေ ထဲက တစ်ဦး အဖြစ် စာရင်းဝင်မလို ဖြစ်ပြီးမှ ချန်ပီယံလိဂ်လည်း ရောက်ရော၊ ဒုက္ခလှလှပေးခဲ့ပါတယ်။ အခု ယူနိုက်တက်မှာ လုပ်စရာ အများကြီး မရှိတော့ဘူး။ ချန်ပီယံလိဂ် အုပ်စု နောက်ဆုံး ပွဲမှာ ဘေယန်မြူးနစ်ကို သေချာပေါက် အနိုင်ကန်၊ တစ်ဖက်က ဂါလာတာစာရေးနဲ့ ကိုပင်ဟေဂင် ပွဲရလဒ်ကို စောင့်ကြည့်ရုံပါပဲ။ ဘေယန်မြူးနစ်ကို အနိုင်ရဖို့ ခက်သလို တစ်ဖက်ပွဲ မှာလည်း နှစ်သင်းစလုံးက နောက်တစ်ဆင့် တက်ဖို့ မျှော်လင့်ချက် ရှိနေတော့ အုပ်စု တက်ဖို့က ခဲယဉ်းသွားတာ အမှန်ပါပဲ။ ဒါပေမယ့် ချန်ပီယံလိဂ် ဆိုတာက မထင်မှတ်တာတွေမှ ဖြစ်တတ်တဲ့ ပြိုင်ပွဲကြီး ဖြစ်တော့ အံ့ဖွယ် ဖြစ်ရပ်တွေ ထွက်ပေါ်လာမလား ဆိုတာ မပြောနိုင်သေးပါဘူး။ ဒီနေ့ညမှာ ဘာတွေ၊ ဘယ်လို ဆက်ဖြစ်မလဲ ဆိုတာ စိတ်ဝင်စားဖို့ ကောင်းနေပါပြီ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
