ရီးရဲလ်မက်ဒရစ် ကတော့ ဒီရာသီ ချန်ပီယံလိဂ်မှာ ရလဒ်တွေ ဆိုးရွားနေပြီးတော့ လိဂ်အဆင့် အမှတ်ပေးဇယား အဆင့် ၂၄ နေရာ အထိ ရောက်ရှိနေခဲ့တာ ဖြစ်ပါတယ်။ လာလီဂါ ထိပ်သီး ကလပ်ဟာ ချန်ပီယံလိဂ် ပွဲစဉ် ၅ ပွဲ ကစားပြီးချိန်မှာ နိုင်ပွဲ ၂ ပွဲသာ ရထားသလို ရှုံးပွဲ ကတော့ ၃ ပွဲ အထိ ရှိထားပြီး နောက်တစ်ဆင့် တက်ရောက်နိုင်ဖို့ မသေချာ ဖြစ်နေတာပါ။
ဒီအခြေအနေမှာ အသင်းရဲ့ တိုက်စစ်မှူးသစ် ပြင်သစ် ကြယ်ပွင့် ကီလီယန် အမ်ဘာပေးက သူတို့ အသင်း အနေနဲ့ လာမယ့် ချန်ပီယံလိဂ် ပွဲစဉ်မှာ အတ္တလန္တာကို အနိုင်ကစားမှ ဖြစ်မယ်လို့ ပြောကြားလာခဲ့တာ ဖြစ်ပါတယ်။ အမ်ဘာပေးက “ချန်ပီယံလိဂ် ပြိုင်ပွဲမှာ အင်အား တောင့်တင်းတဲ့ အသင်းတွေ ကိုပဲ ရင်ဆိုင်ရမှာပါ။ ကျွန်တော်တို့ အနေနဲ့ ပြီးခဲ့တဲ့ ပွဲမှာ လစ်ဗာပူးလ်ကို ရှုံးနိမ့်ထားခဲ့လို့ အခု ပွဲမှာ အတ္တလန္တာကို အနိုင်ကစားဖို့ လိုအပ်ပါတယ်။ ကျွန်တော်တို့ အနေနဲ့ အတ္တလန္တာနဲ့ သွားပြီး ယှဉ်ပြိုင်ဖို့ အဆင်သင့် ဖြစ်နေသလို၊ အနိုင်ရလဒ်ကို အရယူဖို့လည်း အသင့် ဖြစ်နေပါပြီ” လို့ ပြောကြားသွားခဲ့ပါတယ်။
ရီးရဲလ်မက်ဒရစ် အနေနဲ့ ချန်ပီယံလိဂ် လိဂ် အဆင့် ပွဲစဉ် ၆ အဖြစ် ဒီကနေ့ ညမှာ အတ္တလန္တာကို အဝေးကွင်းမှာ သွားရောက် ရင်ဆိုင် ယှဉ်ပြိုင်ရမှာ ဖြစ်ပါတယ်။ ရီးရဲလ်မက်ဒရစ်ဟာ ချန်ပီယံလိဂ် လိဂ် အဆင့် ပွဲစဉ် ၅ အပြီးမှာ ရမှတ် ၆ မှတ်သာ ရရှိထားပြီးတော့ အဆင့် ၂၄ နေရာမှာ ရပ်တည်နေပါတယ်။ ဒါကြောင့် ကာလို အန်ဆယ်လော့တီရဲ့ အသင်းက အုပ်စု အဆင့် ကနေ ထွက်ခွာရမယ့် အန္တရာယ်နဲ့ ရင်ဆိုင်နေရပြီးတော့ မဖြစ်မနေ နိုင်ပွဲ ပြန်လည် ရရှိဖို့ လိုအပ်နေပြီ ဖြစ်ပါတယ်။ ဒါ့အပြင် ရီးရဲလ်မက်ဒရစ်က အဆင့် ၅ နေရာက အတ္တလန္တာနဲ့ ၅ မှတ် အထိ ကွာဟနေတာကြောင့် ရလဒ်ကောင်း ရှာဖွေ နိုင်ရင်တော့ အမှတ်ကွာဟချက်ကို လျှော့ချနိုင်မှာ ဖြစ်ပါတယ်။
အတ္တလန္တာ ကတော့ လက်တလောမှာ ရလဒ်တွေ တောက်လျောက် ကောင်းမွန်နေခဲ့ပြီးတော့ ပြီးခဲ့တဲ့ စက်တင်ဘာလမှာ ကိုမို အသင်းကို ရှုံးပြီး ကတည်းက ရှုံးပွဲ မရှိတာ ဖြစ်ပါတယ်။ ဂတ်စ်ပီရီနီရဲ့ အသင်းက ပြိုင်ပွဲစုံ နောက်ဆုံး ၁၄ ပွဲဆက်တိုက် ရှုံးပွဲ မရှိသလို နိုင်ပွဲ ၁၂ ပွဲ အထိ ရရှိကာ သရေ ပွဲကလည်း ၂ ပွဲသာ ရှိထားတာ ဖြစ်ပါတယ်။ အတ္တလန္တာဟာ စီးရီးအေ မှာလည်း အမှတ်ပေးဇယားကို ဦးဆောင်ထားခဲ့ပြီးတော့ ချန်ပီယံလိဂ် မှာတော့ ဇယားထိပ်က လစ်ဗာပူးလ်နဲ့ ၄ မှတ်သာ ကွာဟနေတာ တွေ့ရပါတယ်။ ရီးရဲလ်မက်ဒရစ် ကတော့ ရလဒ်ပိုင်းက နိုင်လိုက်၊ ရှုံးလိုက် ဖြစ်နေပြီးတော့ နောက်ဆုံး ကစားခဲ့တဲ့ လာလီဂါ ပွဲစဉ် မှာတော့ ဂီရိုနာကို ၀-၃ ရလဒ်နဲ့ အနိုင်ရထားခဲ့ပါတယ်။ ဒါ့အပြင် ရီးရဲလ်မက်ဒရစ်က လာလီဂါ အမှတ်ပေးဇယား ထိပ်က ဘာစီလိုနာနဲ့ ၂ မှတ်သာ ကွာဟနေပြီးတော့ ပွဲလျော့လည်း ကစားထားပါသေးတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
