ဒီကနေ့ မနက် အစောပိုင်းမှာ ချန်ပီယံလိဂ် အုပ်စု ပွဲစဉ်တွေ ဆက်လက် ယှဉ်ပြိုင်ကစားခဲ့ကြပြီး အုပ်စု (D) မှာတော့ ရီးရဲလ်ဆိုစီဒက်နဲ့ အင်တာမီလန်တို့ နိုင်ပွဲ ကိုယ်စီ ရရှိခဲ့ပြီး နောက်တစ်ဆင့် တက်သွားခဲ့ပါတယ်။
အိမ်ကွင်း ဂိုးပြတ်နိုင်ပွဲနဲ့ နောက်တစ်ဆင့် တက်ခဲ့တဲ့ ရီးရဲလ်ဆိုစီဒက်
ရီးရဲလ်ဆိုစီဒက် ၃-၁ ဘင်ဖီကာ
ဒီရာသီမှာ ခြေစွာနေတဲ့ ရီးရဲလ်ဆိုစီဒက်တို့ ဒီနေ့ပွဲမှာလည်း တိုက်စစ် ပုံစံကောင်း တစ်ခုနဲ့ အတူ ဘင်ဖီကာကို ဂိုးပြတ် ဆုံးမနိုင်ခဲ့တာ ဖြစ်ပါတယ်။ တီယာနေး၊ အန်ဒရီ ဆေးလ်ဗား၊ ပက်ချီကို၊ ထရာအိုရေး တို့လို ကစားသမားတွေ မပါနိုင်ခဲ့သည့် တိုင်အောင် အိုရာဇာဘယ်၊ ကူဘို၊ ဘာရန်နတ်ဆီရာ၊ မန်းဒက်စ်၊ ဇူဘီမန်ဒီတို့ ပါဝင်တဲ့ အစုအဖွဲ့က ဆိုစီဒက်ကို အကောင်းဆုံး ဆွဲတင်ပေးနေဆဲ ဖြစ်ပါတယ်။ ဒီနှစ် ဥရောပ ပြိုင်ပွဲမှာ သိသိသာသာ ရုန်းကန်နေခဲ့ရတဲ့ ဘင်ဖီကာ ကတော့ ဒီနေ့ပွဲမှာလည်း ခြေစွမ်းပိုင်း စုတ်ပြတ်သတ်နေခဲ့ပြီး ဒီမာရီယာ၊ ရာဖာ ဆေးလ်ဗား၊ ဂျာအို မာရီယို၊ အော့တာမန်ဒီ တို့ ပါဝင်ခဲ့ပေမယ့် ဆိုစီဒက်ကို ဘယ်လိုမှ မယှဉ်နိုင်ခဲ့ပါဘူး။ ဆိုစီဒက် တို့ ပွဲချိန် ၆ မိနစ် မှာတင်ပဲ ဦးဆောင်ဂိုး စရခဲ့ပြီး မိနစ် ၂၀ ကျော်မှာ ၃ ဂိုးပြတ်နဲ့ ဦးဆောင်ထားနိုင်ခဲ့ပါတယ်။ ဒါတောင် ပွဲချိန် ၁၅ မိနစ်မှာ မာရီနို သွင်းတဲ့ ဂိုး VAR ကြည့်ပြီး ပယ်ဖျက်မခံရရင်၊ ပွဲချိန် ၂၉ မိနစ်မှာ မန်းဒက်စ် သွင်းတဲ့ ပင်နယ်တီသာ တိုင်ထိ မထွက်ခဲ့ရင် ဆိုစီဒက်တို့ စောစောစီးစီး ၅ ဂိုးပြတ်နဲ့ ဦးဆောင်နိုင်ခဲ့မှာ ဖြစ်ပါတယ်။ ဘင်ဖီကာ အတွက် တစ်လုံးတည်းသော ချေပဂိုးကို ပွဲချိန် ၄၉ မိနစ်မှာ ရာဖာ ဆေးလ်ဗားက သွင်းယူပေးခဲ့တာ ဖြစ်ပါတယ်။
မာတီနက်ဇ်ရဲ့ ပင်နယ်တီ သွင်းဂိုးနဲ့ အဝေးကွင်း နိုင်ပွဲရခဲ့တဲ့ အင်တာမီလန်
ဆဲလ်ဘာ့ဂ် ၀-၁ အင်တာမီလန်
အပြန်အလှန် ဂိုးပေါက် ခြိမ်းခြောက်မှုတွေ လုပ်နိုင်ခဲ့သလောက် သွင်းဂိုးတွေ ရှားပါးခဲ့တဲ့ ပွဲလို့ပဲ ဆိုရပါမယ်။ ဒီပွဲက နှစ်သင်းစလုံး ခြေစွမ်းပိုင်း မျှခဲ့ပြီး အင်တာမီလန်တို့ ပွဲချိန် ၈၅ မိနစ် အရောက်မှ ရရှိခဲ့တဲ့ ပင်နယ်တီကြောင့် အဝေးကွင်း နိုင်ပွဲ ရရှိခဲ့တာ ဖြစ်ပါတယ်။ ဒီပင်နယ်တီ ကိုတော့ လော်တာရို မာတီနက်ဇ် ကပဲ အမှားအယွင်းမရှိ ကန်သွင်းသွားခဲ့တာ ဖြစ်ပါတယ်။ ဒီနိုင်ပွဲကြောင့် အင်တာမီလန်တို့ ပြိုင်ပွဲစုံ နောက်ဆုံး ၈ ပွဲဆက် ရှုံးပွဲ မရှိခဲ့ခြင်းနဲ့ အတူ ၅ ပွဲဆက် အနိုင်ရခဲ့တာ ဖြစ်ပါတယ်။ ဒါကြောင့် ရီးရဲလ်ဆိုစီဒက်နဲ့ အင်တာမီလန်က ၄ ပွဲကစား၊ ၃ ပွဲနိုင်၊ ၁ ပွဲသရေ၊ ရမှတ် ၁၀ မှတ်နဲ့ ချန်ပီယံလိဂ် ရှုံးထွက်အဆင့်ကို တက်ရောက်နိုင်ခဲ့ကြပါတယ်။ ဆဲလ်ဘာ့ဂ် ကတော့ ၃ မှတ် ရထားပြီး အုပ်စု တတိယနေရာမှာ ဆက်လက် ရပ်တည်နေခဲ့ပြီး ဘဲဥမကွဲသေးတဲ့ ဘင်ဖီကာ ကတော့ ကြမ်းတိုက်နေရဆဲ ဖြစ်ပါတယ်။
ဒါကြောင့် လက်ကျန် ပွဲစဉ် ၂ ပွဲဟာ ဆိုစီဒက်နဲ့ အင်တာမီလန် အတွက် အုပ်စု ဗိုလ်လုဖို့ အတွက်သာ အရေးပါတော့သလို ဆဲလ်ဘာ့ဂ်နဲ့ ဘင်ဖီကာ ကလည်း ချန်ပီယံလိဂ် ကနေ ယူရိုပါလိဂ် ဆင်းကန်ခွင့်ရဖို့သာ လုရတော့မှာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
